ဟခတ ဆိပ်ကမ်း မျှော်စင်

ဟခတ ဆိပ်ကမ်း မျှော်စင်သည် ဂျပန်နိုင်ငံ၊ ဖုခုအိုခ၊ ဟခတ-ခု ရှိ အမြင့် ၁၀၃မီတာရှိသည့် လေ့လာမှုဆိုင်ရာ မျှော်စင်တခုဖြစ်သည်။ ၎င်းမျှော်စင်အား ၁၉၆၄ခုနှစ်တွင် တည်ဆောက်ခဲ့သည်။

ဟခတ ဆိပ်ကမ်း မျှော်စင်

အကျဉ်းချုပ်

တိုကျို မျှော်စင်၊ နာဂိုယာ ရုပ်မြင်သံကြား မျှော်စင်၊ ဒုတိယ ဆွတ်တန်ခခု မျှော်စင် တို့ဖြင့် လူသိများသည့် ဗိသုကာ ပညာရှင် Naito Tachuမှ ၎င်းမျှော်စင်အား ဒီဇိုင်းရေးဆွဲပေးထားသည်။ အမြင့် ၇၀မီတာ (၂၂၉ပေ)တွင်ရှိသည့် ကြည့်ရှု့လေ့လာသည့် အခန်းသို့ ဓာတ်လှေကားဖြင့် တက်ရောက်နိုင်သည်။ ထိုနေရာမှ ဖုခုအိုခမြို့၊ ဟခတ ပင်လယ်အော်နှင့် သင်္ဘောများ ဝင်ထွက်သွားလာနေသည်ကို ၃၆၀ ဒီဂရီဖြင့် မြင်ကွင်းကျယ် ကြည့်ရှုနိုင်သည်။ ဝင်ခွင့်မှာ အခမဲ့ဖြစ်ပြီး နှစ်စဉ်နှစ်တိုင်း လူပေါင်း နှစ်သိန်းလေးသောင်း ကျော် လာရောက်လည်ပတ်ကြသည်။ မျှော်စင်ဖွင့်ချိန်သည် မနက် ၁၀ နာရီမှ ည ၁၀အထိ (၉ နာရီ မိနစ် ၄၀အထိ)ဖြစ်ကာ ပြတိုက်ဖွင့်ချိန်သည် မနက် ၁၀နာရီမှ ညနေ ၅ နာရီ (၄ နာရီ မိနစ် ၄၀)အထိဖြစ်သည်။

သမိုင်း

ဟခတ ဆိပ်ကမ်း မျှော်စင်အား မူလက အနီရောင်နှင့် အဖြူရောင် ဆေးသုတ်ခဲ့သော်လည်း ၁၉၉၁ နောင်ပိုင်းတွင် အနီရောင် တစ်ခုတည်းသို့ ပြောင်းလဲခဲ့သည်။ ၁၉၉၉ခုနှစ် တွင် ဟခတ ဆိပ်ကမ်း၏ နှစ် ၁၀၀ ပြည့် အထိမ်းအမှတ်အဖြစ် "Port-kun" "ポートくん" ဟုခေါ်သည့် လဘ်ကောင်အား မိတ်ဆက်ပေးခဲ့သည်။ ၎င်းအား ယနေ့အချိန်ထိ အသုံးပြုနေဆဲဖြစ်သည်။ ၂၀၀၅ ခုနှစ်တွင် ဖူကူအိုကာ စီရင်စု၏အနောက်ဘက် ရေမျက်နှာပြင်တွင် လှုပ်ခတ်ခဲ့သည့် ငလျင်ကြောင့် ပျက်စီးဆုံးရှုံးမှုများကို ပြန်လည်ပြုပြင်ခြင်း၊ အပြင်ပန်း ပြန်လည်ပြုပြင်ခြင်းနှင့် လေ့လာမှုဆိုင်ကုန်းပတ်၏ မှန်ပြူတင်းပေါက်နှင့် မှန်ဘီလူးကိုအစားထိုးခြင်း (အခကြေးငွေ ဖြင့် ကြည့်ရှု့ရမည့် ဒစ်ဂျစ်တယ် မှန်ဘီလူးသို့ ပြောင်းလဲတပ်ဆင်)များကိုပြုလုပ်ခဲ့သည်။ ၎င်းအား ၂၀၀၆ခုနှစ် ဧပြီ၊ ၁ ရက်၊ ၂၀၀၆ ခုနှစ်တွင် ဖွင့်လှစ်ခဲ့သည်။

အဆောက်အဦအား ပြန်လည်ပြုပြင်နေပြီး ပြတိုက်အား ဇွန်၊ ၁၀၊ ၂၀၁၉ခုနှစ်တွင် ပိတ်ထားခဲ့သည်။ ကနဦး၌ မတ်လ၊ ၂၀၂၀ တွင် ပြန်လည် ဖွင့်လှစ်မည်ဟု စီစဉ်ထားရာ ဇွန်လ ဟုပြောင်းလဲစီစဉ်ခဲ့သည်။

ပြင်ပလင့်ခ်များ

• http://www.thejapanfaq.com/fukpic/porttower.html
• http://kyushu.com/fukuoka/places_to_go/hak_port_tower/