ညောင်လေးပင်မြို့နယ်

မြန်မာနိုင်ငံ၊ ပဲခူးတိုင်းဒေသကြီးရှိ မြို့

ညောင်လေးပင်မြို့နယ် သည် မြန်မာနိုင်ငံ၊ ၊ ပဲခူးခရိုင်ရှိ မြို့နယ်တစ်ခု ဖြစ်သည်။[၂] ညောင်လေးပင်မြို့နယ်တွင် ညောင်လေးပင်မြို့မဒေါက်မြို့နှင့် ပြွန်တန်ဆာမြို့၊ ပိန်းဇလုတ်မြို့ တို့ ပါဝင်ပြီး မြို့နယ်ရုံးစိုက်ရာမြို့မှာ ညောင်လေးပင်မြို့ ဖြစ်သည်။ ညောင်လေးပင်မြို့နယ်သည် ပဲခူးတိုင်းအရှေ့ခြမ်း၏ အလယ်ဗဟိုအကျဆုံးနေရာတွင် တည်ရှိနေသည်။ ထို့ပြင် ပဲခူးတိုင်းဒေသကြီးအရှေ့ခြမ်း၏ ပို့ဆောင်ဆက်သွယ်ရေးအချက်အချာမြို့ကြီးများစာရင်းတွင်ပါဝင်သည်။ ညောင်လေးပင်မြို့နယ်သည် ပဲခူးခရိုင်တွင် တတိယအကြီးဆုံးမြို့နယ်လည်းဖြစ်သည်။ ညောင်လေးပင်မြို့နယ်သည် အမှတ်(၁) ပြည်ထောင်စုအဝေးပြေးလမ်းမကြီး (ရန်ကုန်-တောင်ငူ-မန္တလေး အဝေးပြေးလမ်းမကြီး) မိုင်တိုင်အမှတ် (၇၂ မိုင်/၃ ဖာလုံ) မှ စတင်၍ မိုင်တိုင်အမှတ် (၉၃ မိုင်/၄ ဖာလုံ) အထိ ၂၁ မိုင် ခန့် ပါဝင်သည်။ ညောင်လေးပင်မြို့နယ်၏ မြောက်ဘက်တွင် ကျောက်တံခါးမြို့နယ်(ညောင်လေးပင်အနောက်မြို့နယ်)၊ အရှေ့ဘက်တွင် ရွှေကျင်မြို့နယ်၊ အနောက်ဘက်နှင့် တောင်ဘက်တွင် ဒိုက်ဦးမြို့နယ်၊ ဝေါမြို့နယ်တို့ဖြင့် ဝန်းရံထားသည်။ အရှေ့ဘက် ၁၅ မိုင်ခန့်တွင် ရှမ်းရိုးမတောင်တန်းများ၊ အနောက်ဘက်တွင် ပဲခူးရိုးမတောင်တန်းများ တည်ရှိသည်။

ညောင်လေးပင်မြို့နယ်
မြို့နယ်
နိုင်ငံ မြန်မာ
တိုင်းဒေသကြီးပဲခူးတိုင်းဒေသကြီး
ခရိုင်ပဲခူးခရိုင်
မြို့နယ်ရုံးစိုက်ရာမြို့ညောင်လေးပင်မြို့
လူဦးရေ (၂၀၁၄)[၁]၁၉၉,၄၈၃
အချိန်ဇုန်မြန်မာစံတော်ချိန် (UTC+6.30)


ပညာရေး

ညောင်လေးပင်မြို့နယ်တွင် အခြေခံပညာအထက်တန်းကျောင်းများ၊ အခြေခံပညာအလယ်တန်းကျောင်းများ၊ အခြေခံပညာမူလတန်းကျောင်း များစွာ ရှိသည်။ ထင်ရှားသော အခြေခံပညာအထက်တန်းကျောင်းများမှာ

    1. အမှတ်(၁) အခြေခံပညာအထက်တန်းကျောင်း၊ ညောင်လေးပင်မြို့ (တက္ကသိုလ်ဝင်တန်းစာမေးပွဲတွင် ပဲခူးတိုင်းဒေသကြီး၏ အမှတ်အများဆုံး ဂုဏ်ထူးရှင်ပေါင်းများစွာ ထွက်ရာ)
    2. အမှတ်(၂) အခြေခံပညာအထက်တန်းကျောင်း၊ ညောင်လေးပင်မြို့
    3. အမှတ်(၁) အခြေခံပညာအထက်တန်းကျောင်း၊ ပြွန်တန်ဆာမြို့
    4. အမှတ်(၂) အခြေခံပညာအထက်တန်းကျောင်း၊ ပြွန်တန်ဆာမြို့
    5. လင်းရောင်သစ် ကိုယ်ပိုင်အထက်တန်းကျောင်း၊ ပြွန်တန်ဆာမြို့ (တက္ကသိုလ်ဝင်တန်းစာမေးပွဲတွင် ပဲခူးတိုင်းဒေသကြီး၏ အောင်ချက်အကောင်းဆုံးကျောင်းများစာရင်းဝင်)


ကိုးကားပြင်ဆင်

  1. (မေ ၂၀၁၅) သန်းခေါင်စာရင်း အစီရင်ခံစာ, ၂၀၁၄ ခုနှစ် လူဦးရေနှင့် အိမ်ထောင်စု သန်းခေါင်စာရင်း အစီရင်ခံစာ အတွဲ-၂. နေပြည်တော်: လူဝင်မှုကြီးကြပ်ရေးနှင့် ပြည်သူ့အင်အား ဝန်ကြီးဌာန, ၁၆။ 
  2. "Myanmar States/Divisions & Townships Overview Map" Myanmar Information Management Unit (MIMU)