ဧပြီ ၁၉၈၅

(၆) ရက်

• ဆူဒန်နိုင်ငံ၌ နိုင်ငံရေးအခြေအနေ ဆိုးရွားယိုယွင်းလာခြင်းကြောင့် စစ်တပ်က ယာယီအားဖြင့် အာဏာသိမ်းယူလိုက်ကြောင်း ဆူဒန်စစ်တပ်က ကြေညာ။

(၇) ရက်

• လွန်ခဲ့သည် ၁၀ နှစ်အတွင်း အင်ဒိုနီးရှားမှ မလေးရှားသို့ တရားမဝင် လာရောက်နေထိုင်ခဲ့ကြသူ ၁၈၀၀၀ ခန့်ကို မလေးရှားက ပြည်နှင်ဒဏ်ပေးလိုက်ကြောင်း အေပီသတင်းဌာနက ဖော်ပြ။

(၁၁) ရက်

• ဓာတ်ငွေ့ယိုစိမ့်မှုကြောင့် လွန်ခဲ့သော ဒီဇင်ဘာလက လူပေါင်း ၂၅၀၀ သေဆုံးစေခဲ့သည့် အိန္ဒိယ၊ ဘိုပါးလ်မြို့ရှိ ယူနီယံ ကာဘိုက်စက်ရုံကို အပြီးအပိုင် ပိတ်ပစ်။

(၂၇) ရက်

• ဤကမ္ဘာကြီးသည် အရက်သေစာသောက်စားပျော်ပါးနေသည့် ကမ္ဘာကြီးဖြစ်နေပြီးဟု အပြည်ပြည်ဆိုင်ရာ အလုပ်သမားအဖွဲ့ချုပ် (အိုင်အယ်အို)က ထုတ်ပြန်သော အစီရင်ခံစာတွင် ဖော်ပြထား၊ လွန်ခဲ့သည့် အနှစ် ၂၀ အတွင်း ဝိုင်အရက်ချို သောက်သုံးမှုမှာ ၂၀ ရာခိုင်နှုန်း တိုးလာပြီး၊ အရက်ပြင်းသောက်သုံးနှုန်းမှာ ရာခိုင်နှုန်း ၅၀ တိုးလာ၍ ဘီယာသောက်သုံးမှုမှာ ၁၂၄ ရာခိုင်နှုန်းအထိ တိုးလာခဲ့ကြောင်းလည်း ဖော်ပြထား။

(၂၉) ရက်

• နိုဘယ်ဆုရှင်များအတွက် ချီးမြှင့်သည် ဆုငွေကို ယခုနှစ်တွင် ဒေါ်လာ ၁၆၀၀၀ ထပ်ဆင့်ပိုပေးမည်ဖြစ်ကြောင်း နိုဘယ်ဆုရွေးချယ်ရေးအဖွဲ့က ကြေညာ။