ကိုရီးယားဒဏ္ဍာရီ
ကိုရီးယားဒဏ္ဍာရီ (ကိုရီးယား: 한국 신화 / 韓國神話; အင်္ဂလိပ်: Korean mythology) သည် ကိုရီးယားကျွန်းဆွယ်ဒေသတွင် နှစ်ပေါင်းထောင်ချီကြာမြင့်စွာ နှုတ်မှုရေးရာ လက်ဆင့်ကမ်းသယ်ဆောင်လာခဲ့ကြသော ဇာတ်လမ်းပုံပြင်များဖြစ်သည်။[၁] ဤဇာတ်လမ်းပုံပြင်များကို ကမ္ဘာလောကဖန်တီးခြင်းဆိုင်ရာ ဒဏ္ဍာရီအကြောင်းအရာများနှင့် ဩကာသလောက၊ လူမှုလောကဆိုင်ရာ ဇာစ်မြစ်ဒဏ္ဍာရီအဖြစ်လည်း သတ်မှတ်နိုင်ကြသည်။ ကိုရီးယားဒဏ္ဍာရီဆိုင်ရာ အကြောင်းအရာများကို များသောအားဖြင့် ဒေသတစ်ခုအတွင်း၌သာ သတ်မှတ်ကြ၍ ထိုဒေသမှ ကျေးရွာ၊ မျိုးနွယ်စုများနှင့်သက်ဆိုင်ကြသည်။[၂]
အစောဆုံး ကိုရီးယားဒဏ္ဍာရီသည် ဗုဒ္ဓဘာသာ၊ ကွန်ဖြူးရှပ်ဝါဒ၊ တာအိုဘာသာ တို့ထက် ရှေးကျကာ ကိုရီးယားရိုးရာဘာသာတရားနှင့် နတ်အယူဝါဒ (နတ်ဝင်ခြင်း၊ နတ်ပူးခြင်း) တို့၌ အရိုးစွဲလျက် ရှိသည်။[၃] ထိုပူးကပ်သော နတ်များကို ပူဇော်ပသသော ရိုးရာဓလေ့များသည် ကိုရီးယားနတ်အယူဆိုင်ရာ ဒဏ္ဍာရီကို ပြန်လည်ပြောဆိုကြခြင်း၌ အဓိကအရေးပါကြသည်။[၂]
များစွာသော ရှေးဟောင်းကိုရီးယားနတ်အယူဝါဒသည် ဆင်ခြင်တုံတရားနှင့် လက်တွေ့သဘောတရားတို့ကို အလေးပြုသည့် ကွန်ဖြူးရှပ်ဝါဒထွန်းကားလာပြီးနောက် တိမ်ကောသွားခဲ့သည်။ ရှေးခေတ်အချိန်ကာလများမှစ၍ ယခုထိတည်ရှိနေသည်ဟု ယုံကြည်ထားသော ကိုရီးယားဒဏ္ဍာရီ အနည်းငယ်မျှကိုသာ ကွန်ဖြူးရှပ်ဝါဒနှင့် ဗုဒ္ဓဘာသာ ပညာရှင်များက မှတ်တမ်းပြုခဲ့ကြသည်။ ထိုပညာရှင်များက ၎င်းတို့၏ ကိုယ်ပိုင်ယုံကြည်မှုအတွင်း၌ ကိုက်ညီစေရန် ပြုပြင်ခဲ့ကြပေသည်။[၁]
ကိုးကား
ပြင်ဆင်ရန်ကိုးကားအညွှန်းများ
ပြင်ဆင်ရန်- ↑ ၁.၀ ၁.၁ Hwang၊ Pae-Gang (2006)။ Korean Myths and Folk Legends။ ဘာသာပြန်သူ Han၊ Young-Hie; Kim၊ Se-Chung; Chwae၊ Seung-Pyong။ Jain Publishing Company။ pp. x–xx။ ISBN 978-0895818560။
- ↑ ၂.၀ ၂.၁ The National Folk Museum of Korea (South Korea) (2004), pp. 21–23.
- ↑ Leeming (2005), p. 231.
ကိုးကားရင်းမြစ်
ပြင်ဆင်ရန်- Leeming၊ David (2005)။ The Oxford Companion to World Mythology။ Oxford University Press။ ISBN 978-0195156690။CS1 maint: ref=harv (link)
- The National Folk Museum of Korea (South Korea) (2004)။ Encyclopedia of Korean Folk Literature။ 길잡이미디어။ ISBN 978-8928900848။CS1 maint: ref=harv (link)
 | ဤ ဆောင်းပါးမှာ ဆောင်းပါးတိုတစ်ပုဒ် ဖြစ်သည်။ ဖြည့်စွက်ရေးသားခြင်းဖြင့် မြန်မာဝီကီပီးဒီးယားကို ကူညီပါ။ |