မာလာသန်းထိုက်

ဒေါ်မာလာသန်းထိုက် သည် မြန်မာသံအမတ်ကြီး တစ်ဦးဖြစ်သည်။သူသည် သံအမတ်ကြီး ဒေါ်ခင်ကြည် နောက်ပိုင်း မြန်မာ့နိုင်ငံရေးအတွင်း ဆဌမမြောက်ခန့်အပ်ခံရသည့် အမျိုးသမီးသံအမတ်ကြီး ဖြစ်သည်။ယင်းမတိုင်မီက သူသည် နိုင်ငံခြားရေးဝန်ကြီးဌာန ၊အပြည်ပြည်ဆိုင်ရာ အဖွဲ့အစည်းများနှင့် စီးပွားရေးဦးစီးဌာန မှ ညွှန်ကြားရေးမှူးချုပ် ဖြစ်ခဲ့သည်။

H.E မာလာသန်းထိုက်
သီရိလင်္ကာနိုင်ငံဆိုင်ရာမြန်မာသံအမတ်ကြီး
တာဝန်ထမ်းဆောင်ဆဲ
တာဝန် စတင် ၇ မေ ၂၀၂၄
ယခင်လူ	ဦးဟန်သူ
ညွှန်ကြားရေးမှူးချုပ် အပြည်ပြည်ဆိုင်ရာ အဖွဲ့အစည်းများနှင့် စီးပွားရေးဦးစီးဌာန နိုင်ငံခြားရေးဝန်ကြီးဌာန
တာဝန်သက်တမ်း ၂၀၂၀ – ၂၀၂၄
ကိုယ်ရေး အချက်အလက်များ
မွေးဖွား	၁၉၆၇
လူမျိုး	မြန်မာ
အလုပ်အကိုင်	သံတမန်

ဝန်ထမ်းဘဝ

သူသည် နိုင်ငံခြားရေးဝန်ကြီးဌာန တွင် နှစ် ၃၀ ဖြတ်သန်းပြီးနောက် ၂၀၂၀ပြည့်နှစ်ထဲတွင် ယင်းဝန်ကြီးဌာန ၏ အပြည်ပြည်ဆိုင်ရာ အဖွဲ့အစည်းများနှင့် စီးပွားရေး ဦးစီးဌာန တွင် ညွှန်ကြားရေးမှူးချုပ် အဖြစ် အတည်ပြုခန့်အပ်ခံရသည်။ ဒေါ်မာလာသန်းထိုက်သည် နိုင်ငံခြားရေးဝန်ကြီးဌာန ယာယီအမြဲတမ်းအတွင်းဝန် ရာထူးဖြင့် ၂၀၂၄ ခုနှစ် ဇန်နဝါရီ ၂၈ ရက် မှ ၂၉ ရက်နေ့အထိ လာအိုနိုင်ငံ လွန်ပရာဘန် (Luang Prabang) မြို့ ၌ ကျင်းပသော အာဆီယံနိုင်ငံခြား ရေးဝန်ကြီးများ အစည်းအဝေး အား မြန်မာနိုင်ငံကိုယ်စားပြုတက်ရောက်ခဲ့ရာ နိုင်ငံတကာအသိုင်းအဝိုင်း ၏ အာရုံစူးစိုက်မှုကို ခံခဲ့ရသည်။ သူသည် ၂၀၂၁ နောက်ပိုင်း နိုင်ငံတော်စီမံအုပ်ချုပ်ရေးကောင်စီ ဘက်က နှစ်နှစ်ကျော်သပိတ်မှောက်ထားသည့် အာဆီယံအစည်းအဝေးသို့ ပထမဦးဆုံး ကိုယ်စားလှယ် အဖြစ် စေလွှတ်ခံရသူအဖြစ်လည်း မှတ်တမ်းဝင်သွားသည်။

သံအမတ်ကြီးဘဝ

၂၀၂၄ ခုနှစ် မေလ ၇ရက်နေ့တွင် သူ့အား နိုင်ငံတော်စီမံအုပ်ချုပ်ရေးကောင်စီ က သီရိလင်္ကာ ဒီမိုကရက်တစ် ဆိုရှယ်လစ်သမ္မတနိုင်ငံ ဆိုင်ရာ အထူးအာဏာကုန် လွှဲအပ်ခြင်းခံရသော ပြည်ထောင်စုသမ္မတ မြန်မာနိုင်ငံတော် သံအမတ်ကြီးအဖြစ် ခန့်အပ်သည်။