ပုညခင်: တည်းဖြတ်မှု မူကွဲများ

၁၉၇၂ စက်တင်ဘာလ၂၂ရက်နေ့တွင် အဖဦးညွန့်ရှိန် အမိ ဒေါ်ဌေးဌေးတို့မှ ဧရာဝတီတိုင်းဒေသကြီး ကျောင်းကုန်းမြို့တွင်မွေးဖွားခဲ့သည်။ မွေးချင်းသုံးဦးအနက် သမီးအကြီးဖြစ်သည်။ ၁၉၉၁ခုနှစ်တွင် ကျောင်းကုန်းမြို့ အခြေခံပညာအထက်တန်းကျောင်းမှ အခြေခံပညာအထက်တန်းအောင်မြင်ပြီးနောက် ​ကျောင်းကုန်းမြို့နယ် တာကုန်းကျေးရွာ မူလတန်းကျောင်းတွင် မူလတန်းပြဆရာမအဖြစ် တာဝန်ထမ်းဆောင်ရင်း ဝတ္ထုတိုနှင့် လုံးချင်းဝတ္ထုများကို စတင်ရေးသားခဲ့သည်။ ၁၉၉၃ခုနှစ်တွင် ဆုနွေးဦးကလောင်အမည်ဖြင့် လုံးချင်းဝတ္ထုများစတင်ရေးသားခဲ့သော်လည်း (၁၁) အုပ်သာထွက်ရှိနိုင်ပြီး ၁၉၉၅ခုနှစ်တွင်ရပ်တန့်သွားခဲ့သည်။ ၁၉၉၅ခုနှစ်တွင် ပုသိမ်အဝေးသင်တက္ကသိုလ်မှ မြန်မာစာအဓိကဖြင့် ဘွဲ့ရရှိခဲ့သည်။ ၁၉၉၇တွင် ရန်ကုန်သို့ရောက်ရှိလာကာ ကုမ္ပဏီဝန်ထမ်း အမျိုးသမီးသတင်းထောက်၊ ဇာတ်ညွှန်းရေးသားသူ၊ အယ်ဒီတာ စသဖြင့်အလုပ်များ ဆက်တိုင်လုပ်ကိုင်ရင်း ၂၀၀၀ပြည့်နှစ်တွင် ပုညခင် ကလောင်အမည်ဖြင့် ပထမဦးဆုံးလုံးချင်းဝတ္ထုကို စတင်ရေးသားခဲ့သည်။ ၂၀၀၃ ဩဂုတ်လတွင် "ပုညခင်စာအုပ်တိုက်" ကိုထူထောင်ကာ ထုတ်ဝေရေးလုပ်ငန်းကိုပါ ပူးတွဲလုပ်ကိုင်ခဲ့သည်။ ၂၀၀၅ မှ၂၀၀၇ အထိ ရန်ကုန်တက္ကသိုလ် စိတ်ပညာဌာနတွင် ဘွဲ့လွန်အသုံးချစိတ်ပညာဒီပလိုမာတန်းတွင် ဆက်လက်သင်ကြားပြီးနောက် စိတ်ပညာဆိုင်ရာ ဝတ္ထုများကိုရေးသားခဲ့သည်။ ယခုအချိန်အထိ လုံချင်းဝတ္ထု (၁၂၂)၊ ဝတ္ထုတို (၇၀)ကျော်၊ ခရီးသွားဆောင်းပါးနှင့် အတွေးအမြင်ဆောင်းပါး များကိုရေးသားခဲ့ပြီးဖြစ်သည်။ လုံချင်းဝတ္ထု (၁၀၀) ကျော်ကိုရုပ်ရှင် ဗီဒီယိုအဖြစ် ရိုက်ကူးချင်းခံရသည်။▼