ပထမမင်းခေါင်: တည်းဖြတ်မှု မူကွဲများ

[[အင်းဝဆင်ဖြူရှင်|ဆင်ဖြူရှင်]] လုပ်ကြံခံရပြီးနောက်တွင် အဖတူအမိကွဲညီတော်''မင်းဆွေ''က မင်းခေါင်ဘွဲ့ဖြင့် နန်းတက်သည်။ မင်းကြီးစွာစော်ကဲ နှင့် ကန်စွန်းနိမ့်သူတို့ အိမ်နှိမ့်တွင် ဖွားမြင်သူဖြစ်သည်။ ၄င်းလက်ထက်တွင် [[ရာဇာဓိရာဇ်]]နှင့် အဓိကယှဉ်ပြိုင်ကာ [[အင်းဝ-ဟံသာဝတီ အနှစ်လေးဆယ်စစ်]]ကို တိုက်ခိုက်သည်။ ရှေးဦးစွာ ရာဇာဓိရာဇ်၏ ဟံသာဝတီတပ်များ အင်းဝကိုသာမက တကောင်းထိချီတက်တိုက်ခိုက်ကျူးကျော်လာသည်ကို ခံရသည်။ ပင်းယသူကြိုသူမြတ် အမည်ရှိ ရဟန်းတစ်ပါးက နှုတ်ရေးဖြင့် ဟံသာဝတီတပ်များ အင်းဝကို ဝန်းရံထားသည်မှ ဆုတ်ခွာရန် စွမ်းဆောင်ပေးသဖြင့် သက်သာရာရခဲ့သည်။ ဟံသာဝတီ နှင့် အပြန်အလှန် စစ်ပြုရင်း မွန်သူရဲကောင်း [[မွန်သူရဲကောင်းလဂွန်းအိန်|လဂွန်းအိန်]]၏ လုပ်ကြံမှုကို နှစ်ကြိမ်တိုင်တိုင်ခံခဲ့ရသည်။ နန်းသက်နောက်ပိုင်းတွင် သားတော်မင်းရဲကျော်စွာသားတော်[[အိမ်ရှေ့စံသူရဲကောင်းမင်းရဲကျော်စွာ‎|မင်းရဲကျော်စွာ]](မွန်မူတွင် မင်းဖြူ)၏ အစွမ်းဖြင့် ရှမ်းပြည်တစ်လွှားကိုလည်းကောင်း၊ [[ရခိုင်]]ကိုလည်းကောင်း သိမ်းသွင်းနိုင်ခဲ့သည်။ သို့သော် နတ်ရွာမစံမှီ မင်းရဲကျော်စွာတစ်ယောက် ရာဇာဓိရာဇ်နှင့် ဆင်စီးချင်းထိုးရာ ကျဆုံးသွားသဖြင့် ဘုရင်မင်းခေါင်မှာ ခြေလွတ်လက်လွတ်ဘဝရောက်ခဲ့ရသည်။ ဘုရင်မင်းခေါင်နတ်ရွာစံလျှင် သားတော် [[သီဟသူ]]က အင်းဝထီးနန်းကို ဆက်ခံသည်။