နိုင်ငံတော်အလံ: တည်းဖြတ်မှု မူကွဲများ

 

== ကုန်းမြေပေါ်တွင် လွှင့်ထူသည့်အလံ ==

ကုန်းမြေပေါ်တွင် လွှင့်ထူသည့်အလံတွင် အရပ်ဖက်သုံးအလံ၊ အစိုးရသုံးအလံနှင့် စစ်ဖက်သုံးအလံ ဟူ၍ ၃ မျိုးခွဲခြားထားသည်။ အစိုးရသုံးအလံကို အစိုးရရုံးများက တရားဝင် အသုံးပြုကြပြီး အရပ်ဖက်သုံးအလံကို အစိုးရနှင့် ဆက်စပ်မှု ရှိရှိ မရှိရှိ မည်သူမဆို လွှင့်ထူနိုင်သည်။ စစ်ဖက်သုံးအလံမှာမူ ကြည်းတပ်၊ ရေတပ်၊ လေတပ် စသည့် စစ်ဖက်အဖွဲ့အစည်းများမှ အသုံးပြုသည်။

 

နိုင်ငံအနည်းငယ်တွင်သာ အစိုးရသုံးအလံနှင့် မတူသည့် စစ်ဖက်သုံးအလံကို အသုံးပြုသည်။ [[တရုတ်ပြည်သူ့သမ္မတနိုင်ငံ]]၊ [[တရုတ်သမ္မတနိုင်ငံ]] (ထိုင်ဝမ်) နှင့် [[ဂျပန်နိုင်ငံ]]တို့သည် သတိပြုမည့်လောက်သည့် သာဓကများဖြစ်သည်။ မြောက်ဥရောပနိုင်ငံများတွင် အမြှီးနှစ်ခွပါ အလံများကို စစ်ဖက်သုံးအလံနှင့် သင်္ဘောသုံးအလံများအဖြစ် အသုံးပြုကြသည်။ [[ဖိလစ်ပိုင်နိုင်ငံ]]တွင် စစ်ဖက်သုံးအလံ မရှိပါ။ စစ်ကြေငြာသည့်အခါတွင်သာ အနီရောင်ကို အပေါ်ဖက်ထားပြီး ဇောက်ထိုးလွှင့်ထူသည်။ သာမန်အချိန်တွင် အပြာရောင်ကို အပေါ်ဖက်ထားကာ လွှင့်ထူသည်။