အိမ်မဲမြို့: တည်းဖြတ်မှု မူကွဲများ

မြစ်ချောင်းပေါများသော မြစ်ဝကျွန်းပေါ်ဒေသတွင်တည်ရှိသဖြင့် သယ်ယူပို့ဆောင်ရေးနှင့် ကူးသန်းသွားလာရေး အတွက် ရေလမ်းခရီးကို အသုံးများလေသည်။ မြို့နယ်အတွင်း၌ သာမက မြို့နယ်အပသို့လည်း ရေလမ်းခရီးကိုပင် အသုံးများကြရာ၊ ပုသိမ်၊ ကျောင်းကုန်း၊ ကျုံပျော်၊ ဝါးခယ်မ၊ မြောင်းမြ တို့သို့လည်းကောင်း၊ မော်လမြိုင်ကျွန်း၊ ညောင်တုံး၊ညောင်တုန်း၊ မအူပင်၊ ရန်ကုန်မြို့တို့သို့လည်းကောင်း၊ ပရသဖပိုင် သင်္ဘောများဖြင့် လည်းကောင်း၊ ပုဂ္ဂလိကပိုင် သင်္ဘော မော်တော်များဖြင့်လည်းကောင်း သယ်ယူပို့ဆောင်ခြင်း၊ ကူးသန်းသွားလာခြင်းများ ပြုကြလေသည်။ ကုန်းလမ်းဘက်တွင် အိမ်မဲ-ကျောင်းကုန်း လူထုလမ်းမကြီးကို ဖောက်လုပ်ထားသဖြင့် သွားရေးလာရေး အဆင်ပြေပေသည်။ အိမ်မဲမြို့မှ ကန်ကြီးဒေါင့်ရွာနှင့် ထန်းတပင်ရွာအထိ ကျောက်ခင်းလမ်း ဖောက်လုပ်ထားသည်။