ထိုးမြဲလက်မှတ်: တည်းဖြတ်မှု မူကွဲများ

အထောက်အထားနှင့် ရည်ရွယ်ချက်တို့၏ သက်သေအဖြစ် ပြုလုပ်ထားသည့် လက်ရေးအမှတ်အသား
"လူ​တစ်​ဦး တစ်​..." အစချီသော စာလုံးတို့နှင့် စာမျက်နှာကို ဖန်တီးလိုက်သည်
(ကွဲပြားမှု မရှိ)

၁၇:၃၄၊ ၂၈ ဇွန် ၂၀၁၄ ရက်နေ့က မူ

လူ​တစ်​ဦး တစ်​ယောက်​အဖို့ သူ​၏ ထိုး​မြဲ​လက်မှတ်​သည် လူ​မှု​ရေး၊ စီးပွား​ရေး၊ နိုင်ငံ​ရေး​ပါ​မ​ကျန် တစ်​သက်​တာ​ပတ်လုံး သူ​၏​ကိုယ်စား​ဖြစ်​သည်​သာ​မက တစ်​ခါ​တစ်​ရံ အဖွဲ့​အစည်း​တစ်​ခု​မှ​သည် လူ​မျိုး​တစ်​မျိုး တိုင်း​ပြည်​တစ်​ပြည်​လုံး​အတွက် ကိုယ်စား​ပြု​ရ​သည်​အထိ တန်ဖိုး​ကြီးမား​နိုင်​ပါ​သည်။ ကမ္ဘာပေါ်​ရှိ ယဉ်ကျေး​သော​လူ​မျိုး​တွင် စာပေ​ဟူ၍ ဦး​စွာပေါ်​ပေါက်​ခဲ့​ပြီး​နောက် မိမိ​၏​အမည်​ကို ကမ္ပည်း​ရေး​ထိုး​ရာ​မှ တစ်​ဆင့် လက်မှတ်​ရေး​ထိုး​ခြင်း အလေ့​အထ ပေါ်ပေါက်​လာ​ခဲ့​သည်။ အရေး​ပါ​အရာ​ရောက်​သော အကြောင်း​တစ်​ခု⁠ခု​ကို ခိုင်လုံ​တည်​မြဲ​စေ​ရန် ရေးမှတ်​ကြ​ရ​သည့်​အခါ (စာမ​တတ်​သူ​တို့​အဖို့ လက်မ​နှပ်​ခြင်း၊ ကြက်ခြေခတ်​ခြင်း​များ ပြု​ကြသော်​လည်း) စာတတ်​သူ​အဖို့ ထိုး​မြဲ​လက်မှတ်​ကို သူ​၏ ကိုယ်စား​အဖြစ် ရေး​ထိုး​ကြ​သည်။

တန်ဖိုး​အတက်အကျ​ရှိ​သော ထိုး​မြဲ​လက်မှတ်

လူ​တစ်​ယောက်​၏ အရည်အချင်း ငွေ​ကြေး​ဥစ္စာ ရာထူး​ဌာန္တ​ရ​မှ စ​၍ တ​ဖြေးဖြေး မြင့်​တက်​လာ​သည့်​အခါ ထို​သူ​၏ ထိုး​မြဲ​လက်မှတ်​တန်ဖိုး​သည်​လည်း မြင့်​တက်​လာ​ရ​စ​မြဲ ဖြစ်​သည်။ ဥပမာ - လူ​တစ်​ယောက်​သည် ဘဏ်​တွင် ငွေ​သိန်း​တစ်​ထောင် အပ်​နှံထား​သည် ဆို​ပါ​က သူ​၏​လက်မှတ်​သည် ငွေ​သိန်း​တစ်​ထောင်​တန်​ပြီး အကယ်၍ ဘဏ်​တွင် ငွေ​သန်း​တစ်​ထောင် အပ်​နှံထား​နိုင်​သည်​အထိ ကြွယ်​ဝ​လာ​ခဲ့​လျှင် ထို​သူ​၏ ထိုး​မြဲ​လက်မှတ်​သည်​လည်း ငွေ​သန်း​တစ်​ထောင်​တန်​လာ​လေ​သည်။ လူ​မှု​ရေး​နှင့် အခြား​အရေး​ကိစ္စ​များ​တွင်​လည်း ဤ​နည်း​အတိုင်း​ပင် ဖြစ်​သည်။ ပုဂ္ဂိုလ်​တစ်​ဦး​တစ်​ယောက်​၏ အနု​ပညာ၊ အတတ်​ပညာ၊ အား​ကစား​ထင်ပေါ်ကျော်​ကြား​မှု၊ ကြည်ညို​လေးစား​ခံ​ရ​မှု၊ သြ​ဇာ​အာဏာ​ရှိ​မှု စ​သည်​တို့ အပေါ်​တွင် မူ​တည်​၍​လည်း ထို​ပုဂ္ဂိုလ်​၏​ထိုး​မြဲ​လက်မှတ်​သည် တန်ဖိုး​ကြီးမား​လာ​ရ​ပြန်​သည်။

ရှားပါး​သော ထိုး​မြဲ​လက်မှတ်​ကို ဝယ်​ယူ​ခြင်း

ကမ္ဘာ​လောက​တွင် စား​သောက်​ဖွယ်​ဖြစ်​စေ၊ အထည်အလိပ်​ဖြစ်​စေ၊ လူ​သုံး​ပစ္စည်း​ဖြစ်​စေ ရှားပါး​လာ​လျှင် တန်ဖိုး​ကြီးမား​လာ​သည်မှာ ဓမ္မတာ​ပင်​ဖြစ်​သည်။ ယခု​အခါ ကမ္ဘာ​အရပ်​ရပ်​မှ ရှေး​ဟောင်း​ရှားပါး​ပစ္စည်း စုဆောင်း​သူ​များ​သည် လက်ရာ​မြောက်​ပစ္စည်း​များ၊ အမှတ်တရ ပစ္စည်း​များ၊ သမိုင်း​ဝင်​ပစ္စည်း​များ​သာ​မက အော်​တို​များ​နှင့် ရှားပါး​သော ထိုး​မြဲ​လက်မှတ်​များ​ကို​ပါ ဝယ်​ယူ​စုဆောင်း နေ​ကြ​သည်။ ထင်ပေါ်ကျော်​ကြား​သော ပုဂ္ဂိုလ်​တို့​၏ ရှားပါး​သော ထိုး​မြဲ​လက်မှတ်​များ​သည် တန်ဖိုး​ကြီးမား​သည်​သာ​မက အချိန်​ကြာ​မြင့်​သည်​နှင့်​အမျှ ငွေ​ကြေး​များ​စွာ​ပေး​မှ ဝယ်​ယူ​ရ​ရှိ​နိုင်​မည့် အကြောင်း​ကို လမ်း​ညွှန် ပြသ​သွား​သူ​များ​အနက် ထင်ရှား​သူ​တစ်​ယောက်​မှာ နာ​မည်ကျော် ဂျိမ်းစ်​ဘွန်းရုပ်​ရှင်​ဝတ္ထု​များ​ကို ရေးသား​ခဲ့​သော စာရေး​ဆရာ​ကြီး အိုင်​ယင်​ဖ​လင်း​မင်း ပင်​ဖြစ်​သည်။ [၁]Mayor mt (talk) ၁၇:၃၄၊ ၂၈ ဇွန်​ ၂၀၁၄ (UTC)

ကိုး​ကား

  1. သန်း​ဝင်း​လှိုင်​၏ စကားပြော​နေ​သော လက်ရေး​ကလေး​များ​နှင့် လက်မှတ်​ကို​ကြည့်​၍ လူကဲခတ်​ခြင်း စာအုပ်​မှ