တိရစ္ဆာနကထာ ၃၂-ပါး
တိရစ္တာနကထာ ၃၂-ပါး။ မဟာဝဂ္ဂသံယုတ် ပါဠိတော် ၃၆၈။ ဋ္ဌ။ ၃၂၅၌ အကျယ်ရှုပါ။ မဂ်ဖိုလ်မှ ဖီလာကန့်လန့်စကားရပ်ဟူသမျှသည် တိရစ္ဆာနကထာချည်းမည်၏၊ အနေက ဝိဟိတံ တိရစ္ဆာန ကထံဟု သီလက္ခန် ပေါဋ္ဌပါဒသုတ်၌ လာရှိသောကြောင့်လည်း တိရစ္ဆာနကထာကို ၃၂ပါးဟု အတိအကျ သင်္ချာတပ်ရန်မလိုဟု ထင်သည်။ သို့သော် 'အမေးရှိက အဖြေရမြဲ'သဘောတရားအတိုင်း ထို ပေါဋ္ဌပါဒသုတ် ပါဠိတော်မှပင် ၂၈-ပါးယူ၍ အခြားကျမ်းမှ ၄-ပါးနှင့် ဖြေလိုက်အံ့။
- (၁) ရာဇကထံ- မင်းနှင့်စပ်သောစကား၊
- (၂) စောရကထံသူခိုးနှင့်လည်းကောင်း၊
- (၃) မဟာမတ္ထကထံ- အမတ်ကြီး နှင့်လည်းကောင်း၊
- (၄) သေနာကထံစစ်သည်နှင့်လည်းကောင်း၊
- (၅) ဘယကထံ- ကြောက်မက်ဖွယ် နှင့်လည်းကောင်း၊
- (၆) ယုဒ္ဓကထံစစ်တိုက်ခြင်းနှင့်လည်းကောင်း၊
- (၇) အန္နကထံ- စားဖွယ်နှင့်လည်းကောင်း၊
- (၈) ပါနကထံသောက်ဖွယ် နှင့်လည်းကောင်း၊
- (၉) ဝတ္ထကထံ- အဝတ် နှင့်လည်းကောင်း၊
- (၁ဝ) သယနကထံအိပ်ရာနှင့် လည်းကောင်း၊
- (၁၁) မာလာကထံ- ပန်း နှင့်လည်းကောင်း၊
- (၁၂) ဂန္ဓကထံနံ့သာမွှေးထုံနှင့် လည်းကောင်း၊
- (၁၃) ညာတိကထံ-ဆွေမျိုးနှင့်လည်းကောင်း၊
- (၁၄) ယာနကထံ-ယာဉ်နှင့်လည်းကောင်း၊
- (၁၅) ဂါမကထံ- ရွာနှင့်လည်းကောင်း၊
- (၁၆) နိဂမကထံနိဂုံးနှင့်လည်းကောင်း၊
- (၁၇) နဂရကထံ- မြို့နှင့်လည်းကောင်း၊
- (၁၈) ဇနပဒကထံ- နယ်နှင့်လည်းကောင်း၊
- (၁၉) ဣတ္ထိကထံ- မိန်းမနှင့် လည်းကောင်း၊
- (၂ဝ) ပုရိသကထံ- ယောက်ျားနှင့်လည်းကောင်း၊
- (၂၁) သူရကထံ- သူရဲကောင်းနှင့် လည်းကောင်း၊
- (၂၂) ဝိသိခါကထံမြို့တွင်း လမ်းနှင့်လည်းကောင်း၊
- (၂၃) ကုမ္ဘ ဌာနကထံ- ရေခပ်ဆိပ်နှင့်လည်းကောင်း၊
- (၂၄) ပုပ္ဗတေကထံ- သေလွန်သူနှင့်လည်းကောင်း၊
- (၂၅) နာနတ္တကထံ- အထွေထွေနှင့်လည်းကောင်း၊
- (၂၆) လောကက္ခါယိကံ- လောကကြောင့်နှင့် လည်းကောင်း၊
- (၂၇) သမုဒ္ဒက္ခါယိကံသမုဒ္ဒရာပင်လယ်နှင့်လည်းကောင်း၊
- (၂၈) ဣတိဘဝါဘဝကထံ- ကြီးပွားဆုတ်ယုတ်ခြင်း နှင့်လည်းကောင်း၊
- (၂၉) ဂမိကကထံ- ခရီးသည် နှင့်လည်းကောင်း၊
- (၃ဝ) ကုမာရကထံလူပျိုနှင့် လည်းကောင်း၊
- (၃၁) ကုမာရီကထံ- အပျို နှင့်လည်းကောင်း၊
- (၃၂) ကုမ္ဘဒါသီကထံရေရွက်ကျွန်မနှင့် စပ်သောစကား။ [၁]
ကိုးကား ပြင်ဆင်ရန်
- ↑ ဖျာပုံတိုက်သစ်ဆရာတော် အဂ္ဂမဟာပဏ္ဍိတ အရှင်ဩဘာသာဘိဝံသ ရေးသားသော သုတေသန သရုပ်ပြအဘိဓာန်ကျမ်း