သူစိမ်းအိမ်

သူစိမ်းအိမ်ရုပ်ရှင်သည် ၂၀၁၉ခုနှစ်က ရုံတင်ပြသခဲ့သော မြန်မာရုပ်ရှင်ကားတစ်ကားဖြစ်သည်။ ဒါရိုက်တာထူးပိုင်ဇော်ဦး၏ ဒုတိယမြောက်ရုပ်ရှင်ကားဖြစ်ပြီး လွင်မိုး၊ ရှိန်း၊ ချာလီ၊ ထွန်းအိန္ဒြာဗို၊ လင်းဇာနည်ဇော်၊ ဖွေးဖွေး၊ မြတ်နိုးအေးတို့က အဓိကသရုပ်ဆောင်ထားသည်။ဤဇာတ်ကားတွင် စိတ္တဇဇာတ်ကွက်များ ပါဝင်သဖြင့် အသက်၁၃နှစ်အောက်ကလေးများကြည့်ရန်မသင့်ကြောင်း သတ်မှတ်ထားသည်။ ဇာတ်လမ်းတစ်ခုလုံး ပရိသတ်များအား သည်းထိတ်ရင်ဖိုဖြစ်စေကာ စိတ်ဝင်စားဖွယ် ရိုက်ချက်၊ ပြကွက်၊ မြှပ်ကွက်များဖြင့် ဆွဲဆောင်ထားသော ဇာတ်ကားတစ်ကားဖြစ်သည်။

သူစိမ်းအိမ်
အခြေခံအချက်အလက်
ဒါရိုက်တာ	ထူးပိုင်ဇော်ဦး
စာရေးသူ	ခမ်းမွန်
သရုပ်ဆောင်	လွင်မိုး ရှိန်းတင်ထူး ချာလီ ဂျိုကာ ထွန်းအန္ဒြာဗို လင်းဇာနည်ဇော် ဖွေးဖွေး မြတ်နိုးအေး ကူးကူးဇင်အောင်
နိုင်ငံ	မြန်မာ
ဘာသာစကား	မြန်မာ
အမျိုးအစားခွဲခြင်းနှင့် ဖြန့်ဖြူးခြင်း
ဖြန့်ချိသည့်နေ့	ဩဂုတ် ၂၀၁၉ (၂၀၁၉-၀၈)

အနှစ်ချုပ်

မန္တလေးတွင်နေသော နွေဦးနှင့် ကေသီတို့သည် ရန်ကုန်သို့အလည်လာစဉ် အခြေအနေအရ သူငယ်ချင်းဖြစ်သူ မြ၏အိမ်သို့ ရောက်ရှိသွားသည်။ အစပိုင်းတွင် ပျော်ရွှင်စရာ အိမ်အဖြစ်မြင်တွေ့ရသော်လည်း နောက်ပိုင်းတွင် ချောက်ချားစရာများဖြစ်လာပြီး ထိုအိမ်မှာ စိတ္တဇအိမ်ဖြစ်ကြောင်းသိလာခဲ့ရသည်။ သို့​သော် ထိုအခါတွင် အချိန်နှောင်းသွားပြီဖြစ်သည်။

ရိုက်ကူးခြင်း

စိတ္တဇမိသားစု

• ဦးနေအောင်အဖြစ် လွင်မိုး - မြ၏ဖခင်ဖြစ်ကာ ရတနာဆိုင် ပိုင်ရှင်
• ဒေါ်ရင်ရင်အဖြစ် ထွန်းအိန္ဒြာဗို - မြ၏မိခင်
• မြအဖြစ် ကူးကူးဇင်အောင် - ရန်ကုန်တွင်နေထိုင်ကာ လူမှုကွန်ယက်တွင် လူသိပ်သိမခံသော နွေဦး၏ သူငယ်ချင်း
• အိမ်နီးချင်းအဖြစ် ဂျိုကာ

နွေဦးပတ်ဝန်းကျင်မှလူများ

• နွေဦး အဖြစ် ဖွေးဖွေး- မိခင်သေဆုံးသွားပြီး ဖခင်၏ အချိန်ပေးခြင်းမခံရသော မိန်းကလေးတစ်ဦးဖြစ်ကာ ရန်ကုန်တွင် ရည်းစားရှိသူ
• မျိုးသစ် အဖြစ် ချာလီ- နွေဦး၏ ရည်းစား
• ကေသီ အဖြစ် မြတ်နိုးအေး - နွေဦး၏ သူငယ်ချင်း
• ရှိန်းအဖြစ် ရှိန်းတင်ထူး - မျိုးသစ်၏ သူငယ်ချင်း