ဖိလိပ္ပိဩဝါဒစာ: တည်းဖြတ်မှု မူကွဲများ

ဖိလိပ္ပိအသင်းတော်သည် ရှင်ပေါလုအား စေတနာသဒ္ဓါထက်သန်စွာ ပေးလှူသောအသင်းတော်ဖြစ်သည်။ ထိုအကြောင်းကို ရှင်ပေါလုက ပါးနပ်စွာဖြင့် ”ပေးပို့သောစာအတွက် ကျေးဇူးတော်ချီးမွမ်းပါသည်” ဟု ဆိုထားသည်။

 

 

ခရစ်ယာန်များ၏ ပျော်ရွှင်ရခြင်း အဓိကအကြောင်းအရင်းမှာ ဘုရားသားတော် လူ့လောကသို့ သက်ဆင်းလာခြင်း၊ အစေခံခြင်းဖြစ်သည်။ ထိုမျှသာမက အနာရောဂါ ကင်းငြိမ်းစေခြင်း၊ သမ္မာတရား သွန်သင်ခြင်း ဖြစ်သည်။ ကားတိုင်ပေါ်တွင် အသေခံသည့်တိုင်အောင် အသေခံခြင်းလမ်းကို ရွေးခဲ့သည်။ ထိုသမ္မာတရား၏ ကျက်သရေမင်္ဂလာရှိပုံကို ၂:၅-၁၁ တွင် ရေးထားသည်။ ရှေးဦးဓမ္မသီချင်းများတွင်လည်း ထိုကျမ်းပိုဒ်မူရင်းစာသားအတိုင်း သီကုံးစပ်ဆိုခဲ့ကြသည်။ ထိုကျမ်းစာသားတွင် နှိမ့်ချခြင်း၌ တရားသည် ဓမ္မသစ်ကျမ်းစာနှင့် မကင်းကွာနိုင်သော သွန်သင်ချက်ဖြစ်သော်လည်း ခေတ်သစ်အသင်းတော်များတွင်မူ ဝမ်းနည်းဖွယ်ရာ ဖြစ်နေသည်။

H.A.A Kenneddy က ဤသို့တန်ဆာဆင်မြန်းပေးထားသည်။

 

 

 

ဖိလိပ္ပိအကျဉ်းထောင်အကြောင်းကိုမူ လူတိုင်းသိကြသည်။ ညဉ့်လယ်ယံရောက်သောအခါ ပေါလုနှင့်သိလသည် ဆုတောင်းပြီး ချီးမွမ်းသီချင်းဟစ်ကြွေးကြသည်။ ချက်ချင်းမြေငလျင်ကြီး တုန်လှုပ်သည်။ ထောင်သားများခတ်ထားသည့် သံကွင်းများ ဖြေလွှတ်ကြပြီး ထောင်တံခါးများအလိုလိုပွင့်ကြသည်။ ထောင်မှူးများသည် ထောင်သားများထွက်မပြေးကြ ကြောင်း ပြောပြသောအခါမှ ထိုထောင်မှူးသည်လည်း သက်ပြင်းချနိုင်သည်။ ”သခင်၊ ကယ်တင်ခြင်းရဖို့ မည်သို့လုပ်ရမည် နည်း” ဟု ထောင်မှူးကိုယ်တိုင် မေးရှာသည်။ ပေါလုကလည်း မှတ်သားလောက်သော အဖြေစကားပေးသည်။ ”သခင်ယေရှု ခရစ်ကိုယုံကြည်လော့၊ ယုံကြည်လျှင် သင်နှင့်သင်၏အိမ်သူအိမ်သားတို့သည် ကယ်တင်ခြင်းသို့ ရောက်ရှိကြမည်” (တ ၁၆း၃၁)။ ဘုရားသခင်၏ကျေးဇူးတော်သည် ဖိလိပ္ပိမြို့တွင် ထပ်မံထင်ရှားသည်။ အာဏာပိုင်အဖွဲ့အစည်းများ ရှင်ပေါလုနှင့် အဖွဲ့များအား ဖိလိပ္ပိမှ ထွက်ခွာခိုင်းကြသည်။ သို့သော် ရှင်ပေါလု ငြင်းဆန်သည်။ နိုင်ငံသားဖြစ်ပါလျှက်နှင့် စစ်ဆေးစီရင် ခြင်းမပြုဘဲ ရိုက်နှက်ထောင်ချခြင်းအတွက် တရားမျှတမှုမရှိဟုဆိုသည်။ အုပ်ချုပ်သူ အာဏာပိုင်များနှင့် ထိုသို့တွေ့ဆုံပြောဆို ပြီးနောက် ပေါလုနှင့်အဖွဲ့သည် လုဒိအိမ်သို့ သွားရောက်လည်ပတ်ပြီးမှ ထွက်ခွာသည် (တ ၁၆:၄ဝ)။