မိုက်ကယ်လ် ဘလွန်းဘက်ဂ်: တည်းဖြတ်မှု မူကွဲများ

| နိုင်ငံသား = [[အမေရိကန်]]

| လူမျိုး =

| လုပ်ငန်း =

| ကြွယ်ဝမှု= အမေရိကန်ဒေါ်လာ ၁၈ ဘီလျံ

}}

 

 

ရွေးကောက်တင်မြှောက်ခြင်း မခံရသေးမီက ရာသက်ပန် ဒီမိုကရက် တစ်ယောက် ဖြစ်သော ဘလွန်းဘက်ဂ် သည် ၂၀⁠၀၁ တွင် ရီပတ်ပလင်ကန် တစ်ယောက် အဖြစ်အမည်စာရင်း တင်သွင်း ပြီး မြို့တော်ဝန်ရာထူးအတွက် ဝင်ရောက်ယှဉ်ပြိုင်ခဲ့သည်။ အဆိုပါ ၂၀⁠၀၁ ရွေးကောက်ပွဲတွင် ရွေးကောက်တင်မြှောက်ခံရပြီး ၂၀⁠၀၅ တွင် ဒုတိယ သက်တမ်းအတွက်ပါ အောင်မြင်မှုရခဲ့သည်။ သူသည် ၂၀⁠၀၈ သမ္မတ ရွေးကောက်ပွဲသို့ တသီးပုဂ္ဂလ ရွေးကောက်ခံရန် အလားအလာ ရှိကြောင်း မကြာခဏ ပြောဆိုခံရပြီး ၂၀⁠၀၇ ဇွန်လတွင် ရီပတ်ပလင်ကန် ပါတီမှ ထွက်ခွာ၍ တသီးပုဂ္ဂလ တစ်ယောက်ဖြစ်လာသောအခါ အဆိုပါထင်မြင်ချက်ကို အားဖြည့်ပေးလိုက်သကဲ့သို့ ဖြစ်သွားသည်။ သူသည် ဒုတိယ သမ္မတ အဖြစ်ဝင်ရောက်ယှဉ်ပြိုင်လိမ့်မည်ဟုလည်း ခန့်မှန်းကြသည်။ ဘလွန်းဘက်ဂ် သည် မည်သည့် ရာထူးအတွက်မျှ မယှဉ်ပြိုင်ခဲ့သော်လည်း အခြားသော သမ္မတ ရွေးကောက်ပွဲဝင်သူများ အတွက်မူ ယှဉ်ပြိုင်ဘက် တစ်ယောက်အဖြစ်ရွေးချယ်ခံခဲ့ရသည်။

ရီပတ်ပလင်ကန်ပါတီ၏ အထောက်ကအပံ့ကို ရရှိရမည့် အစား ဘလွန်းဘက်ဂ် သည် ဒီမိုကရက် လိုလားသူများစွာ၏ ထောက်ခံမှုများကို ရရှိခဲ့သည်။ ၎င်းတို့မှာ ဒီမိုကရက်တစ်မြို့တော်ဝန်ဟောင်း ဖြစ်သူ Ed Koch၊ ဒီမိုကရက်တစ် ပြည်နယ်အုပ်ချူပ်ရေးမှူး ဟောင်း Hugh Carey မြို့တော်အုပ်ချူပ်ရေး ကော်မတီ ပြောရေးဆိုခွင့် ရှိသူဟောင်း ဒီမိုကရက်တစ် တစ်ဦးဖြစ်သူ Peter Vallone နှင့် သူ၏ သားဖြစ်သူ ကောင်စီဝင် Peter Vallone ဂျူနီယာ၊ ယခင် ဒီမိုကရက်တစ် အထက်လွှတ်တော် အမတ်ဟောင်း Floyd Flake ( ၂၀⁠၀၁ ကတည်းက ဘလွန်းဘက်ဂ် အားထောက်ခံခဲ့သူ ) ၊ Bronx စီရင်စု/ ခရိုင် ဥက္ကဌ ဟောင်း Fernando Ferrer တို့ ဖြစ်သည်။

 

 

 

တသီးပုဂ္ဂလပါတီကို ၂၀၁ဝ ဇန်နဝါရီတွင် ပြန်လည်ဖြည့်ဆည်းခဲ့ပြီးနောက် ၂၀⁠၀၉ အောက်တိုဘာ ၃ဝနှင့် ၂၀⁠၀၉ နိုဝင်ဘာ ၂ နေ့များတွင် သူကိုယ်ပိုင်ငွေကြေးများထဲမှ ဒေါ်လာ ၆၀၀,၀⁠၀ဝ ကို နှစ်ကြိမ်တိုင်တိုင် ထောက်ပံ့ကူညီခဲ့ ကြောင်း ထုတ်ပြန်ကြေငြာခဲ့သည်။ တသီးပုဂ္ဂလပါတီသည် ထိုထောက်ပံ့ကူညီခဲ့သည့်ငွေထဲမှ ဒေါ်လာ ၇၅၀⁠၀၀ဝ ကို ရီပတ်ဘလစ်ကန်ပါတီမှ နိုင်ငံရေးသမား ဂျွန် ဟက်ဂါတီ ဂျူနီယာ ကို ပေးခဲ့သည်။

ဘလွန်းဘက်ဂ် သည် အများစုက ဒီမိုကရက်တစ်ကိုထောက်ခံအားပေးသည့်မြို့မှာ ပြန်လည်အရွေးချယ်ခံခဲ့ရသည့် ရီပတ်ဘလစ်ကန် အမတ်များဖြစ်ကြသော Rudy Giuliani နှင့် Fiorello La Guardia တို့နှင့်ဆက်သွယ်ခဲ့သည်။ ( ဂျွန်လင်ဆေးသည် ရီပတ်ဘလစ်ကန်အဖြစ်မှတ်ပုံတင်ထားသည့်ကြားက နှစ်ကြိမ်တိုင်တိုင် နယူးယောက်မြို့တော် ဝန်အဖြစ် ရွေးချယ်ခံခဲ့ရသည်။ သို့သော် လင်ဆေးသည် ၁၉၆၉ တွင်ပြန်လည်ရွေးကောက်ခံရန်အတွက် စည်းရုံးရေး လှုပ်ရှားမှုပြုလုပ်စဉ်အတွင်း ရီပတ်ဘလစ်ကန်ပါတီမှ အဆိုပြုခြင်းခံရသူအဖြစ်ရောက်ရှိခဲ့သော်လည်း လက်မခံခဲ့ပေ။ သို့သော် Liberal အတွက် ရွေးကောက်ခံရမည့်သူများစာရင်းတွင် ပါဝင်သည်အထိအောင်မြင်စွာ ယှဉ်ပြိုင်နိုင်ခဲ့ပြီး သူ၏ ဒုတိယသက်တမ်းတွင် ဒီမိုကရက်တစ်ပါတီနှင့် ဆက်သွယ်ခဲ့သည်။ )

 

 

နယူးယောက်မြို့တွင်းနှင့် မြို့ပြင်တွင် နေထိုင်သူအမေရိကန်များကို ၂၀၁ဝ နိုဝင်ဘာတွင် ပြုလုပ်ခဲ့သော ပြည်သူ့စစ် တမ်းကောက်ယူမှုတရပ်ကိုမှု ဘလွန်းဘတ်ကို နှစ်သက်သူ ၁၉ % ပေါ်ထွက်လာခဲ့ပြီး ၃၈ % က မနှစ်သက်ဟု ထုတ်ဖော်ပြောဆိုခဲ့ကြသည်။ အများစုဖြစ်သော ၃၈ % သည်အ များပြည်သူနှင့်ဆိုင်သည့် မူဝါဒများနှင့် ပက်သက်ပြီး မထောက်ခံသည့် သဘောထားရှိကြောင်း ဖော်ပြကြသည်။

 

ဘလွန်းဘက်လိုလားသောမူဝါဒများသည် ဒီမိုကရက်တစ်တို့နှင့်ဆင်သည်ဟုပြောနိုင်သလို ရီပတ်ဘလစ်ကန်တို့နှင့် ဆင်သည်များလည်းရှိသည်။ သူသည် လူမှုရေးအရ လစ်ဘရယ်သမားဖြစ်ရာ သန္ဓေသားဖျက်ချခွင့်၊ မိန်းမလျာများ လက်ထပ်ခွင့်၊ သေနတ်ကိုင်ဆောင်ခွင့်နှင့် နိုင်ငံခြားသားများ နိုင်ငံသားအဖြစ်ခံယူနိုင်ခွင့်အစရှိသည့် မူဝါဒများကို ထောက်ခံသူဖြစ်သည်။ စီးပွားရေး၊ နိုင်ငံခြားရေးနှင့် ပြည်တွင်းရေးကိစ်စများတွင်မူ ၎င်းမှ ကွန်ဆာဗေးတစ်အနေဖြင့် ရပ်တည်လေ့ရှိသည်။ အီရတ်မှတပ်များ ပြန်လည်ရုတ်သိမ်းရန်ရက်အပြီးသတ် သတ်မှတ်ခြင်းကို ဆန် ့ကျင်သူ ဖြစ်ရာပြန်လည်ရုတ်သိမ်းရန် လိုလားသူများကိုလည်း ဝေဖန်လေ့ရှိသည်။ စီးပွားရေးအရမှု လူမှုဖူလုံရေးနှင့် သဘာဝ ပတ်ဝန်းကျင်ထိမ်းသိမ်းရေးတို့တွင် အစိုးရ၏ အရေးယူဆောင်ရွက်မှုကို လိုလားသူဖြစ်သည်။ သို့သော် လွတ်လပ် သောကုန်သွယ်ရေးကို အပြည့်အဝထောက်ခံပြီး စီးပွားရေးကို အဓိကထားသူဖြစ်သည်။ ၎င်းမှာ ဘဏ္ဍာရေးအရ ကွန်ဆာဗေးတစ်ဖြစ်သူဟု ကြွေးကြော်လေ့ရှိသည်။ အဘယ်ကြောင့်ဆိုသော် ၎င်းမှာ မြို့တော်၏ ဝင်ငွေထွက်ငွေကို မကွာဟအောင် ထိမ်းသိမ်းရန်ကြိုးစားသောကြောင့် ဖြစ်သည်။

ဘလွန်းဘတ်သည် မြို့တော်၏ လူမှုရေးပြသာနာအတော်များ⁠များနှင့် ပက်သက်၍မှု လစ်ဘရယ်ဖြစ်သော မှုဝါဒများ ကို ချမှတ်လေ့ရှိသည်။ ၎င်းက မျိုးပွားခြင်းဆိုင်ရာပင်မကလပ်စည်းသုတေသနများကို အစိုးရက အထောက်ပံ့ပေး ရန်လိုလားပြီး ထိုကိစ္စကို မထောက်ခံသော ရီပတ်ဘလစ်ကန်များကို “ ကျိုးကြောင်း မသိသူများ” ဟု ပြစ်တင်လေ့ရှိ သည်။ လိင်တူချင်းလက်ထပ်ထိမ်းမြားမှုကိုလည်း လက်ခံသည်။ ထို ကိစ္စနှင့် ပက်သက်၍ ၎င်း၏ ခံယူချက်မှာ မည်သူ ကမည်သူ့ကိုမဆိုလက်ထပ်ပိုင်ခွင့်ရှိမည်ဟူ၍ ဖြစ်သည်။

နယူးယောက်မြို့တော်တွင် မူးယစ်ဆေးဝါးဥပဒေကို တင်းကြပ်စွာပြဌာန်းရန်လိုလားသည်။ ယခင်ကမှု ၎င်းအနေဖြင့် လည်းဆေးခြောက်သုံးစွဲဖူးကြောင်း ၎င်းကိုယ်တိုင်ထုတ်ပြောခဲ့ဖူးသည်။ ၂၀⁠၀၁ က အင်တာ ဗျူးတခုတွင် “ခင်ဗျားတို့ သေချာပေါက်ပြောလို့ရတာက ကျွန်တော်ဆေးခြောက်သုံးစွဲဖူးတယ်။ ကြိုက် လည်းကြိုက်ခဲ့တယ်”ဟုဆိုလေသည်။ ထိုစကားကို Normal ၏ ဒေါ်လာ ၅၀၀,၀⁠၀ဝ တန်သည်ဟု ဆိုကြ သော ကြေငြာလှုံဆော်မှုတွင် ၎င်း၏ ရုပ်ပုံနှင့်တကွ ထည့်သုံးခဲ့ကြသည်။ ၂၀⁠၀၂ အင်တာဗျူးတခုတွင် ဘလွန်းဘတ်က ဤကဲ့သို့ပြောကြားခဲ့ခြင်းအတွက် နောင်တရမိ ကြောင်း ပြောကြားခဲ့သည်။ ၎င်းမှာ ဆေး ခြောက်ကိုတရားဝင်သုံးခွင့်ပေးသင့်သည်ဟူသောအယူအဆကို လက်မခံတော့သူလည်းဖြစ်သည်။

မြို့တော်ဝန်ရာထူးကို ထမ်းဆောင်နေခဲ့စဉ် ပညာရေးပြုပြင်ပြောင်းလဲမှုများကိုလည်း ဆောင်ရွက်ခဲ့သည်။ မြို့တော် ပညာရေးကို ပြည်နယ်အုပ်ချုပ်ရေးက ဖွဲ့စည်းပေးထားသောဘုတ်အဖွဲ့၏ လက်အောက်တွင် ထားမည့်အစား မြို့ တော်ဝန်၏ တိုက်ရိုက်ထိန်းချုပ်မှုအောက်တွင် ထားရှိခဲ့သည်။ ဆရာများ၏လစာကို ၁၅%ခန့် တိုးမြှင့်ပေးခဲ့ကာ မြို့ တော်အတွင်းရှိ ကျောင်းသားများ၏ ပညာရေးရမှတ်များနှင့် ပညာရေး အောင်မြင်စွာပြီးဆုံးမှုနှုန်းများလည်း တိုးတက် လာခဲ့သည်။ ကျောင်းသားများကို အရည်အသွေးမပြည့်မီပဲ အတန်းတက်ပေးခြင်းကို ဘလွန်းဘတ်က မလျော်ကန် သောလူမှုရေးလုပ်ရပ်အဖြစ် ပြင်းပြင်းထန်ထန် တားမြစ်ပြီး ကျောင်းသားများမှာ နောင်တက်မည့်အတန်းအတွက် တကယ်အဆင်သင့်ဖြစ်မှသာလျှင် အတန်းတက်ပေးသင့်သည်ဟု ၎င်းကဆိုသည်။

 

 

 

“၂၀⁠၀၁ စက်တင်ဘာတိုက်ခိုက်မှုမှာ တကြိမ်တခါသာဖြစ်နိုင်သည့်လုပ်ကြံမှုမျိုးအဖြစ် ဘလွန်းဘတ်က မယုံကြည်ပေ။ သူမြို့တော်ဝန်ရာထူးကို လက်ခံခဲ့ချိန်တွင် အကြမ်းဖက်မှုတိုက်ဖျက်ရေးဗျူရိုတခုကို ဖွဲ့စည်း၍ ကမ္ဘာတဝှမ်းလုံးမှနေ ၍ နယူးယောက်မြို့သို ဦးတည်လာနိုင်သည့် အကြမ်းဖက်တိုက်ခိုက်မှုများနှင့် ပက်သက်သော သတင်းအချက် အလက်များစုဆောင်းရန် NYPD ထောက်လှမ်းရေးဌာနနှင့် လက်တွဲဆောင်ရွက်စေခဲ့သည်။

 

ဘလွန်းဘတ်သည် ၁၉၇၅ တွင် ယော့ရှိုင်းယားသူ ဆူဆန်ဘရောင်းနှင့်လက်ထပ်ခဲ့သည်။ ထိုပထမဆုံးဇနီးနှင့် သမီးနှစ်ဦးဖွားမြင်ခဲ့ပြီး ၎င်းတို့မှာ ဘဲမာ ( ၁၉၇၉ ) နှင့် ဂျော်ဂျီယာနာ ( ၁၉၈၃ ) တို့ဖြစ်ကြသည်။ ထိုသမီးနှစ်ဦးကို Born Rich ဟု အမည်ရသော ကျိကျိတက်ချမ်းသာသော သူကြွယ်သူဌေး၏ သားသမီးများအကြောင်းရိုက်ကူးထား သော မှတ်တမ်းရုပ်ရှင်တွင် ထည့်သွင်းရိုက်ကူးခဲ့သည်။ ဘလွန်းဘတ်သည် ဆူဆန်ဘရောင်းနှင့် ကွာရှင်းခဲ့ပြီး နောက်ပိုင်းတွင် နယူးယောက်ပြည်နယ် ဘဏ်လုပ်ငန်းအုပ်ချုပ်ရေးမှူးဟောင်း ဒိုင်ယာနာတေလာနှင့် ချစ်ကြိုးသွယ် နေသည်ဟု ဆိုကြသည်။

 

 

၎င်း၏ ပြောကြားချက်အရ ၎င်းမှာ နယူးယောက်မြို့တော်မြေအောက်ရထားကို မကြာခဏစီးနင်းသူ ဖြစ်သည်။ အထူးသဖြင့် ၎င်း၏ နေအိမ်ရှိရာ ၇၉ လမ်းနှင့် မြို့တော်ခန်းမရှိ ရုံးခန်းသို့ရထားဖြင့် သွားလာလေ့ရှိသည်ဟု ဆို သည်။ သို့သော် ၂၀⁠၀၇ ခုနှစ်တွင် ရေးသားခဲ့သော The New York Times သတင်းတပုဒ်ကမှု ၄င်း၏အဆိုနှင့် ပြောင်းပြန်ဖြစ်နေသည်ကို တွေ့ရသည်။ လိုကယ်ရထားမှ အမြန်ရထား ကို လက်စ်က်ကင်တန်ရိပ်သာလမ်းတွင် ပြောင်းစီးရခြင်းကို ရှောင်ရှားရန်အတွက် ၎င်းကို အမြန်ရထား ဘူတာရုံသို့နယူးယောက်ရဲဌာနပိုင် SUVs နှစ်စီးဖြင့် လိုက်ပါပို့ဆောင်ရလေ့ရှိသည်ဟု ထိုသတင်းက ဆိုသည်။

၂၀⁠၀၉ မတ်လ Forbes Magazine ၏ ဖော်ပြချက်အရ မိုက်ကယ်ဘလွန်းဘတ်၏ ပိုင်ဆိုင်မှုမှာ ၁၆ ဘီလီယံရှိသည် ဟုဆိုသည်။ သူသည် စီးပွားရေးပျက်ကပ်အတွင်း အမေရိက၏ အအောင်မြင်ဆုံးဘီလီယံနာတဦးအဖြစ် ရပ်တည်နိုင် ခဲ့ကာ ယမန်နှစ်တစ်နှစ်ထဲတွင် ၄.၅ ဘီလီယံဝင်ငွေရရှိခဲ့သည်။ ထို့ကြောင့် ၂၀⁠၀၉ ခုနှစ်အတွင်း စည်းစိမ်အများဆုံးတိုးခဲ့သောသူတဦးဟုလည်း ဆိုနိုင်သည်။ အမေရိကန်တွင် ဘလွန်းဘတ်ထက်ပိုချမ်းသာသူ ၄ ဦးသာ ရှိသည်ဟု ၂၀⁠၀၉ ခုနှစ် ကိန်းဂဏန်းများကဆိုသည်။ Wall-Mart မိသားစုမှာ ဘလွန်းဘတ်ထက် ပို၍ချမ်းသာ သော်လည်း စည်းစိမ်အာလုံးမှာ မိသားစု ၄ ဦး ခွဲယူရမည်ဖြစ်သောကြောင့် ဘလွန်းဘတ်ကိုမကျော်ဟု ဆိုနိုင်သည်။ Forbes Magazine ၏ ကမ္ဘာ့ဘီလီယံနာစာရင်းတွင် ဘလွန်းဘတ်မှာ ၂ နှစ်အတွင်း နံပါတ် ၁၄၂ မှ နံပါတ် ၁ရ သို့ ခုန်တက်ခဲ့သွားခဲ့သည်။

 

 

၎င်း၏ ကိုယ်ပိုင်ကြွယ်ဝမှုအပြင် နိုင်ငံရေးရာထူးကိုပါ ပိုင်ဆိုင်ထားသူဖြစ်ရာ ဘလွန်းဘတ်အနေဖြင့် စေတနာအလျောက် လှူခြင်းတန်းခြင်းများကို အတော်ပင်ဆောင်ရွက်နိုင်သူဖြစ်သည်။ ၎င်းပြုခဲ့သော အလှူ အတန်းများတွင် ဂျွန်ဟော့ကင်း တက္ကသိုလ်သို့ဒေါ်လာ သန်း ၃၀ဝ လှူဒါန်းခဲ့ခြင်းလည်းပါဝင်သည်။ သူသည်အဆိုပါတက္ကသိုလ်၏ ဘုတ်အဖွဲ့ဥက်ကဌရာထူးကို ၁၉⁠၉၆ ခုနှစ်မှ ၂၀⁠၀၂ ခုနှစ်အထိ တာဝန် ယူခဲ့သူလည်းဖြစ်သည်။

၂၀⁠၀၉ ခုနှစ်တွင် ရပ်ရွာကျန်းမာရေးစောင့်ရှောက်မှုခေါင်းဆောင်ကောင်းဆုကို Robert Wood Johnson Foundation ၏ တနိုင်ငံလုံးဆိုင်ရာ ရပ်ရွာခေါင်းဆောင်ရွေးချယ်ရေးအစီအစဉ်က ချီးမြှင့်ခဲ့သည်။ ဘလွန်းဘတ်မှာ နယူးယောက်မြို့သူမြို့သားများအတွက် ကျန်းမာရေးနှင့်ညီညွတ်သောအစားအသောက် များ ရရှိစေရေးနှင့် ကိုယ် လက်လှုပ်ရှားမှုများဆောင်ရွက်နိုင်သည်။ အခွင့်အလမ်းများပိုမိုပေါ်ပေါက်လာရေး အတွက် မူဝါဒများ၊ လုပ်ငန်းများကို ချမှတ်ဆောင်ရွက်ခဲ့သူဖြစ်ခြင်းကြောင့် ဖြစ်သည်။ ၎င်း၏ လုပ်ဆောင် ချက်များအနက်မှတစ်ခုမှာ ကုန်စိမ်းဆိုင်ကျဲပါး သောနေရာများတွင် ကုန်စိမ်းဆိုင်များပေါ်ပေါက်လာစေ ခြင်းဖြစ်သည်။ မြို့အုပ်ချုပ်ရေးအစီအစဉ်တရပ်အဖြစ် “FRESH” ဟူသော စီမံကိန်းတရပ်ကို ဆောင်ရွက်ကာ ရောင်းချခွင့်ရှိသည့်နယ်မြေများဖော်ထုတ်ပေးခြင်း၊ ဆိုင်ဖွင့်သူ များ၊ ဆိုင်ဝန်ထမ်းများနှင့် ပိုင်ရှင်များကို ငွေကြေးဆိုင်ရာအထောက်အပံများပေးခြင်းအားဖြင့် ဆွဲဆောင်ခဲ့ခြင်းတို့ကို ပြုလုပ်ခဲ့သည်။ ၎င်း၏ လက် ထက်တွင် healty Bodega ဟု ခေါ်သောအစီအစဉ်က ကျန်းမာရေးနှင့်ညီညွတ်သော အစားအသောက် နမူနာများထုတ်လုပ်ကာ နွမ်းပါးသောဧရိယာများရှိကုန်စိမ်းရောင်းချသူများကို ပညာပေးသဘော ဖြင့်ဖြန့် ဝေခဲ့သည်။ ထိုရပ်ကွက်များတွင် ထိုနမူနာဖြန့်ဝေရာအရပ်များ၌ လာရောက်သူတိုင်း ၁ % သာအဆီပါ သော နို့နှင့်သစ်သီးများ၊ ဟင်းသီးဟင်းရွက်များကို ယူဆောင်သွားခွင့်ပေးခဲ့သည်။ ဘလွန်းဘတ်လက်ထက် တွင် “Green Carts Bill” ခေါ် အစိမ်းရောင်လှည်းများဥပဒေကို ပြဌာန်းကာဝင်ငွေနိမ့်သော ရပ်ကွက်များ တွင် ရွေ့လျားလှည်းများဖြင့်ဈေးရောင်းခြင်းကို ခွင့်ပြုခဲ့သည်။ ထိုလှည်းများမှာ လယ်သမားများဈေး ကွက် သို့တိုက်ရိုက်ရောင်းချနိုင်ခြင်းကို အားပေးရန်ဖြစ်ပြီး ယခင်ကပင်ရှိထားခဲ့သော Health Bucks အစီအစဉ် နှင့် ပေါင်းကာ ထိုလယ်သမားဈေးကွက်ကို အားပေးခဲ့သည်။ ထိုအစီအစဉ်အရ ဝင်ငွေနိမ့်ရပ်ကွက်များတွင် နေထိုင်သည့် သတ်မှတ်စည်းကမ်းချက်များနှင့် ညီညွတ်သောသူများကို ထိုဈေးလှည်းများမှ ဝယ်ယူခွင့်နှင့် ကူပွန်များပေးစေကာ ဈေးသည်များနှင့်အတူ ဝယ်သူများကိုပါ ထောက်ပံ့ပေးခဲ့သည်။ ထို့ပြင် ကစားကွင်း များကိုပါ ထောက်ပံ့ခဲ့သည်။ ထို့ ပြင်ကစားကွင်းများအရည်အသွေးကောင်းမွန်လာစေ ရေးအတွက် ဒေါ်လာ ၁⁠၁၁ သန်းကို သုံးစွဲခဲ့သည်။ အမြန်ရ စား သောက်ဆိုင်များနှင့် နာမည်ကျော်စားသောက်ဆိုင်လုပ်ငန်းကြီး များတွင် အစားအသောက်များတွင်ပါဝင်သည့် ပစ္စည်းများ၏ ကယ်လိုရီအချက်အလက်များကို ဖော်ပြပြီး ရောင်းချစေခြင်းဖြင့် ပြည်သူများကို အစားအသောက်ရွေး ချယ်ရာတွင် ဝယ်ယူမည့်အစားအသောက်၏ ကျန်းမာရေးအချက်အလက်များကို ပြည့်ပြည့်စုံစုံသိရှိစေရန် ဆောင် ရွက်ပေးသော ပထမဆုံးအမေရိကန် မြို့ကြီး ၅ မြို့တွင် နယူးယောက်မှာ အပါအဝင်ဖြစ်သည်။

 

 

နယူးယောက်မြို့တော်ဝန်ရာထူးသက်တမ်းမှာ ၂ ကြိမ်သာထမ်းဆောင်နိုင်သည့် ဥပဒေရှိရာ ၂၀⁠၀၁ ခုနှစ် တွင် ရာထူး သက်တမ်းကုန်ဆုံးမည့်မြို့တော်ဝန် ရူဒီ ဂျီအူလီယာနီမှာ ပြန်လည်ရွေးကောက်ခံခွင့် မရှိတော့ပေ။ နယူးယောက်မြို့ရှိ နာမည်ကြီးနိုင်ငံရေးသမားအတော်များ⁠များမှာ ၎င်းကို ဆက်ခံရန်ဆန္ဒရှိခဲ့ ကြသည်။ တသက်လုံးဒီမိုကရေတစ်ပါတီ ကိုထောက်ခံလာသော ဘလွန်းဘတ်သည် မြို့တော်ဝန်အဖြစ် အရွေးခံရန်ဆုံးဖြတ်လိုက်ချိန်တွင် ရီပတ်ဘလစ်ကန် တည်းဟူသော ဖဲကိုထုတ်၍ ကစားခဲ့သည်။ Primary အဆင့်ရွေးကောက်ပွဲမှာ ၂၀⁠၀၁ ခုနှစ်စက်တင်ဘာ ၁၁ နေ့ တွင်ဖြစ်ရာထို Primary ကို ရွေ့ဆိုင်းခဲ့ရသည်။ ဆိုင်းထားသော Primary ကို ပြန်လည်ကျင်းပချိန်တွင် ဟာမန် ဘတ်ဒ်လိုကို ဘလွန်းဘတ်က အနိုင် ရခဲ့သည်။ ရီပတ်ဘလစ်ကန်ပါတီတွင်း၌ လူရွေးချယ်မှုပြီးသွားချိန်တွင် ဒီမိုကရတ်တို့၏ လူရွေးသော အခါ ဒီမိုကရေတစ်ပါတီမှ မြို့တော်ဝန်ရာထူးကို ပြိုင်မည့်သူမှာ အစိုးရရှေ့နေ မတ်ခ်ဂျေ ဂရင်း ဖြစ်လာခဲ့သည်။

ဘလွန်းဘတ်မှာ ဆင်းရဲမွဲတေမှုတိုက်ဖျက်ရေးကို များစွာစေတနာထက်သန်သူဖြစ်ပြီး ဆင်းရဲချမ်းသာကွာဟ ချက် ကျယ်ပြောနေခြင်းကိုလည်း စိုးရိမ်သူဖြစ်သည်။ ဆင်းရဲတဲ့သူတွေနဲ့ချမ်းသာတဲ့လူတွေကြားက ဓနကွာဟမှုကျယ်သ ထက်ကျယ်လာတဲ့ နည်းမျိုးစုံနဲ့ကျွန်တော်တို့ဖွံ့ဖြိုးအောင် လုပ်ခဲ့ကြတယ်။ ဒီလိုပုံစံ နှင့် ကျွန်တော်တို့ဆက်သွားလို့ မဖြစ်တော့ဘူးလို့၎င်းကဆိုသည်။

 

 

ဘလွန်းဘတ်သည် မြို့တော်ဝန်အဖြစ် ၂၀⁠၀၇ ပထမလေးလအတွင်း ဗြိတိန်၊ အိုင်ယာလန်နှင့် အစ်စရေးတို့သို့သွား ရောက်ခဲ့သည်။ ၂၀⁠၀၇ နှောင်းပိုင်းတွင် အာရှခရီးစဉ်ကို စတင်ခဲ့ကာ တရုတ်သို့လည်း ရောက်ရှိခဲ့သည်။ တရုတ်သို့ ရောက်ရှိနေစဉ်အတွင်း တီထွင်ဖန်တီးမှုများအတွက် လွတ်လပ်သောသတင်း အချက်အလက်များ စီးဆင်းမှုလိုအပ်ကြောင်း ဘလွန်းဘတ်က ဆော်ဩခဲ့သေးသည်။ ထို့နောက် ဘာလီ တွင်ကျင်းပနေသော ကုလသမဂ္ဂရာသီဥတု ညီလာခံသို့လည်း တက်ရောက်ခဲ့သည်။

မြို့တော်ဝန်ဘလွန်းဘတ်က အထွေထွေနိုင်ငံတကာရေးရာ ကိစ္စအဝဝကို အကြံဉာဏ်ပေးနိုင်သည့် ထိပ်တန်းနိုင်ငံ ခြားရေးကျွမ်းကျင်သူများ ခေါ်ယူထားသည်။

 

 

 

ဘလွန်းဘက်ဂ် သည် ၂၀⁠၀၉ နိုဝင်ဘာတွင် နောက်တစ်ကြိမ် ပြန်လည် အရွေးမခံရစေရန် ဥပဒေများနှင့် ကန့်သတ်ခံခဲ့ရသည်။ ဘလွန်းဘက်ဂ် အနေနှင့် မြို့တော်ဝန်သက်တမ်းကုန်တာနဲ့တပြိုင်နက် ပရဟိတလုပ်ငန်းဘဝထဲကို ပြန်ဝင်မည်ဟု စိတ်ကူးထားကြောင်း မည်သို့ပင် ထပ်ခါတလဲလဲ ပြောစေကာမူ ယင်းအဖြစ်အပျက်သည် သူ၏ နိုင်ငံရေး အနာဂါတ် အလားအလာများနှင့် ပက်သက်၍ ထင်ကြေး အမျိုးမျိုးကို ဖြစ်ပေါ်စေခဲ့သည်။ ထို ရည်မှန်းချက် ပြည့်မှီရန်အတွက် သူသည် နယူးယောက် Manhattanအရှေ့ အပေါ်ပိုင်းရှိ နောက်ပိုင်းဋ်ဌာနရုံးများ ဖြစ်လာမည့် သူစီစဉ်ထားသော ဖောင်ဒေးရှင်းအတွက် Stuyvesant Fish မှ အဓိက တာဝန်ယူ တည်ဆောက်သည့် အဆောက်အအုံများအတွက် ၄၅ မီလီယံ ပေးချေခဲ့သည်။

 

 

၂၀⁠၀၈ ဖေဖော်ဝါရီ ၂၇ နေ့တွင် ၂၀⁠၀၈ သမ္မတရာထူးအတွက် ဝင်ရောက်ယှဉ်ပြိုင်အရွေးခံခြင်းပြုလုပ်မည်မဟုတ် ကြောင်းနှင့် ဘက်မလိုက်သည့် လမ်းစဉ်နှင့် တသီးပုဂ္ဂလအမတ်လောင်း တယောက်ကို ထောက်ခံမည်ဖြစ်ကြောင်း ကြေငြာခဲ့သည်။ ၂၀⁠၀၇ ဒီဇင်ဘာ ၃၁ နေ့တွင် Dick Clark's New Year's Rockin' Eve TV show မှ သူသည် ၂၀⁠၀၈ သမ္မတရာထူးအတွက် ဝင်ရောက်ယှဉ်ပြိုင်မည်မဟုတ်ကြောင်း မပြတ်သားမရေရာစွာဖြင့် ကြေငြာထားချက်ကို တိုက်ရိုက် ထုတ်လွှင့်ခဲ့သည်။

ယခင် ထုတ်ပြန်ခဲ့သော ပြည်သူလူထု သို့ ထုတ်ပြန်ချက်များတွင် ဘလွန်းဘက်ဂ် ကသမ္မတ ရွေးကောက်ပွဲ တွင် ဝင်ရောက်ယှဉ်ပြိုင်ရန် စီစဉ်ထားခြင်း မရှိဟု ငြင်းနေခဲ့သော်လည်း များစွာသော ဝေဖန်ရေးသမားများက ဘလွန်းဘက်ဂ် သည် အနီးကပ်မှ ဝင်ရောက် ယှဉ်ပြိုင်ရန် ကြေငြလိမ့်မည်ဟု ၎င်းတို့ ယုံကြည်လောက်စရာ စည်းရုံးရေးဆင်း အဖြစ်အပျက်များ ကို ကိုးကား၍ ဝေဖန်ကြသည်။

 

 

 

 

၂၀⁠၀၈ ဇန်နဝါရီ မှာ CNN က ဘလွန်းဘက်ဂ် နဲ့အလွန်နီးစပ်တဲ့ အသိုင်းအဝိုင်းမှ မြို့တော်ဝန်ဟာ သမ္မတ အဖြစ်အရွေးချယ်ခံ ရဖို့ နိုင်ခြေ ဘယ်လောက်ရှိကြောင်း သုတေသန ပြုလုပ်ခဲ့ပြီးဖြစ်သည် ဟု သတင်းရရှိခဲ့သည်။ ယင်း မှ ဆက်လက်ပါရှိသည်မှာ မည်သည့် သတင်းအရင်းအမြစ်ကမှန်း မသေချာသည့် သတင်းတစ်ခုမှ ဖော်ပြသည်မှာ ဘလွန်းဘက်ဂ် သည် မတ်လ အစောပိုင်းကာလကို ရွေးကောက်ပွဲ ဝင်မည် (သို့) မဝင်မည် ဆုံးဖြတ်သည့် ကာလ အဖြစ် အချိန်ဇယားထဲ ထည့်သွင်းခဲ့ ကြောင်း သိရှိရသည်။ ၂၀⁠၀၈ ဇန်နဝါရီ ၁၆ တွင် ဘလွန်းဘက်ဂ် ၏ စီးပွားရေး လုပ်ငန်းများ ကို သမ္မတ ဝင်ရောက်အရွေးခံရန် အလားအလာကြောင့် “မျက်ကန်းယုံကြည်ခြင်းများ” နှင့် ပြုလုပ်နေခဲ့ကြောင်း လည်း ဖော်ပြပါရှိသည်။ ဘလွန်းဘက်ဂ် သည် ၎င်း၏ လုပ်ငန်း စီမံမှုများကို ဆက်လက်ထိန်းချူပ်ရန်လိုအပ်ပြီး ရင်းနှီးမြှပ်နှံမှု ဆိုင်ရာ ဆုံးဖြတ်ချက်တစ်ချို့ကို ပြုလုပ်ရအုံးမည် ဖြစ်သော်လည်း သူငယ်ချင်းဖြစ်သူ Steven Rattner နှင့်အတူ တည်ထောင်ထားသည့် လေးဘက်ဆိုင် အုပ်စု (Quadrangle Group) ၏ လက်အောက်သို့ ပို့ထားခဲ့ကြောင်း သတင်းရရှိခဲ့သည်။

 

 

 

ဘလွန်းဘက်ဂ် က ၂၀၁ဝ တွင် အုပ်ချုပ်သူအဖြစ် ဝင်ရောက်ယှဉ်ပြိုင်အရွေးခံရန် အစီအစဉ်မရှိကြောင်း ငြင်းဆိုခဲ့ပြီး အဆိုပြုခြင်းခံရဖို့အတွက် လူမသိအောင် အားထုတ်ကြိုးပမ်းမှုများ ပြုလုပ်ခဲ့သည်။

 

 

၂၀၁ဝ မတ်လတွင် ဘလွန်းဘက်ဂ် ၏ ထိပ်တန်းနိုင်ငံရေးနည်းဗျူဟာမှူး Kevin Sheekey သူ၏ မြို့တော်ဝန်အကြံပေး အရာရှိရာထူးနေရာမှ နုတ်ထွက်ခဲ့ပြီး ဘလွန်းဘက်ဂ် ပိုင်ဆိုင်သည့် ဘလွန်းဘက်ဂ် LP Company တွင် ပြန်လည် ဝင်ရောက်လုပ်ကိုင်ခဲ့သည်။ “၂၀၁၂ ရွေးကောက်ပွဲတွင် ဘလွန်းဘက်ဂ် သမ္မတရာထူးရရှိရေးအတွက် စည်းရုံးလှုပ်ဆော်မှုပြုလုပ်ရန် ပမာဏကြိုးစား အားထုတ်မှုကို စတင်ရန်အတွက် ခွင့်ပြုခဲ့ခြင်းဖြစ်သည်” ဟု ထင်မြင်ယူဆကြသည်။

ပုဂ္ဂိုလ်ရေးအရ မေးမြန်းမှုကို ဘလွန်းဘက်ဂ် က “ ရှေ့ကိုဆက်လက်လုပ်ဆောင်ဖို့စိတ်ကူးအကြံအစည်ကတော့ သူစိတ်ထဲမှာ သိပ်အဝေးကြီးမဟုတ်ဘူး” လို့ပြောကြားခဲ့သည်။

၂၀၁ဝ အောက်တိုဘာတွင် …. ၂၀⁠၀၈ ခုနှစ်သမ္မတ ရွေးကောက်ပွဲအတွက် Michael ဘလွန်းဘက်ဂ် အား အထူးရွေးချယ်ခဲ့သော ကော်မတီသည် ၂၀၁၂ သမ္မတ ရွေးကောက်ပွဲတွင်လည်း ဝင်ရောက်ယှဉ်ပြိုင်ရန် ဘလွန်းဘက်ဂ် အား ဆွဲဆောင်စည်းရုံးနိုင်ခဲ့ကြောင်း ကြေငြာခဲ့သည်။ ကော်မတီဝင်များက ဘလွန်းဘက်ဂ် သည် ရွေးကောက်ပွဲ စိတ်ဝင်စားမှု မရှိဘဲ အကြိမ်ကြိမ် ငြင်းဆိုခဲ့သော်လည်း ဇွဲမလျှော့ပဲ အတင်းအကြပ် တောင်းဆိုခဲ့သည်။

[[Category:အတ္ထုပ္ပတ္တိ]]

[[Category:သန်းကြွယ်သူဌေးများ]]