ကရိုင်းရှပ် (အင်္ဂလိပ်: crankshaft, crank-shaft) ဆိုသည်မှာ အင်ဂျင်၏ အစိတ်အပိုင်းတစ်ခုဖြစ်ပြီး အထက်အောက် ရွေ့လျားနေသော ပစ်စတင်တို့၏ ရွေ့လျားမှုကို လည်ပတ်မှု အဖြစ် ပြောင်းလဲ ပေးခြင်းအားဖြင့် ဘီးတို့ကို လည်ပတ်စေရန် အထောက်အကူပေးသော ကိရိယာပင် ဖြစ်သည်။ အထက်အောက် ရွေ့လျားမှုကို လည်ပတ်မှု အဖြစ်ပြောင်းလဲရန် အတွက် ကရိုင်းရှပ်တွင် ကရိုင်းပင် များ ရှိပြီး ဝင်ရိုးနှင့် တဖြောင့်တည်း အနေအထားတွင် ရှိမနေသော ဘယ်ရင် မျက်နှာပြင် အပိုများ ပါရှိသည်။ ထိုမျက်နှာပြင်ကို ပစ်စတင်မှ စလင်ဒါ တစ်ခုချင်းစီ၏ ကော်နက်တင်း ရော့ဒ် တို့၏ အဆုံးတစ်ဘက်ဖြင့် တွဲချိတ်ထားသည်။

ကရိုင်းရှပ် (အနီရောင်)၊ ပစ်စတင်များ(မီးခိုရောင်)၊ စလင်ဒါများ (အပြာရောင်)၊ ဖလိုင်းဝှီး (အနက်ရောင်)

ပုံမှန်အားဖြင့် ကရိုင်းရှပ်များကို ဖလိုင်းဝှီးဖြင့် တွဲချိတ်ထားသည်။ အကြောင်းမှာ စလင်ဒါများ၏ ရွေ့လျားမှုသည် မချောမွေ့ပဲ တဆတ်ဆတ် တုန်ခါနေသောကြောင့် ပင်ဖြစ်သည်။