သမဝါယမကုန်သွယ်မှုမြှင့်တင်ရေး ဦးစီးဌာန

သမဝါယမကုန်သွယ်မှုမြှင့်တင်ရေး ဦးစီးဌာန သမဝါယမ ဝန်ကြီးဌာန လက်အောက်ရှိ ဦးစီးဌာန တစ်ခုဖြစ်သည်။

သမိုင်းကြောင်း

သမဝါယမဝန်ကြီးဌာန၏ ကြီးကြပ်မှုအောက်တွင် သမဝါယမကုန်သွယ်မှုမြှင့်တင်ရေး ဦးစီးဌာန (Co-operative Trade Promotion Department) ကို ၂၀၁၄ ခုနှစ်၊မတ် ၂၀ ရက်စွဲပါ အမိန့်ကြော်ငြာစာအမှတ် ၆/၂၀၁၄ ဖြင့် တည်ထောင် ဖွဲ့စည်းခဲ့ပါသည်။ ဖော်ပြပါ အမိန့်ကြော်ငြာစာအရ သမဝါယမကုန်သွယ်မှုမြှင့်တင်ရေးဦးစီးဌာန မှာ ၂၀၁၄ ခုနှစ်၊ ဧပြီလ ၁ ရက်နေ့မှစ၍ လုပ်ငန်းများ စတင်ဆောင်ရွက်ခဲ့သည်။

ရည်ရွယ်ချက်

သမဝါယမကုန်သွယ်မှုမြှင့်တင်ရေး ဦးစီးဌာန၏ လုပ်ငန်းရည်ရွယ်ချက်မှာ အောက်ပါအတိုင်း ဖြစ်သည်။

• နိုင်ငံစီးပွားရေး ဖွံ့ဖြိုးတိုးတက်လာစေရေး ဆောင်ရွက်ရာတွင် နိုင်ငံခြားကုန်သွယ်မှု တိုးတက်စေရန်အတွက် သမဝါယမစီးပွားရေးလုပ်ငန်းများဖြင့် အထောက်အကူပြု ဆောင်ရွက်ပေးရန်၊
• သမဝါယမအသင်းအဖွဲ့များ၏ ထုတ်ကုန်များ၊ ပို့ကုန်အမယ်သစ်များ ပြည်ပသို့ ပိုမို တိုးမြှင့်တင်ပို့နိုင်စေရန်နှင့် ကုန်သွယ်မှုတိုးမြှင့် ဆောင်ရွက်နိုင်ရန်၊
• သမဝါယမအသင်းဥပဒေ၊ နည်းဥပဒေ၊ လုပ်ထုံးလုပ်နည်းများနှင့် အညီ သမဝါယမလုပ်ငန်းများအား စနစ်တကျ မှန်ကန်စွာ ဆောင်ရွက်နိုင်စေရေး စစ်ဆေးကြပ်မတ် ဆောင်ရွက်သွားရန် တို့ဖြစ်သည်။

ဖွဲ့စည်းပုံ

သမဝါယမကုန်သွယ်မှုမြှင့်တင်ရေး ဦးစီးဌာန၏ ဖွဲ့စည်းပုံမှာ အောက်ပါအတိုင်းဖြစ်သည်။

• ပညာရေး၊ သုတေသနနှင့် ဖွံ့ဖြိုးရေး၊ သတင်းမီဒီယာဌာနခွဲ
  • ပညာရေး၊ သုတေသနနှင့်၊ ဖွံ့ဖြိုးရေး ဌာနစု
  • သတင်းမီဒီယာ ဌာနစု
• ကုန်သွယ်မှုမြှင့်တင်ရေးနှင့် စာရင်းစစ်ဆေးရေးဌာနခွဲ
  • ကုန်သွယ်မှုမြှင့်တင်ရေးဌာနစု
  • စာရင်းစစ်ဆေးရေးဌာနစု
• စီမံရေးနှင့်ဘဏ္ဍာရေးဌာနခွဲ
  • စီမံရေးရာ ဌာနစု
  • ဘဏ္ဍာရေးရာ ဌာနစု

လုပ်ငန်းတာဝန်များ

သမဝါယမကုန်သွယ်မှုမြှင့်တင်ရေး ဦးစီးဌာနရှိ ဌာနခွဲများ၏ လုပ်ငန်းတာဝန်သတ်မှတ်ချက်များမှာ အောက်ပါအတိုင်းဖြစ်သည်။

ပညာရေး၊ သုတေသနနှင့် ဖွံ့ဖြိုးရေးဌာနစု

• သမဝါယမအသင်းများအတွက် ပို့ကုန်၊ သွင်းကုန်လုပ်ငန်းဆိုင်ရာများနှင့် ပြည်တွင်း၊ ပြည်ပ ဈေးကွက်ရှာဖွေခြင်း၊ နည်းလမ်းများကို သုတေသနပြုခြင်း၊ ပညာပေးခြင်း။
• ကုန်ပစ္စည်း သိုလှောင်ထိန်းသိမ်းမှုနည်းပညာ၊ ကုန်ထုတ်လုပ်မှုနည်းပညာနှင့် ကုန်ပစ္စည်းများအား အရည်အသွေး စံချိန်စံညွှန်းထိန်းသိမ်းခြင်းနည်းပညာများ အား သုတေသနပြုခြင်း၊ ပညာပေးခြင်း။
• နိုင်ငံတော်နှင့် နိုင်ငံတကာ၏ ကုန်သွယ်မှုမူဝါဒများ၊ လုပ်ထုံးလုပ်နည်းများကို စဉ်ဆက်မပြတ်လေ့လာ၍ ပညာပေးခြင်း။
• အခါအားလျော်စွာ ပြည်တွင်း၊ ပြည်ပပညာရှင်များအားဖိတ်ကြား၍ ဆွေးနွေး ပွဲများ၊ စာတမ်းဖတ်ပွဲများ ပြုလုပ်ကျင်းပခြင်း။

သတင်းမီဒီယာဌာနစု

• ပို့ကုန်၊ သွင်းကုန်ဆိုင်ရာ သတင်းအချက်အလက်များကို သမဝါယမအသင်းများသို့ အချိန်နှင့်တစ်ပြေးညီ သတင်းပေးပို့ဖြန့်ဝေပေးခြင်း။
• ၀န်ကြီးဌာန၏ရည်မှန်းချက်၊ လုပ်ငန်းစဉ်များ အောင်မြင်စေရေးအတွက် ပြည်သူလူထုနှင့် သမဝါယမအသင်း/အသင်းသားများ ကျယ်ကျယ်ပြန့်ပြန့် ပါ၀င်လာစေ ရေးအတွက် မီဒီယာမှတဆင့် ပညာပေးခြင်း။
• ၀န်ကြီးဌာနနှင့် သမဝါယမကဏ္ဍလှုပ်ရှားမှုများအား ပြည်သူလူထုနှင့် အသင်း သားများ အမှန်ကန်ဆုံးနှင့် မြန်ဆန်ထိရောက်စွာ သိရှိနိုင်ရေး မီဒီယာကဏ္ဍမှ အသိပေးတင်ပြခြင်း။

ကုန်သွယ်မှုမြှင့်တင်ရေးဌာနစု

• နည်းပညာ၊ သွင်းအားစုနှင့် သတင်းအချက်အလက်အရင်းအမြစ် တည်ဆောက်ခြင်း၊
• ကုန်ထုတ်ခြင်း၊ အရည်အသွေးစစ်ဆေးထုတ်ပိုးခြင်း၊ ထိုက်တန်သောဈေးနှုန်း ရရှိအောင် ဈေးကွက်တည်ဆောက်ခြင်း၊ ဈေးကွက်သို့ တင်ပို့ရောင်းချခြင်း လုပ်ငန်းစဉ် တည်ဆောက်ခြင်း၊
• ပြည်တွင်း/ပြည်ပကုန်စည်ပြပွဲများတွင် ၀င်ရောက်ပြသနိုင်ရေးညှိနှိုင်း ဆောင်ရွက်ခြင်း၊
• သမဝါယမအသင်းများ၏ ကုန်သွယ်မှု၊ ထုတ်လုပ်မှု၊ ၀န်ဆောင်မှုလုပ်ငန်းများ ဆောင်ရွက်ရာတွင် အဆင်ပြေချောမွေ့စွာ ဆောင်ရွက်နိုင်ရန် ကူညီ ဆောင်ရွက်ခြင်း။

စာရင်းစစ်ဆေးရေးဌာနစု

• စာရင်းစစ်ချုပ်ရုံး၏ ၆လပါတ်နှင့် နှစ်ချုပ်စာရင်း စစ်ဆေးခြင်းများအတွက် အစစ်ဆေးခံရန် ဌာနတွင်းစာရင်းများအား ကြိုတင်စစ်ဆေးခြင်း၊
• ၀န်ကြီးဌာနမှ တာဝန်ပေးအပ်လာပါက သမဝါယမအသင်းများအား စာရင်း စစ်ဆေး၍ ထိိန်းကျောင်းတည့်မတ်ပေးခြင်း၊ ပြန်လည်အစီရင်ခံတင်ပြခြင်း။

စီမံဌာနစု

• ၀န်ထမ်းစီမံရေးရာကိစ္စရပ်များ ဆောင်ရွက်ခြင်း၊
• အထွေထွေစီမံရေးရာကိစ္စရပ်များ ဆောင်ရွက်ခြင်း။

ဘဏ္ဍာရေးဌာနစု

• ရငွေ၊ ပေးငွေများ ကြီးကြပ်ဆောင်ရွက်ခြင်း၊
• လချုပ်၊ နှစ်ချုပ်ငွေစာရင်းများ အစီရင်ခံခြင်း၊
• ရသုံးမှန်းခြေငွေစာရင်းကိစ္စရပ်များဆောင်ရွက်ခြင်း၊
• ၀န်ထမ်းလစာများ၊ စရိတ်များကျခံသုံးစွဲရန်စီမံခြင်း၊
• စာရင်းစစ်ချုပ်ရုံး၏ စစ်ဆေးခြင်းများအတွက် အခြားဌာနခွဲများနှင့် ညှိနှိုင်း ဆောင်ရွက်ခြင်း၊
• ရန်ပုံငွေလွှဲအပ်စာရင်းဖွင့်လှစ်ခြင်း၊ ကြီးကြပ်သူအရာရှိနှင့်ငွေထုတ်သူ အရာရှိစာရင်းပေးပို့ခြင်း။