ဝီလ်စမစ်
ဝီလာ့ဒ် ကာရိုလ် "ဝီလ်" စမစ် ဂျူနီယာ (အင်္ဂလိပ်: Willard Carroll Smith Jr. ၊ ၁၉၆၈ ခုနှစ်၊ စက်တင်ဘာလ ၁၅ ရက်နေ့ဖွား) သည် အမေရိကန်လူမျိုး ကမ္ဘာကျော် ရုပ်ရှင်သရုပ်ဆောင်၊ ထုတ်လုပ်သူ၊ ရက်(ပ်)ပါနှင့် တေးရေးတစ်ဦး ဖြစ်သည်။ ၂၀၀၇ ခုနှစ်၊ ဇူလိုင်လက အမေရိကန်သတင်းမဂ္ဂဇင်းတစ်စောင်ဖြစ်သည့် အပတ်စဉ်ထုတ် နယူးဝိခ် (Newsweek) က သူ့အား ဟောလိဝုဒ် မှာ အင်အားအကောင်းဆုံးသော အမျိုးသားရုပ်ရှင်သရုပ်ဆောင် အဖြစ် ခေါ်ဆိုသုံးနှုန်းခဲ့သည်။[၂] စမစ်သည် ရွှေကမ္ဘာလုံးဆု အတွက် ငါးကြိမ်၊ အော်စကာဆု အတွက် နှစ်ကြိမ် ဆန်ခါတင်စာရင်းဝင်ခဲ့ပြီး ၊ ဂရမ်မီဆု လေးဆုရရှိခဲ့သည်။ ဝီလ် စမစ်သည် ၁၉၈၀ ခုနှစ် နှောင်းပိုင်းကာလများတွင် လတ်လတ်ဆတ်ဆတ်မင်းသားလေး (The Fresh Prince) ဟူသော နာမည်အောက်တွင် အတော်အသင့် ကျော်ကြားသော ရက်(ပ်)ပါ အဆိုတော်တစ်ဦး ဖြစ်လာသည်။ ဝီလ် စမစ်သည် ရုပ်ရှင်ကားပေါင်း ၄၀ မျှပါဝင်သရုပ်ဆောင်ထားပြီး၊ ရုပ်ရှင်၊ ဂီတစသည့် ဘက်ပေါင်းစုံမှ ထူးချွန်ဆုပေါင်း ၄၀ ကျော် ရရှိထားသူလည်း ဖြစ်၏။
| ဝီလ် စမစ် Will Smith | |
|---|---|
 ၂၀၁၆ ခုနှစ် San Diego Comic-Con International ပွဲတွင် တွေ့ရသော ဝီလ် စမစ် | |
| မွေးဖွား | ဝီလ်လာ့ဒ် ကာရိုလ် စမစ် ဂျူနီယာ (Willard Carroll Smith Jr.) စက်တင်ဘာ ၁၅၊ ၁၉၆၈ ဖီလ်လာဒယ်လ်ဖီးယား၊ ပန်စိုင်လဗန်နီးယား၊ အမေရိကန်ပြည်ထောင်စု |
| ဌာနေ | လော့စ်အိန်ဂျယ်လိစ်မြို့၊ ကယ်လီဖိုးနီးယား၊ အမေရိကန်ပြည်ထောင်စု |
| အခြား အမည်များ | လတ်လတ်ဆတ်ဆတ်မင်းသားလေး (The Fresh Prince) |
| အလုပ်အကိုင် |
|
| တက်ကြွလှုပ်ရှားနှစ်များ | ၁၉၈၅ ခုနှစ် မှ လက်ရှိအထိ |
| ကြွယ်ဝမှု |  အမေရိကန်ဒေါ်လာ သန်း ၂၅၀ (၂၀၁၄)[၁] |
| အိမ်ထောင်ဖက်(များ) |
|
| သားသမီး | ၃ ဦး (ဂျေဒန် စမစ် နှင့် ဝေလ်လို စမစ် အပါအဝင်) |
| ဂီတခရီးလမ်း | |
| ဂီတဟန် | ဟစ်ပ်ဟော့ပ် ဂီတ |
| တေးသံသွင်း ကုမ္ပဏီ |
|
| ပူးတွဲ ပါဝင်မှု |
|
| ဝက်ဘ်ဆိုက် | willsmith.com |
| လက်မှတ် | |
 | |
ကိုးကား
ပြင်ဆင်ရန်- ↑ Will Smith Net Worth - atlantablackstar။ atlantablackstar။ 13 March 2015 တွင် ပြန်စစ်ပြီး။
- ↑ Sean Smith။ "The $4 Billion Man"၊ Newsweek၊ April 9, 2007။ July 7, 2011 တွင် ပြန်စစ်ပြီး။
ပြင်ပလင့်ခ်များ
ပြင်ဆင်ရန်
- တရားဝင် ဝက်ဘ်ဆိုဒ်
အိုင်အမ်ဒီဘီပေါ်ရှိ ဝီလ်စမစ်
