ကိုးသောင်းပုထိုးတော်ကြီး

ကိုးသောင်းပုထိုးတော်မှာ မြောက်ဦးမြို့ နန်းတော်ရာကုန်း၏ အရှေ့ဘက် တစ်မိုင်ခွဲခန့်အကွာတွင် တည်ရှိပြီး အေဒီ ၁၅၅၃-၁၅၅၆ ခုနှစ်အတွင်း ရခိုင်ဘုရင် မင်းတိက္ခာက တည်ထားခဲ့သော ပုထိုးတော်ကြီး ဖြစ်ပြီး ဘုရားဆင်းထုတော် (၉) သောင်း ကိန်းဝပ် စံပယ်နေသဖြင့် ကိုးသောင်း ဘုရား ပုထိုးတော်ကြီးဟု အမည် တွင်သည်။

ကိုးသောင်းပုထိုးတော်ကြီး
ကိုးသောင်းပုထိုးတော်ကြီး
မြန်မာနိုင်ငံတွင်း တည်နေရာ
အချက်အလက်များ
ကိုဩဒိနိတ်	20.59815°N 93.21097°E / 20.59815; 93.21097
ဘာသာရေး နှီးနွယ်မှု	ထေရဝါဒ
နိုင်ငံ	မြန်မာနိုင်ငံ
ဗိသုကာ
တည်ထောင်သူ	မင်းတိက္ခာ
ပြီးစီး	၁၅၅၄–၁၅၅၆

ရခိုင်ပြည်နယ် မြောက်ဦးမြို့တွင် ရှေးခေတ် တည်ထားကိုးကွယ်ခဲ့သော ကိုးသောင်းပုထိုးတော်ကြီးအား သျှစ်သောင်းပုထိုးတော်ကြီးတည်ထားသော ဘုရင်၏သားတော် ရခိုင်ဘုရင် မင်းတိက္ခာ တည်ထားခြင်းဖြစ်သည်။ ဖခင်တည်ထားသော်ပုထိုးတော်၌ ဘုရားဆင်းတုတော်ပေါင်း ရှစ်သောင်းရှိသော်ကြောင့် အဖေထက်ကြောရန် ဘုရားဆင်းတုတော်ပေါင်း ကိုးသောင်း ထားရှိမည်ဟု ရည်ရွယ်ချက်ဖြင့် ဆောက်လုပ်ထားခြင်းဖြစ်သည်။ သို့သော် ဘုရားတည်စဲအချိန်တွင်တစ်ခါ ၊ ထီးတော်တင်သောအချိန်တွင်တစ်ခါ မိုးကြိုးထိသောကြောင့် နောက်ဆုံးတွင် မအောင်မြင်ချေ။ ထို့ကြောင့်၎င်း ပုထိုးတော်ကြီးသည် ယခုတိုင်မပြီးစီးသေးပေ။

မြောက်ဦးရှေးဟောင်း သုတေသနဌာနမှ ၁၉၉၆-ခုနှစ်က ပုထိုးတော်ကြီးအား စတင် ပြန်လည် တူးဖော်ခဲ့ရာ ၂၅ရာခိုင်နှုန်း ခန့်သာ ပြီးစီးခဲ့သော်လည်း တချို့စေတီပုထိုးတော်များမှာ နဂိုအတိုင်း ချုံနွယ်များဖုံးအုပ်နေသည်ဟု သိရသည်။

ကိုးသောင်းပုထိုးတော်ကြီးအတွင်းမှ လိုဏ်ဂူများ

ပြင်ပလင့်ခ်များ

• Wikimedia Commons ရှိ ကိုးသောင်းပုထိုးတော်ကြီး နှင့်ပတ်သက်သော မီဒီယာများ