ကိုကိုကြီး (စီးပွားရေးလုပ်ငန်းရှင်)
ဦးကိုကိုကြီး(ခ)ဦးစိုးနိုင် (၁၉၆၃ဖွား) [၁] သည် တရုတ်နွယ်ဖွား မြန်မာစီးပွားရေးလုပ်ငန်းရှင်တစ်ဦး ဖြစ်သည်။သူသည် အထက်မြန်မာပြည် တရုတ်ကုန်သည်ကြီးများအသင်း၏ ဥက္ကဋ္ဌ လည်းဖြစ်သည့်အပြင် [၂] မြန်မာနိုင်ငံသားများဘဏ် ၏ ရှယ်ယာအများဆုံးကို ပိုင်ဆိုင်ထားသည်။[၃] သူ၏ အဓိကစီးပွားရေးမှာ အစားအသောက်၊ လက်လီ၊ အိမ်ခြံမြေ၊ ကျန်းမာရေးနှင့် ငွေကြေးဆိုင်ရာ ဝန်ဆောင်မှုများ ဆောင်ရွက်နေသော Capital Diamond Star Group ဖြစ်သည်။ [၄]
| ကိုကိုကြီး | |
|---|---|
| မွေးဖွား | ၁၆ ဒီဇင်ဘာ၊ ၁၉၆၃ မန္တလေး |
| နိုင်ငံလူမျိုး | မြန်မာ |
| အခြား အမည်များ | စိုးနိုင် |
| မိခင်ကျောင်း | မန္တလေးဒေသကောလိပ် ၊ မန္တလေးဆေးတက္ကသိုလ် |
| အလုပ်အကိုင် | စီးပွားရေးလုပ်ငန်းရှင် |
| ကျော်ကြားမှုအရင်းခံ | Capital Diamond Star Group ဥက္ကဋ္ဌ |
| အိမ်ထောင်ဖက်(များ) | ဒေါ်မိုးမိုး |
| သားသမီး | သားသမီး ၃ဦး |
ငယ်ဘဝနှင့်ပညာရေး
ပြင်ဆင်ရန်ဖခင်ဖြစ်သူ လီစိန်ကြည် (ခ) ဦးစိန်မြင့် နှင့် မိခင်ဖြစ်သူ ဒေါ်စန်းကြူ [၅] တို့က မန္တလေးမြို့ တွင် သူ့အား မွေးဖွားသည်။မွေးချင်း ၄ဦး အနက် အငယ်ဆုံးသား ဖြစ်သည်။ ၁၉၇၉ ခုနှစ်တွင် မန္တလေးမြို့ အမှတ် ၉ အခြေခံပညာအထက်တန်းကျောင်း မှ ဆယ်တန်းအောင်သည်။၁၉၈၂ ခုနှစ်တွင် မန္တလေးဒေသကောလိပ် ပြီးဆုံးကာ မန္တလေးဆေးတက္ကသိုလ် မှ ၁၉၈၇ ခုနှစ် တွင် ဆရာဝန်ဘွဲ့ ရသည်။ [၆]
စီးပွားရေးလောကသို့ဝင်ရောက်လာပုံ
ပြင်ဆင်ရန်သူသည် မိဘများ၏ ကြွယ်ဝချမ်းသာမှုကို အခြေခံပြီး မိသားစုစီးပွားရေးမှ တဆင့် စီးပွားရေးလောကထဲ သို့ ၁၉၉၆ ခုနှစ်က စပြီး ဝင်ရောက်လာသည်။သူသည် ၁၉၉၆ ခုနှစ် တွင် ဒုံးပျံဂျုံမုန့် မှတဆင့် ဓာတ်မြေဩဇာ၊ ဆောက်လုပ်ရေး၊ Capital ဈေးဝယ်စင်တာ၊ g&g စတိုးဆိုင် နှင့် ဘဏ်လုပ်ငန်းများ အထိ လုပ်ငန်းများ ချဲ့ထွင်ခဲ့သည်။ သူသည် ယခင်တပ်မတော်အစိုးရအဖွဲ့ မှ စစ်ဗိုလ်ချုပ် အချို့ အပါအဝင် အုပ်ချုပ်သူအဆက်ဆက် နှင့် ရင်းနှီးကျွမ်းဝင်အောင် နေထိုင် [၇] ဆောင်ရွက်ခဲ့သူဖြစ်သည်။ သမ္မတ ဦးသိန်းစိန် ၏ အမျိုးသားစီးပွားရေးနှင့်လူမှုအကြံပေးကောင်စီတွင်လည်း အကြံပေးအဖွဲ့ဝင် အဖြစ် ၂၀၁၂ခုနှစ် မှ ၂၀၁၆ မတ်လ အထိ ခန့်အပ်ခြင်း ခံရသည်။[၈] သူသည် ၂၀၁၁ ခုနှစ် ဖေဖော်ဝါရီလ ၂၄ ရက်က ပြုလုပ်ခဲ့သော အစိုးရ၏ အဆောက်အအုံနှင့် မြေကွက်အများဆုံး ရောင်းချသော လေလံတွင် စမ်းချောင်းမြို့နယ် ဗားကရာလမ်း ရှင်စောပုရပ်ကွက်ရှိ ပဒုမ္မာကဇာတ်ရုံကို ကျပ်သန်းပေါင်း ၅၆,၀၀၀ ကျော်ဖြင့် လေလံအောင်ခဲ့သည်။ သို့သော် ထိုစဉ်အခါက အစိုးရက ပဒုမ္မာကဇာတ်ရုံကို ပုဂ္ဂလိကသို့ မပေးတော့ဘဲ လေလံကို ပြန်လည်ပယ်ဖျက်ခဲ့သည်ဟု ဆိုသော်လည်း[၉] ၂၀၁၅ တွင်မူ အရောင်းအဝယ်စာချုပ်ကို ခွင့်ပြုပေးခဲ့သည်။ သူသည် ၂၀၂၀ ခုနှစ်တွင် ထိုမြေနေရာအား ဂရမ်လျှောက်သည်။ [၁၀]
၂၀၂၁ နောက်ပိုင်းဖြစ်ရပ်များ
ပြင်ဆင်ရန်၂၀၂၁ စစ်အာဏာသိမ်းပြီးနောက်ပိုင်း သူအဓိကပိုင်ဆိုင်သည့် မြန်မာနိုင်ငံသားများဘဏ် က ကျပ်သန်းပေါင်း ၅၀၀၀တန်ဖိုးရှိ ငွေတိုက်စာချုပ်များ ဝယ်ယူခဲ့ရာ လူထုပိုက်ဆံဖြင့် စစ်ကောင်စီ ဘဏ္ဍာတိုက်ကို ဖြည့်ပေးနေသည့် ဘဏ်လုပ်ငန်းရှင်သူဌေးတစ်ဦး အဖြစ် ပုံဖော် ဝေဖန်ခြင်းခံရသည်။ [၁၁] [၁၂]
ရရှိခဲ့သော ဆုတံဆိပ်များ
ပြင်ဆင်ရန်သူဦးဆောင်သည့် Capital Diamond Star Group သည် ၂၀၁၄ ခုနှစ်တွင် ကမ္ဘာ့စီးပွားရေးဖိုရမ်မှ ကမ္ဘာလုံးဆိုင်ရာ တိုးတက်မှုကုမ္ပဏီအဖြစ် ရွေးချယ်ခံခဲ့ရသည်။[၁၃]
မိသားစုဘဝ
ပြင်ဆင်ရန်သူသည် အိမ်ထောင်သည်တစ်ဦးဖြစ်ပြီး ဇနီးဖြစ်သူမှာ ဒေါ်မိုးမိုး ဖြစ်ကာ နှင်းရတနာဦး၊ဟိန်းထက်နှင့်ဇွဲလင်းထက် ဆိုသည့် သားသမီး(၃)ဦး ရှိသည်။
ကိုးကား
ပြင်ဆင်ရန်- ↑ U Ko Ko Gyi,Group Managing Director,Capital Diamond Star GroupInterviewMyanmar။ oxfordbusinessgroup။ 14 November 2023 တွင် ပြန်စစ်ပြီး။
- ↑ UMCCG Members။ Upper Myanmar Chinese Chamber of Commerce။ 18 December 2014 တွင် မူရင်းအား မော်ကွန်းတင်ပြီး။ 14 November 2023 တွင် ပြန်စစ်ပြီး။
- ↑ ဒါရိုက်တာအဖွဲဝင်များ မြန်မာနိုင်ငံသားများဘဏ် လီမီတက်။ Myanmar Citizens Bank။ 14 November 2023 တွင် ပြန်စစ်ပြီး။
- ↑ Capital Diamond Star Group။ Capital Diamond Star Group။ 14 November 2023 တွင် ပြန်စစ်ပြီး။
- ↑ သဒ္ဓါကြည်ဖြူ ကျောင်းဆောင်အလှူ။ ကွန်ရက်ပေါက်ဖော် (၁၅ ဒီဇင်ဘာ ၂၀၁၆)။ 14 November 2023 တွင် မူရင်းအား မော်ကွန်းတင်ပြီး။ ၁၄ နိုဝင်ဘာ ၂၀၂၃ တွင် ပြန်စစ်ပြီး။
- ↑ U Ko Ko Gyi။ Mandalay International Trade Fair and Business Forum 2020 (2020)။ 14 November 2023 တွင် မူရင်းအား မော်ကွန်းတင်ပြီး။ 14 November 2023 တွင် ပြန်စစ်ပြီး။
- ↑ ဖခင်ကွယ်လွန်မှုအပေါ်ပြည်ထောင်စုဝန်ကြီးများ၏ဝမ်းနည်းကြေကွဲဖော်ပြမှုများ။ မြန်မာ့အလင်းသတင်းစာပါ နာရေးစာမျက်နှာ၂၃ (၂၅ စက်တင်ဘာ ၂၀၁၄)။ ၁၄ နိုဝင်ဘာ ၂၀၂၃ တွင် ပြန်စစ်ပြီး။
- ↑ သမ္မတဦးသိန်းစိန် အကြံပေး ကောင်စီ ဖွဲ့စည်းရန်ပြင်ဆင်။ RFA Burmese (၂၆ မေ ၂၀၁၂)။ ၁၄ နိုဝင်ဘာ ၂၀၂၃ တွင် ပြန်စစ်ပြီး။
- ↑ ကမ္ဘာကျော်ပက်ပ်စီအချိုရည် တစ်ဦးတည်း ဖြန့်ဖြူုးရောင်းချခွင့် ဒိုင်းမွန်းစတားကုမ္ပဏီရရှိ။ မြန်မာ့သားကောင်း (၁၅ ဩဂုတ် ၂၀၁၂)။ ၁၇ နိုဝင်ဘာ ၂၀၂၃ တွင် ပြန်စစ်ပြီး။
- ↑ ပဒုမ္မာဇာတ်ရုံနေရာကို Capital Development ကုမ္ပဏီအမည်ပေါက် ပိုင်ဆိုင်တော့မည်။ Myanmar Now (၁၆ ဇူလိုင် ၂၀၂၀)။ ၁၄ နိုဝင်ဘာ ၂၀၂၃ တွင် ပြန်စစ်ပြီး။
- ↑ ပုဂ္ဂလိကဘဏ်သူဌေးကြီးများ လူထုပိုက်ဆံဖြင့် စစ်ကောင်စီဘဏ္ဍာတိုက်ကို ဖြည့်ပေးနေ။ Myanmar Now (၁၇ ဇူလိုင် ၂၀၂၃)။ ၁၄ နိုဝင်ဘာ ၂၀၂၃ တွင် ပြန်စစ်ပြီး။
- ↑ ပြည်သူ့ငွေဖြင့် ပြည်သူ့အား သတ်ဖြတ်ရန် ပံ့ပိုးနေသည့် မြန်မာစစ်တပ်၏ ငွေတိုက်စာချုပ်။ Mekong News (၂၀ ဇူလိုင် ၂၀၂၃)။ ၁၄ နိုဝင်ဘာ ၂၀၂၃ တွင် ပြန်စစ်ပြီး။
- ↑ Capital Diamond Star Group receives honour from World Economic Forum။ consult-myanma (27 May 2014)။ 21 September 2020 တွင် မူရင်းအား မော်ကွန်းတင်ပြီး။ 14 November 2023 တွင် ပြန်စစ်ပြီး။