အော်တို စကော်ဇနီ: တည်းဖြတ်မှု မူကွဲများ

[[ဒုတိယကမ္ဘာစစ်]]အတွင်းက မဟာမိတ်စစ်ခေါင်းဆောင်များ၊ နိုင်ငံခေါင်းဆောင်များအကြားတွင် ရန်ဘက် နာဇီဂျာမနီတို့၏ခြိမ်းခြောက်မှုများအနက် ထင်ရှားဆုံးသောသူမှာ စစ်ဗိုလ်၊ ဗိုလ်မှုးတစ်ဦးဖြစ်သည့် အသေခံ(ကွန်မန်ဒို)တပ်ဖွဲ့၏ ခေါင်းဆောင်ဖြစ်သူ အော်တို စကော်ဇနီ (Otto Skorzeny)ပင်ဖြစ်သည်။ အီတလီအာဏာရှင်ဖြစ်သူ [[မူဆိုလီနီ]]အား ကယ်တင်ခြင်း၊ ဟန်ဂေရီခေါင်းဆောင် နီကိုးလ်စ်ဟော်သီအား ဖမ်းဆီးခြင်း၊ ယူဂိုဆလဗ်ခေါင်းဆောင် [[တီးတိုး၊ မာရှယ်(ခရစ် ၁၈၉၂ ဖွား)|မာရှယ်တီးတိုး]]အား ဖမ်းရန်အားထုတ်ခြင်းနှင့် မဟာမိတ်တပ်ပေါင်းစုအကြီးအကဲ ဗိုလ်ချုပ်ကြီး အိုက်ဆင်ဟောင်ဝါအား လုပ်ကြံရန်ကြံစည်အားထုတ်ခြင်းတို့ဖြင့်ထင်ရှားပါသည်။ (သို့သော် အိုက်ဆင်ဟောင်ဝါအား လုပ်ကြံခြင်းမှာ ကောလာဟလမျှသာဖြစ်သည်။)

== ပုံပန်းသဏ္ဍန် နှင့် နောက်ခံမိသားစု ==

စကော်ဇနီအား ဩစတြီးယားနိုင်ငံ၊ ဘောလ်တစ်ပင်လယ်ကမ်းခြေရှိ ပိုမားရေးနီးယားပြည်နယ် အရှေ့ပိုင်းမှ စကော်စင်ဇင်ရွာလေးတွင် ဖွားမြင်သည်။ မျိုးရိုးစဉ်ဆက် စစ်မှုထမ်းသော စစ်သားများဖြစ်ခဲ့သည့်အလျှောက် စကော်ဇနီသည်လည်း စစ်တပ်သို့ဝင်လေသည်။ ငယ်စဉ်က ဆင်းရဲလွန်းလှသဖြင့် အသက် ၁၅နှစ်မှသာ ထောပတ်ကိုပထမဆုံး မြင်ဖူး၊မြည်းဖူးသည်ဟု ဆိုသည်။ လူရွယ်ဘဝက ဓါးပွဲပေါင်း ၁၅ပွဲနွဲပြီး ၂ပွဲသာရှုံးသည်။ တစ်ပွဲမှာ အရှုံးသာမက သေရာပါမည့် ဘယ်ဘက်ပါးပြင်မှ ကန့်လန့်ဖြတ် အနာရွတ်ထင်ကျန်ပြီး၊ နောက်တစ်ပွဲမှာ နှလုံးသားရေးအရ ရှုံးလေသည်။ ကျောင်းသင်ခန်းစာများတွင်လည်း [[သင်္ချာ]]၊[[ဓာတုဗေဒ]]၊ [[ရူပဗေဒ]] စသည်ဖြင့် သိပ္ပံပညာရပ်များတွင်သာ စိတ်ပါဝင်စားပြီး [[သမိုင်း]]၊ ဒဿနိကဗေဒ စသည့်စာပေပညာများတွင် စိတ်ပါဝင်စားလေ့မရှိပေ။

== အတွေ့အကြုံများ ==

== အသေခံတပ်ဖွဲ့ ဖွဲ့စည်းခြင်း ==

ဒဏ်ရာမှ သက်သာလာပြီးနောက် ၁၉၄၃ခုနှစ်၊ ဧပြီလ၊ ၂၀ရက်နေ့တွင် ဗိုလ်ကြီးရာထူးသို့ တိုးမြှင့်ပေးခြင်းခံရပြီးနောက်တွင် တစ်ဆက်တည်း အသေခံတပ်ဖွဲ့ တစ်ဖွဲ့ကိုဖွဲ့စည်းရန် ညွှန်ုကြားချက်ကို ရရှိသည်။ အသေခံတပ်ဖွဲ့ဆိုသည့်အရာကို သိမြင်တို့ထိခြင်းမရှိသေးသည့် စကော်ဇနီအဖို့ အချက်အလက်၊ မှတ်တမ်းမှတ်ရာ၊ သင်ခန်းစာများအား ရှာဖွေစုဆောင်းခြင်းကို အပူတပင်း လုပ်ဆောင်ခဲ့ရသည်။ လက်ထောက်အဖြစ်လည်း သူငယ်ချင်းလည်းဖြစ်၊ ရဲဘော်ရဲဘက်လည်းဖြစ်သည့် အရာခံဗိုလ် ရယ်ဒယ်အား ခန့်အပ်ခဲ့သည်။ အထူးသဖြင့် မိမိတို့ထက်စောကာဖွဲ့စည်းနိုင်ခဲ့သည့် ဗြိတိန်တို့၏ အသေခံတပ်ဖွဲ့များလုပ်ဆောင်ချက်နှင့် စွမ်းရည်များကို အသေးစိတ်ရှာဖွေလေ့လာခဲ့သည်။

== မူဆိုလီနီအား ကယ်တင်ခြင်း ==

== မာရှယ်တီးတိုးအား ဖမ်းဆီးရန်အားထုတ်ခြင်း ==

== ဥရောပ စစ်မြေပြင်မှ အမေရိကန် စစ်သားအတုများ ==

== စစ်အပြီး ခုံရုံးတင်ခံရခြင် ==

== ဘဝနောက်ပိုင်း ==

ထိုနောက်တွင် စကော်ဇနီ၏ လှုပ်ရှားမှုများအား ခြေရာခံနိုင်ခြင်းမရှိတော့ပေ။ အချို့ကနာဇီပါတီအား ပြန်လည်အသက်သွင်းရန်ကြိုးစားနေသည့် အဖွဲ့များတွင် ခေါင်းဆောင်ပိုင်းမှ တာဝန်ယူနေသည်ဟုလည်းကောင်း မရေမရာ ဆိုကြသည်။ အမှန်မှာ ဂျာမနီနိုင်ငံတွင်း လှည့်လည်ကာ အသိမိတ်ဆွေများထံသို့ ပြောင်ပြောင်တင်းတင်း အလည်အပတ်ထွက်နေခဲ့ခြင်းသာဖြစ်သည်။ ၁၉၄၉ခုနှစ်၊ အောက်တိုဘာလတွင် ပဲရစ်မြို့သို့ လည်ပတ်ခဲ့စဉ် ပဲရစ်မြို့ထုတ် ဟူးမင်းနိုက် သတင်းစာမှ စကော်ဇနီဓါတ်ပုံအား ဖော်ပြခဲ့ခြင်းကြောင့် မကျေနပ်သည့် ပြင်သစ်ပြည်သူများက ဆန္ဒပြခြင်းပင် ဖြစ်ပွားခဲ့သေးသည်။ နောက်ဆုံးတွင် စပိန်နိုင်ငံ စကော်ဇနီအား နိုင်ငံမဲ့သူတစ်ဦးအဖြစ်နှင့် လက်ခံနေထိုင်ခွင့်ပေးခဲ့သည်။ ၁၉၅၀မှစကာ စကော်ဇနီနှင့် ပတ်သက်သည့် သတင်းများ ထွက်ပေါ်လာခြင်းမရှိတော့ပေ။ အိုက်ခမန်း၏ မိသားစုအား အာဂျင်တီးနားသို့ ပို့ဆောင်ပေးရာတွင် ဦးဆောင်ပေးခဲ့သည်ဟု ဆိုသော်လည်း သက်သေမရှိခဲ့ပေ။ ဥရောပတိုက်မှ သတင်းစာအချို့တွင် ရံဖန်ရံခါ အောင်မြင်သည့်စီးပွားရေးလုပ်ငန်းရှင်တစ်ဦး အဖြစ်ဖော်ပြခြင်းခံရသည်မှ အပ ထူးခြားသည့် သတင်းအဖြစ် ရောက်မလာခဲ့တော့ပေ။ အနှစ်၂၀နီးပါးအကြာတွင်မှ နယူးစ်ဝိခ် အပတ်စဉ်မဂ္ဂဇင်းတွင် စကော်ဇနီ၏ နိုင်ဂျီးရီးယားနိုင်ငံ အငတ်ဘေးကယ်ဆယ်ရေးနှင့် ပတ်သက်၍ စေတနာ့ဝန်ထမ်းအဖြစ် ရိက္ခာနှင့်ဆေးဝါးများ တင်ပို့ဖြန့်ဝေသည့် လေယာဉ်မောင်းအဖြစ် လုပ်အားပေးနေသည်သတင်းဖော်ပြခံရသည်။ ၁၉၇၅ခုနှစ်၊ ဇူလိုင်လတွင် နယူစ်ဝိခ် မဂ္ဂဇင်းမှပင် စကော်ဇနီ၏ နောက်ဆုံးသတင်းအဖြစ် နာရေးသတင်းအား ဖော်ပြခဲ့သည်။ "၁၉၇၅ခုနှစ်၊ ဇူလိုင်လ၊ ဒုတိယအပတ်အတွင်းတွင် စပိန်နိုင်ငံ၊ မက်ဒရစ်မြို့နေ အော်တို စကော်ဇနီသည် လည်ချောင်းကင်ဆာရောဂါဖြင့် ကွယ်လွန်သွားသည်။" ဟူသော သတင်းဖြစ်သည်။ <ref>ကမ္ဘာကျော် ကွန်မန်ဒို အော့တိုစကော်ဇနီ- [[ လင်းယုန်မောင်မောင်]]</ref>

== ကိုးကား ==