"ဝီကီပီးဒီးယား:ဆောင်းပါးတို" ၏ တည်းဖြတ်မှု မူကွဲများ

အရေးမကြီး
အရေးမကြီး (→‎မိတ်ဆက်: added footnotes)
အရေးမကြီး (→‎မိတ်ဆက်: more material)
 
== မိတ်ဆက် ==
ဆောင်းပါး (article) တစ်ပုဒ်သည် သက်ဆိုင်ရာအကြောင်းအရာနှင့် ပတ်သက်၍ အသုံးဝင်သည့် အချက်အလက်များပါရှိသော်လည်း စာတစ်ကြောင်းတည်း၊ သို့မဟုတ် စာကြောင်းရေအနည်းငယ်သာပါသောကြောင့် စွယ်စုံကျမ်းပါဆောင်းပါးဟု မခေါ်ဆိုနိုင်လောက်အောင် တိုတောင်းပါက၊ ၎င်းဆောင်းပါးကို '''ဆောင်းပါးတို''' (stub)''' ဟုခေါ်သည်။ ဆောင်းပါးမဟုတ်သော စာမျက်နှာများဖြစ်သည့် ကွဲပြားခြားနားမှု (disambiguation) စာမျက်နှာများ၊ စာရင်း (list) များ၊ အမျိုးအစား (category) များ၊ တမ်းပလိတ် (template) ခေါ် ပုံစံခွက်များ၊ ဆွေးနွေးချက်စာမျက်နှာ (talk page) များ၊ နှင့် အညွှန်းပြောင်း (redirect) စာမျက်နှာများကို ဆောင်းပါးတိုများအဖြစ် မသတ်မှတ်ပါ။
 
ဆောင်းပါးတိုတစ်ပုဒ်တွင် အတည်ပြုနိုင်သော အချက်အလက် (verifiable information) ပါဝင်မှု နည်းပါးလွန်းနေလျှင်သော်လည်းကောင်း၊ ဆောင်းပါးပါအကြောင်းအရာသည် အရေးပါမှုတစ်စုံတစ်ရာ (notability) ရှိပုံမရလျှင်သော်လည်းကောင်း၊ ၎င်းဆောင်းပါးတိုကို ဖျက်သိမ်းခြင်း၊ သင့်တော်ရာအခြားဆောင်းပါးတစ်ပုဒ်နှင့် ပေါင်းစည်းခြင်းတို့ ပြုလုပ်နိုင်သည်။
ဝီကီအမျိုးမျိုးရှိ တည်းဖြတ်သူ အယ်ဒီတာအသီးအသီးတို့သည် ဆောင်းပါးတိုတစ်ပုဒ်တွင် ရှိသင့်သည့် အတိုအရှည်ပမာဏကို နေရာနှင့် အချိန်အခါလိုက်၍ အမျိုးမျိုးအဖုံဖုံ သတ်မှတ်လေ့ရှိကြသည်။ ဆောင်းပါးတိုတစ်ပုဒ်သည် ဝါကျဆယ်ကြောင်းထက်မပိုရ၊ စာလုံးရေ ၂၅၀ ထက်မပိုရ၊ စသည်ဖြင့် အခြေအနေကိုလိုက်၍ အမျိုးမျိုးသတ်မှတ်နိုင်ပြီး၊ အင်္ဂလိပ်နှင့် အခြားဝီကီပီးဒီးယားအချို့ရှိ [https://en.wikipedia.org/wiki/Wikipedia:Did_you_know%3F Did you know?] စံကိုလိုက်နာကာ အက္ခရာအလုံးရေ (character count) ၁,၅၀၀ ထက်မပိုရဟုလည်း ဆိုလေ့ရှိသည်။ စကားလုံးရေ (word count) ၅၀၀ ထက်ကျော်သည့် ဆောင်းပါးများကို [https://en.wikipedia.org/wiki/Wikipedia:AutoWikiBrowser AutoWikiBrowser] ဆော့ဖ်ဝဲသုံး၍ ဆောင်းပါးတိုစာရင်းမှ မကြာခဏဆိုသလို ပယ်ဖျက်လေ့ရှိသည်။
 
သို့သော် '''ဆောင်းပါးတိုတစ်ပုဒ်သည် မည်ရွေ့မည်မျှထိသာ ရှည်နိုင်သည်ဟု အသေပြဋ္ဌာန်းထားခြင်းမျိုး မရှိပါ'''။ အလွန်တိုသော ဆောင်းပါးများသည် ဆောင်းပါးတို (stub) များ ဖြစ်လေ့ရှိသော်လည်း၊ တိုတိုင်းလည်း ဆောင်းပါးတို မဖြစ်ပါ။ အချို့အကြောင်းအရာများမှာ ရေးစရာလွန်စွာနည်းသောကြောင့်ဖြစ်သည်။ တစ်ဘက်တွင်လည်း ရေးစရာများပြားလှသော အကြောင်းအရာတစ်ခုအတွက် ဆောင်းပါးရေးပါက စာပိုဒ်နှင့်ချီ၍ ရှည်နေပြီဖြစ်သော်လည်း ဆောင်းပါးတိုတစ်ခုသာ ဖြစ်နေနိုင်သေးသည်။ အချုပ်ဆိုရလျှင် အတိုအရှည်ပမာဏကိုလိုက်၍ ဆောင်းပါးတိုဖြစ်/မဖြစ် သတ်မှတ်ရန်မဖြစ်နိုင်ဘဲ အယ်ဒီတာ၏ ချိန်ဆဆုံးဖြတ်ချက်ဖြင့်သာ သတ်မှတ်နိုင်သည်။ <ref>ဤနေရာတွင် အင်္ဂလိပ်ဝီကီပီးဒီးယားရှိ [https://en.wikipedia.org/wiki/User:Grutness/Croughton-London_rule_of_stubs ခရူးတန်-လန်ဒန် စည်းမျဉ်း] (Croughton-London rule) အမည်ရှိ အသုံးပြုသူရေး အက်ဆေး (user essay) တစ်ပုဒ်က အထောက်အကူပြုနိုင်သည်။</ref> မည်သို့ဆိုစေ ဆောင်းပါးတစ်ပုဒ် ဆောင်းပါးတိုဖြစ်/မဖြစ် ၎င်း၏အတိုအရှည်ကို ဆုံးဖြတ်ရာတွင် ဆောင်းပါးပါ စကားပြေစာကိုယ် (prose text) သက်သက်ကိုသာ စဉ်းစားပြီး ၎င်းဆောင်းပါးတွင်ပါဝင်သည့် စာရင်း၊ တမ်းပလိတ်၊ ရုပ်ပုံနှင့် အခြားတန်ဆာပလာများကို ထည့်သွင်းစဉ်းစားလေ့မရှိပါ။
 
=== စံပြဆောင်းပါးတို ===
မြန်မာဝီကီတွင် မှတ်ပုံတင်ထားသည့် မည်သည့်အသုံးပြုသူမဆို ဆောင်းပါးတိုတစ်ပုဒ်ကို စတင်ရေးသားနိုင်သည်။
 
ဆောင်းပါးတိုတစ်ပုဒ်ရေးသားရာတွင် ရေးသားမည့် အကြောင်းအရာနှင့်ပတ်သက်၍ လုံလောက်သည့် သတင်းအချက်အလက်တို့ ပါဝင်ရန် အရေးကြီးသည်။ သို့မှာသာ အခြားအသုံးပြုသူတို့က ဆက်လက်ဖြည့်စွက် ရေးသားနိုင်မည်ဖြစ်သည်။ (သာဓကဆိုရသော် &ldquo;ကျား&rdquo; ဟု ခေါင်းစဉ်တပ်ကာ ဆောင်းပါးတိုတစ်ပုဒ်စတင်ပြီး စာကိုယ်၌ &ldquo;ဤစာမျက်နှာသည် ကျားအကြောင်းရေးရန်ဖြစ်သည်&rdquo; ဟူ၍သာ ရေးထားပါက နောက်လူများ ဇဝေဇဝါဖြစ်ကာ ကျားတိရိစ္ဆာန်အကြောင်းရေးရမည်လော၊ ပုလ္လိင်ကျား အကြောင်းရေးရမည်လော ဝေခွဲမရဖြစ်နိုင်သည်။) အဓိကမှာ ဆိုလိုသည့် အဓိပ္ပာယ်ပေါက်အောင် အများဝန်းကျင်အတွက် ဆက်စပ်ပေးနိုင်ရမည်။ အဆက်အစပ်မရှိသည့် ဆောင်းပါးများသည် အလျှင်အမြန် အဖျက်ခံရနိုင်သည်။
 
မိမိရေးမည့် အကြောင်းအရာနှင့်ပတ်သက်၍ စာအုပ်စာတမ်းများ၊ စိတ်ချယုံကြည်ရသော ဝက်ဆိုဒ်များကို အသုံးပြု၍ သုတေသန စ နိုင်သည်။ ၎င်းတို့အပြင် အခြားအကိုးအကားများမှ ရရှိသော အသိပညာကို အသုံးပြုနိုင်သော်လည်း မိမိရေးသားသည့် အချက်အလက်ကို ခိုင်မာအောင်၊ ဘက်မလိုက်အောင် ဦးစွာသုတေသနပြုသင့်သည်။ အကိုးအကားများကို ရှင်းလင်းစွာမရည်ညွှန်းဘဲ တိုက်ရိုက်ကူးချခြင်းသည် စာခိုးမှု (plagiarism) မြောက်သည်။ ဤသို့စာခိုးမှုအချို့သည် မူပိုင်ခွင့် (copyright) ကို ချိုးဖောက်ရာလည်းရောက်သည်။ ထို့ကြောင့် မိမိ၏ အကိုးအကားကို ဖတ်ရှုနားလည်ပြီး မိမိကိုယ်ပိုင် စကားလုံးဖြင့်သာ ပြန်လည်ရေးသားရန်၊ ကျမ်းကိုးရင်းမြစ်ကို တိကျရှင်းလင်းစွာ ရည်ညွှန်းရန် အရေးကြီးသည်။
 
နိုင်ငံတကာဘာသာစကားမဟုတ်သည့် မြန်မာဘာသာကဲ့သို့သော ဘာသာစကားတစ်ရပ်ရပ်သုံး၍ ရေးသည့် ဝီကီပီးဒီးယားများအတွက် အသုံးဝင်သည့် အခြားနည်းတစ်ရပ်မှာ အင်္ဂလိပ်ဝီကီပီးဒီးယားမှ ဆောင်းပါးများကို ဘာသာပြန်ခြင်းဖြစ်သည်။ အင်္ဂလိပ်ဘာသာဖြင့် ရေးသားထားသည့် ဆောင်းပါး၏ အနည်းဆုံး မိတ်ဆက်နိဒါန်းကို ဘာသာပြန်ကာ ဆောင်းပါးတိုတစ်ပုဒ် စ နိုင်သည်။ ဤနည်းသုံးမည်ဆိုပါက မိမိရေးသားသည့် ဆောင်းပါးကို အင်္ဂလိပ်ဝီကီရှိ ဆောင်းပါးနှင့်ချိတ်ဆက်ရန်<ref>ဝီကီပီးဒီးယားကို စားပွဲတင်ကွန်ပျူတာ (desktop) သုံး၍ ရေးဖတ်ပါက မျက်နှာပြင်၏ လက်ဝဲအောက်စွန်း၌ "Add links" အမည်ရှိ စာတန်းကိုနှိပ်ကာ "Link with page" ခေါင်းစဉ်ဖြင့် ဒိုင်ယာလော့ပြတင်း (dialog box) ပေါ်လာပါက Language အကွက်တွင် "English (enwiki)" ဟုလည်းကောင်း၊ Page တွင် မိမိချိတ်ဆက်လိုရာ အင်္ဂလိပ်စာမျက်နှာခေါင်းစဉ်ကိုလည်းကောင်း ရိုက်သွင်းကာ နောက်ဆုံး "Confirm" ခလုတ်ကိုနှိပ်ခြင်းဖြင့် ဘာသာအသီးသီးသုံး ဝီကီပီးဒီးယားများအကြား ချိတ်ဆက်နိုင်သည်။</ref> အရေးကြီးသည်၊ သို့မှသာ စာခိုးရာမကျဘဲ ဆက်လက်ရှာဖွေ ဖြည့်ဆည်းလိုသူ စာဖတ်သူများအတွက် အသုံးဝင်မည် ဖြစ်သည်။
 
== မှတ်စု ==
၁၆၉၁

တည်းဖြတ်မှုများ