ကောလိပ်မြိုင်: တည်းဖြတ်မှု မူကွဲများ

▲မလှမြိုင်သည် ငယ်စဉ်ကပင် အဆိုအက ဝါသနာပါသူ ဖြစ်သဖြင့် အသက် (၁၂)နှစ် သမီးအရွယ်ကပင် ဇာတ်သဘင်အဖွဲ့သို့ မင်းသမီး တစ်လက်အဖြစ် ဝင်ရောက်ကပြနေပြီ ဖြစ်သည်။ သုံးပန်လှအောင်ထွန်းကြည်နှင့် မကျင်ရီတည်ထောင်သော ဇာတ်အဖွဲ့၌ ပညာယူခဲ့ပြီး၊ ရှစ်လအကြာတွင် ရဲရဲတောက်ဘားဆပ်ကပ်၌ ''အာရှမယ်

▲စိန်လှမြိုင်'' အမည်နှင့် အငြိမ့်တေးသရုပ်ဖော်များ ကပြခဲ့သည်။ ကျိုက်လတ်ဖျာပုံဘက်တွင် ပွဲထွက်ရင်း ဦးဒံပေါက်က ရန်ကုန်သို့ခေါ်လာခဲ့သည်။ အငြိမ့်ကပြရာမှ ဦးဒံပေါက်ကွယ်လွန်သည့်အခါ ဦးပိုလိုအငြိမ့်၌ ပါဝင်ခဲ့သည်။ (၅)လအကြာ အာဇာနည်ခေါင်းဆောင်ကြီးများ တမ်းတသည့်တေးများ သီဆိုရာ၌ ပရိသတ်က ချီးမြှင့်သော ရွှေလက်စွပ်ဆုကို ပထမဆုံးရရှိခဲ့သည်။ ယင်းနောက်ပိုင်းတွင် အငြိမ့်မင်းသမီး မလှမြိုင် နာမည်ကြီးလာခဲ့သည်။

▲တိုက်တွန်းချက်အရ ဘာဂျာဆရာစိုးကြီးထံ၌ သင်ကြား ဆည်ပူးခဲ့သည်။ သူ၏ထူးခြားသော ကရုဏာသံနှင့် လည်ချောင်း၌ ခလုတ်ကလေး ပါသည်ဆိုသော ဟဲသံကြောင့် ပရိသတ်ကို ဆွဲဆောင်အားကြီးခဲ့သည်။ ဗုံရှည်အကနှင့် သီချင်းများကိုလည်းဆရာစိုးကြီးက သင်ကြားပေးခဲ့သည်။

▲လွတ်လပ်ရေးခေတ်တွင် ကောလိပ်မြိုင်ကို ကျားသူဌေးကြီးကတော် ဒေါ်စောက နှစ်စဉ် ငှားရမ်းချီးမြှင့်လေ့ ရှိသည်။ အငြိမ့်အားလပ်သည့် အခါများတွင် ဆရာစိုး၏ သီချင်းကြီးအဖွဲ့မှ သီချင်းကြီးများကို သီဆို အသံလွှင့်တတ်သေးသည်။

▲လူရွှင်တော်ကြီး ဦးကြယ်ပြောင်၏ ဆက်သွယ်ပေးချက် အရ လှည်းတန်းဦးညွန့်၊ ဒေါ်မြလေးတို့တည်ထောင် သော အငြိမ့်၌ ဆန်းညွန့်ကောလိပ်မြိုင်အဖြစ်၎င်း၊ ဗဟန်းအုတ်လမ်းဦးစံမြ၏ အငြိမ့်တွင် ဩဘာကြည်၊ လှအုံးမယ်တို့နှင့်အတူ ခေါင်းဆောင် မင်းသမီးအဖြစ်၎င်း ကပြခဲ့သည်။ လူရွှင်တော် ပိုက်ကြီး၊ မာလာ၊ ဒိန်ခဲတို့ ပါဝင်ကပြခဲ့ကြပြီး ကောလိပ်မြိုင်၏ ထူးခြားမှုတစ်ရပ်မှာ အငြိမ့်ခန်းတွင် ကိုယ်တိုင် မင်းသားလုပ်၍ နှစ်ပါးသွား ကပြခြင်း ဖြစ်သည်။

▲အကဝါသနာရှင်လေးများကိုလည်း စနစ်တကျရိုးရာမပျက် သင်ကြားပို့ချပေးခဲ့သည်။ အငြိမ့်မင်းသမီးလောက၌ သီချင်းကြီးအဆိုတော်ဟု ထူးခြားစွာ အမည်တွင်ခဲ့သည်။