ဗီးနပ်စ် (ဒဏ္ဍာရီ)
ဗီးနပ်စ် (/ˈviːnəs/, ဂန္ထဝင်လက်တင်စာပေ /ˈwɛnʊs/) သည် ချစ်မေတ္တာ ၊ အလှအပတရား ၊ လိုအင်ဆန္ဒ ၊ မေထုန် ၊ မျိုးအောင်ခြင်း ၊ တိုးတက်ကြီးပွားခြင်း နှင့် အောင်ပွဲတို့ကို ဆောင်ကြဉ်းသော ရောမဒေဝီ တပါး ဖြစ်သည်။ ရောမဒဏ္ဍာရီ အရ ရောမတိုင်းသားတို့၏ ဘိုးဘေးဘီဘင်ဖြစ်ပြီး သူမ၏သားမှာ ထရွိုင်မြို့ကျဆုံးရာတွင် လွတ်မြောက်ပြီး အီတလီသို့ ထွက်ပြေးသည့် အေးနိယစ် ဖြစ်သည်။ ဂျူးလိယက်စ်ဆီဇာက သူမအား ၎င်း၏ ဘိုးဘေးဘီဘင်အဖြစ် ပြောဆိုသည်။ ဘာသာရေးပွဲတော်များစွာတွင် အဓိကကျသည့်နေရာမှပါဝင်ကာ ရောမဘာသာရေး ဂိုဏ်းအမျိုးမျိုးတို့၏ အလေးအမြတ် ပြုခြင်းခံရသည်။
| ဗီးနပ်စ် | |
|---|---|
Goddess of love, beauty, desire, sex, fertility and prosperity | |
| Dii Consentes အဖွဲ့ဝင် | |
 Venus on seashell, from the Casa della Venere in conchiglia, Pompeii. Before AD 79. | |
| သင်္ကေတများ | rose, common myrtle |
| နေ့ရက် | Friday (dies Veneris) |
| ပွဲတော်များ | Veneralia Vinalia Rustica Vinalia Urbana |
| ကိုယ်ရေး အချက်အလက် | |
| မိဘများ | Born of sea foam |
| ကြင်ရာတော် | Mars and Vulcan |
| ကလေး | Cupid, Aeneas |
| ဂရိ | အဲဖရာဒိုက်တီ |
ရောမတိုင်းသားတို့က ရောမအနုပညာနှင့် လက်တင်စာပေများအတွက် အဆင့်တူ ဂရိဒေဝီ အဲဖရာဒိုက်တီ၏ ဒဏ္ဍာရီနှင့် ရုပ်ပုံအမှတ်အသားများအား မှီငြမ်းခဲ့သည်။ နှောင်းခေတ် အနောက်တိုင်းဂန္ထဝင်ရိုးရာတွင် ဂရိ-ရောမ ဒဏ္ဍာရီ (ဂန္ထဝင်ဒဏ္ဍာရီ) လာ ချစ်မေတ္တာနှင့်မေထုန် ဒေဝီနတ်ဘုရားမအဖြစ် အများဆုံးညွှန်းဆိုခံရသည်။