ကဘူးလ်မြို့ ကျရှုံးခြင်း (၂၀၂၁)

အာဖဂန်နစ္စတန်နိုင်ငံ၏ မြို့တော် ကဘူးလ်သည် အလွန်တရာတင်းကျပ်သော အစ္စလာမ်ဘာသာရေးအဖွဲ့ဖြစ်သည့် တာလီဘန်တို့ လက်အောက်သို့ ၂၀၂၁ ဩဂုတ် ၁၅ တွင် ကျရောက်ခဲ့ရသည်။ အာဖဂန်အစိုးရကို ၂၀၂၁ မေတွင် စတင်တိုက်ခိုက်ခဲ့သော တာလီဘန်တို့၏ စစ်ရေးဆိုင်ရာ အဆုံးသတ်ရလဒ်လည်းဖြစ်သည်။ အစိုးရအဖွဲ့၏ သမ္မတ အရှရာ့ဖ် ဂါနီသည် တိုင်းပြည်မှ ထွက်ပြေးတိမ်းရှောင်ခဲ့ပြီး နာရီများစွာ အကြာ၌ မြို့တော်သည် သိမ်းပိုက်ခြင်းခံခဲ့ရသည်။ အမေရိကန်တပ်များ အာဖဂန်မှ ရုပ်သိမ်းခြင်း ဆောင်ရွက်နေစဉ်တွင်ပင် အာဖဂန်နိုင်ငံပြည်နယ်များ၏ မြို့တော်များ တစ်မြို့ပြီး တစ်မြို့ ကျရှုံးခဲ့ရ၍ အမေရိကန်တပ်များ ရုပ်သိမ်းခြင်းသည် ၂၀၂၁ ဩဂုတ်လ ၃၁ တွင် အပြီးသတ်မည်ဖြစ်သည်။

ကဘူးလ်မြို့ ကျရှုံးခြင်း
အာဖဂန်နစ္စတန် စစ်ပွဲ (၂၀၀၁–၂၀၂၁)၏ တစ်စိတ်တစ်ပိုင်း
ရက်စွဲ ၂၀၂၁ ဩဂုတ် ၁၅ နေရာ ကဘူးလ်မြို့, အာဖဂန်နစ္စတန်နိုင်ငံ အခြေအနေ တာလီဘန်တို့ အနိုင်ရခြင်း တာလီဘန်တို့ ကဘူးလ်ကို သိမ်းပိုက်ခြင်း သမ္မတ အရှရာ့ဖ် ဂါနီသည် တာဂျစ်ကစ္စတန်နိုင်ငံသို့ ထွက်ပြေးခြင်း နိုင်ငံခြားသံရုံးများ ပြောင်းရွှေ့ခြင်း
စစ်ရင်ဆိုင်သည့် နိုင်ငံများ
Taliban Islamic Emirate of Afghanistan	Afghanistan စစ်ရေးဆိုင်ရာ ထောက်ပံ့မှုမရှိ: အမေရိကန် ယူနိုက်တက်ကင်းဒမ်း
တပ်မှူးများနှင့် ခေါင်းဆောင်များ
Hibatullah Akhundzada Abdul Ghani Baradar Suhail Shaheen	Ashraf Ghani Hebatullah Alizai Joe Biden Mark Milley
ပါဝင်သည့် တပ်ဖွဲ့များ
မသိရ	Afghan National Security Forces (ANSF) Afghan National Army 201st Corps (Afghanistan)

လက်ရှိတွင် တာလီဘန်ကိုယ်စားလှယ်အဖွဲ့နှင့် အာဖဂန်အစိုးရအရာရှိများ တွေ့ဆုံဆွေးနွေးလျက် ရှိကြသည်။ သို့သော် အစိုးရအဖွဲ့၏ အကြွင်းမဲ့ အရှုံးပေးခြင်းသာ ဖြစ်နိုင်ချေရှိသည်။ ငြိမ်းချမ်းစွာ အာဏာလွှဲအပ်ခြင်းကို တာလီဘန်များက တောင်းဆိုထား၍ အစိုးရကလည်း လိုက်နာဆောင်ရွက်မည်ဟု ကြေညာထားလေ၏ ။ အစိုးရက နိုင်ငံရေးအာဏာကို ယခင်ဝန်ကြီးတစ်ဦး ဦးဆောင်သော ကြားဖြတ်အစိုးရဖွဲ့စည်း၍ လွှဲရန် တောင်းဆိုမှုပြုထားသော်လည်း တစ်ဖက်တွင် တာဘီဘန်များက ယင်းတောင်းဆိုမှုကို ငြင်းဆိုထားပြီး အာဏာကို ၎င်းတို့ဆီသို့သာ အပြည့်အဝလွှဲပေးရန် စိတ်ဆန္ဒရှိသည်။ နေတိုးတပ်ဖွဲ့ဝင်များသည် ကဘူးလ်မြို့၌ တည်ရှိနေကြသေးသည်။