မင်းယုဝေ: တည်းဖြတ်မှု မူကွဲများ

No edit summary
စာကြောင်း ၁ -
[[File:Minyuwai_and_Ngwetaryee.png|200px|right|thumb|စာရေးဆရာမ ငွေတာရီ (၁၉၂၅ - ၁၉၅၈)နှင့် စာရေးဆရာ မင်းယုဝေ (၁၉၂၈)။]]
 
ဧရာဝတီတိုင်း ပုသိမ်ခရိုင်၊ ကန်ကြီးထောင့်မြို့တွင် အဖ ကုန်သည်ကြီး ဦးထွန်းဆိုင်၊ အမိ ဒေါ်သင်တို့မှ ၁၉၂၇ ခုနှစ် စက်တင်ဘာလ ၂၆ ရက် ဗုဒ္ဒဟူးနေ့တွင် ဖွားမြင်သည်။ မွေးချင်း ၈ ယောက်တွင် အငယ်ဆုံး ဖြစ်၍ အမည်ရင်းမှာ ဦးဝင်းမောင် ဖြစ်သည်။
အမည်ရင်း ဦးဝင်းမောင် ဖြစ်သည်။ ဦးထွန်းဆိုင်၊ ဒေါ်သင်တို့၏ သားဖြစ်သည်။ ၁၉၂၈ ခုနှစ်တွင် ပုသိမ်ခရိုင်၊ ကန်ကြီးထောင့်မြို့၌ ဖွားမြင်သည်။ ၁၉၅၁ ခုနှစ်တွင် ရန်ကုန် တက္ကသိုလ်မှ မြန်မာစာပေ၊ အင်္ဂလိပ်စာပေ၊ ပါဠိစာပေတို့ဖြင့် ဝိဇ္ဇာဘွဲ့ ရခဲ့သည်။ရန်ကုန် တက္ကသိုလ် ဘာသာပြန်နှင့် စာအုပ် ထုတ်ဝေရေး ဌာန၌ အမှုထမ်းနေစဉ် ၁၉၅၅ ခုနှစ်၌ ဗြိတိသျှ ကောင်စီ ပညာသင်ဆု ရသဖြင့် လန်ဒန် တက္ကသိုလ် အရှေ့တိုင်း ဘာသာရပ်များ လေ့လာရေးကျောင်းတွင် တက်ရောက်၍ ဒအဘိဓာန်ဒ ဘာသာရပ်ကို သင်ယူ အောင်မြင်ခဲ့သည်။၁၉၆ဝ ခုနှစ်တွင် ငွေတာရီ မဂ္ဂဇင်းကို တည်ထောင်၊ တည်းဖြတ် ထုတ်ဝေခဲ့သည်။ ပြန်ကြားရေး ဝန်ကြီး ဌာန၊ မြဝတီ ပုံနှိပ်တိုက်တွင် အယ်ဒီတာချုပ် အဖြစ် တာဝန် ထမ်းဆောင်ပြီးနောက် ၁၉၇၉ ခုနှစ်တွင် အငြိမ်းစား ယူခဲ့သည်။ ယခုအခါ မြတ်မင်္ဂလာ စာစောင်နှင့်၊ မင်္ဂလာမောင်မယ် စာစောင်တို့တွင် အယ်ဒီတာချုပ် အဖြစ် ဆောင်ရွက်လျက် ရှိသည်။ယနေ့အထိ ကဗျာ စာအုပ်များနှင့် စကားပြေ လုံးချင်း စာအုပ်များ ၃၆ အုပ် ရေးသား ထုတ်ဝေပြီး ဖြစ်သည်။ ယင်းတို့အနက် ငွေတာရီနှင့် ပူးတွဲ ဘာသာပြန်ဆိုသော ကမ္ဘာကျော် အီစွတ်ပုံပြင်များ စာအုပ်သည် ၁၉၅၄ ခုနှစ်၊ စာပေဗိမာန် ဘာသာပြန်ဆု (ယခု အမျိုးသားစာပေဆု) ရခဲ့သည်။ မင်းယုဝေ ရေးသား ဖွဲ့ဆိုသော ရေခပ်ချိန် ကဗျာများ စာအုပ်သည် ၁၉၇၂ ခုနှစ်၊ အမျိုးသား စာပေ (ကဗျာ) ဆုရခဲ့သည်။ တိုက်စိုးနှင့် မင်းယုဝေ ပူးတွဲ ရေးသားသော မြန်မာစာမိတ်ဖွဲ့ စာအုပ်သည် တက္ကသိုလ် မြန်မာစာ အဓိက သင်တန်းများ၌ ၁ဝ နှစ်ကျော် ကျောင်းသုံးပြဋ္ဌာန်းခြင်း ခံရသည်။ မင်းယုဝေ၏ ကဗျာများသည်း အလယ်တန်း၊ အထက်တန်း ကျောင်းသုံး စာအုပ်များတွင် ယနေ့ထိ ပြဋ္ဌာန်းခြင်း ခံရသည်။
 
 
===ပညာရေး===
ကန်ကြီးထောင့်မြို့ မင်းကုန်းကျောင်း (၁၉၃၄ ခုနှစ်)၊ ပုသိမ်မြို့ အမျိုးသား အထက်တန်း ေကျောင်း (၁၉၃၅)၊ နှင့် ဂျပန်စာသင်ကျောင်း (၁၉၄၁)၊ ကန်ကြီးထောင့် ခေတ်သစ်တန်းမြင့် ကျောင်း (၁၉၄၂) နှင့် ပုသိမ်မြို့ အမျိုးသား အထက်တန်းကျောင်း တို့တွင် ပညာသင်ကြားခဲ့ ပြီး ၁၉၄၆ ခုနှစ်တွင် ၁၀ တန်း အောင်မြင်ခဲ့သည်။ ရန်ကုန်တက္ကသိုလ်တွင် ၁၉၄၆ ခုနှစ်မှ ၁၉၅၁ ခုနှစ်အထိ ပညာဆည်းပူးကာ ၀ိဇာဘွဲ့ ရခဲ့သည်။
 
၁၉၅၂ ခုနှစ်တွင် ကဗျာဆရာမ ငွေတာရီနှင့် အိမ်ထောင်ပြုပြီး သမီး ခင်ရီဝင်း အား ထွန်းကား ခဲ့သည်။ ၁၉၅၅ ခုနှစ်နှင့် ၁၉၅၆ ခုနှစ်များတွင် လန်ဒန်တက္ကသိုလ် အရှေ့တိုင်းနှင့် အာဖရိက ကောလိပ်တွင် တက်ရောက်ကာ အဘိဓာန် ပညာရပ်ကို သင်ယူခဲ့သည်။
 
 
===ထမ်းဆောင်ခဲ့သည့်တာ၀န်များ===
ဝန်ထမ်းဘဝတွင် ပြန်ကြားရေး ဝန်ကြီးဌာန အထက်တန်း ဘာသာပြန် အရာရှိ (၁၉၅၁)၊ အင်းစိန်ခရိုင် ပညာအုပ် (၁၉၅၂)၊ စာပေဗိမာန် စာအုပ်တိုက်တွင် စာပြု (၁၉၅၃) နှင့် ရန်ကုန် တက္ကသိုလ် ဘာသာပြန်နှင့် စာအုပ်ထုတ်ဝေရေးဌာနတွင် လက်ထောက်စာတည်း (၁၉၅၄) တာဝန်များ ထမ်းဆောင်ခဲ့သည်။
 
နိုင်ငံခြား ပညာသင်အဖြစ် လန်ဒန်မှ ပြန်လာပြီးနောက်တွင်လည်း ရန်ကုန်တက္ကသိုလ် ဘာသာပြန်ဌာနတွင်ပင် လက်ထောက်စာတည်းအဖြစ် လုပ်ကိုင်ခဲ့သည်။ ၁၉၆၀ ပြည့်နှစ်မှ ၁၉၆၈ ခုနှစ်အထိ ငွေတာရီ မဂ္ဂဇင်းတွင် တာဝန်ခံ စာတည်း အဖြစ်ဆောင်ရွက်ခဲ့သည်။
၁၉၆၃-၆၄ ခုနှစ်များတွင် ရုပ်ရှင် ဆင်ဆာအဖွဲ့ဝင်လူကြီး၊ ထိုနောက် မြဝတီ ပုံနှိပ်တိုက်တွင် အယ်ဒီတာချုပ် (၁၉၆၈-၇၉)၊ စာပေဗိမာန် စာပေဆုနှင့် အမျိုးသားစာပေဆု ရွေးချယ်ရေး အဖွဲ့ဝင်၊ ပညာရေးဝန်ကြီးဌာန မြန်မာစာအဖွဲ့ အဖွဲ့ဝင်၊ ကျောင်းသုံးစာအုပ် ကော်မတီ အဖွဲ့ဝင် (၁၉၆၈-၇၉) တာဝန်များလည်း ထမ်းဆောင်ခဲ့သည်။
 
နောက်ပိုင်းတွင် ပုဂ္ဂလိက စာစောင်များဖြစ်သော မြစ်မခ စာပဒေသာ၊ မြစ်မခအင်္ဂလိပ်စာဥယျာဉ် တို့တွင် အယ်ဒီတာချုပ်အဖြစ် ၁၉၈၀ မှ ၁၉၈၄ အထိ လည်းကောင်း၊ မြတ်မင်္ဂလာ စာစောင်တွင် ၁၉၈၅ ခုနှစ်မှစ၍ ယနေ့အထိနှင့် မင်္ဂလာမောင်မယ် စာစောင်တွင် ၁၉၈၉ ခုနှစ်မှ ယနေ့အထိ အယ်ဒီတာချုပ်တာဝန်များ ထမ်းဆောင်နေသည်။
 
 
===ခရီးစဥ်===
နိုင်ငံတော်၏ အစီအစဉ်ဖြင့် တရုတ်ပြည်သူ့ သမ္မတနိုင်ငံ (၁၉၆၅ ခုနှစ်)၊ အိန္ဒိယနိုင်ငံ (၁၉၇၃) နှင့် အမေရိကန်ပြည်ထောင်စု (၁၉၇၆) တို့သို့ လေ့လာရေးခရီးများ ထွက်ခဲ့သည်။
 
===ရေးသားခဲ့သည့်ကဗျာ၀တ္ထုတိုများ===
၁၉၄၀ ပြည့်နှစ် ၆ တန်းကျောင်းသားအရွယ်မှစ၍ လက်ရေးစာစောင်များတွင် ကဗျာ၊ ဝတ္ထုတိုများ စတင်ရေးသားခဲ့သည်။ ၁၉၄၇ ခုနှစ် ရန်ကုန်တက္ကသိုလ်ကျောင်းသားဘဝ တွင် ကဗျာ နှင့် ဆောင်းပါးများ စတင် ပုံနှိပ်ဖေါ်ပြခံရသည်။
 
ဆရာ မင်းယုဝေ ရေးသား ထုတ်ဝေခဲ့သော ထင်ရှားသည့် စာအုပ်အချို့မှာ ဘဝမာလာ ကဗျာများ (၁၉၄၉)၊ ငွေတာရီနှင့် တွဲဖက်၍ ရတနာကဗျာများ (၁၉၅၀)၊ အီစွတ်ပုံပြင်များ (၁၉၅၄)၊ ကမ္ဘာကျော် ဂရင်းညီနောင်ပုံပြင် ၁၀၀ (၁၉၈၄)၊ ဆရာ မင်းသုဝဏ်နှင့် တွဲဖက်၍ ကဗျာ ပရိယာယ် (၁၉၆၃)၊ အိမ်ပြန်ချိန် ကဗျာများ (၁၉၆၄)၊ ဆရာတိုက်စိုးနှင့် တွဲဖက်၍ မြန်မာစာမိတ်ဖွဲ့ (ပထမတွဲ ၁၉၆၅၊ ဒုတိယတွဲ ၁၉၆၆)၊ စာဆိုနှင့် သုတေသီ (၁၉၆၇)၊ တက္ကသိုလ် ဝင်းမွန်နှင့် တွဲဖက်၍ အာရှပုံပြင်များ (၁၉၆၇)၊ အိုမာခယမ် (၁၉၇၂)၊ ရာဇဂြိုလ် (၁၉၇၅)၊ ကျဉ်းထဲကျပ်ထဲ (၁၉၇၅)၊ ရွှေကြက်ဖ ကလေးကဗျာများ (၁၉၇၆)၊ သူလိုလူများ (၁၉၇၉)၊ မင်္ဂလာရောင်ခြည် ဗုဒ္ဒဝင် ရုပ်ရှင် (၁၉၈၉)၊ သုံးဆယ့်ရှစ်ဖြာ မင်္ဂလာ ပုံပြင်များ (၁၉၉၂)၊ ဇာတ်ကြီး ဆယ်ဘွဲ့ အနှစ်ချုပ် (၁၉၉၅) တို့ ဖြစ်ကြသည်။
 
 
===စာပေဆုများ===
၁၉၄၄ ခုနှစ် ပုသိမ်ခရိုင် အာရှလူငယ် အစည်းအရုံး ညီလာခံ (ကျုံပျော်မြို့) အထိမ်းအမှတ် စာပေပြိုင်ပွဲတွင် ဆောင်းပါး ပထမဆု၊ ၁၉၅၄ ခုနှစ်တွင် အီစွတ်ပုံပြင်များ စာအုပ်ဖြင့် စာပေဗိမာန် ဘာသာပြန်စာပေဆု နှင့် ၁၉၇၂ ခုနှစ်တွင် ရေခပ်ချိန် ကဗျာများ စာအုပ်ဖြင့် အမျိုးသားစာပေဆု (ကဗျာဆု)များ ဆွတ်ခူးရရှိခဲ့သည်။
 
 
===ရေးသားခဲ့သော စာပေများ===
#ပထမမြန်မာများတို့သည် ထင်ရှားသော အတ္ထုပ္ပတ္တိပေါင်းချုပ်
#
 
==ကျမ်းကိုး==