ရှေးဟောင်းသုတေသနပြတိုက် (ပုဂံ): တည်းဖြတ်မှု မူကွဲများ

၁၉၀၁ ခုနှစ်တွင် အိန္ဒိယဘုရင်ခံချုပ်သည် [[ပုဂံ]]ဒေသသို့ ရောက်ရှိခဲ့ရာ ပုဂံဒေသည် မြန်မာ့ ယဉ်ကျေးမှုအမွေအနှစ်များ တစ်စုတစ်ဝေးတည်း တည်ရှိရာဒေသဖြစ်ကြောင်း တွေ့ရှိခဲ့သည်။ သို့ဖြစ်၍ ပုဂံဒေသ၏ ရှေးဟောင်း အနုပညာ လက်ရာများ ရှေးဟောင်းသာသနိကဆိုင်ရာ အဆောက်အအုံများ မပျက်စီးစေရန်၊ ထိန်းသိမ်း စောင့်ရှောက်ရန်အတွက် [[ရန်ကုန်တက္ကသိုလ်]]မှ ပါဠိပါမောက္ခ မစ္စတာအီးဖိုးချားမားအား တာဝန်ပေးအပ်ခဲ့သည်။ ၁၉၀၂ ခုနှစ်တွင် ကမ္ပည်းကျောက်စာ ဌာန (ယခုရှေးဟောင်းသုတေသနဦးစီးဌာန) ကျောက်စာဝန် မစ္စတာတော်စိန်ခိုသည် ပုဂံတစ်ဝိုက်မှရရှိသော ရှေးဟောင်း ကျောက်စာများနှင့် ရှေးဟောင်းပစ္စည်းများကို စုဆောင်းခဲ့သည်။ ၎င်းတို့ကို ပြသရန် ၁၉၀၄ ခုနှစ်တွင် [[အာနန္ဒာဘုရား]]၏ မြောက်ဘက်တွင် ပြတိုက်ငယ်တစ်ခုကို တည်ဆောက်ခဲ့ပြီး ရှေးဟောင်းကျောက်စာများကို ပြသခဲ့သည်။ ထိုစဉ်က အုပ်ချုပ်မှုကို [[ပခုက္ကူခရိုင်]] [[ပြည်သူ့ဆောက်လုပ်ရေးလုပ်ငန်း]]မှ တာဝန်ယူခဲ့သည်။ နောက်ပိုင်းတွင် ဦးဗိုကေ အား ကျောက်စာဝန်အဖြစ် ပုဂံဌာနခွဲတွင် ခန့်ထားခဲ့ပြီး ပုဂံမြို့တွင် ရုံးဖွင့်လှစ်ဆောင်ရွက်ခဲ့သည်။ ၁၉၇၉ ခုနှစ်တွင် ပုဂံမြို့ [[ကန်တော့ပလ္လင်ဘုရား|ကန်တော့ပလ္လင်]]တောင်ဘက် (၈.၁၆)ဧကရှိ မြေနေရာ၌ ရှစ်မြှောင့်ပုံ ပြတိုက်ငယ်တစ်ခုကို တည်ဆောက်ခဲ့ပြီး ၎င်း၏ဘေးတွင် ပုဂံရှေးဟောင်းသုတေသနဌာနခွဲရုံးကို ဆောက်လုပ်ခဲ့သည်။

 

 

==ပြသထားရှိသည့်ပြခန်းများ==

#ပုဂံခေတ်စာပေပြခန်း

#ပုဂံခေတ်ဗုဒ္ဓဆင်းတုတော်များပြခန်း

[[File:Bagan Archaeological Museum (42718949014).jpg|thumb|အတွင်းပိုင်း]]

ပုဂံဒေသရှိ ရှေးဟောင်းစေတီပုထိုးများ ဖူးမျှော်ခြင်း၊ လေ့လာခြင်းအပြင် ပုဂံရှေးဟောင်းသုတေသနပြတိုက်သို့လည်း ဝင်ရောက်လေ့လာသင့်သည်။ <ref>ဦးမောင်မောင် - ရန်ကုန်တက္ကသိုလ် ၏ ပုဂံစေတီပုထိုးများ</ref>