ကူဋသုတ်

(၂)သုတ် ရှိပါသည်။

အထွတ်ရှိသောအိမ်၏ အခြင် (ဒိုင်း)တို့သည် အထွတ်၌ ပေါင်းစုံစုဝေးတတ် ထားသကဲ့သို့၊ အထွတ်ကို ဖျက်ဆီးလိုက်လျှင် အားလုံးပျက်စီးကုန်သကဲ့သို့၊ ထို့အတူ အလုံးစုံသောအကုသိုလ်တရားတို့သည် အဝိဇ္ဇာ၌ ပေါင်းဆုံစုဝေးကျရောက်ကုန်၏။ အဝိဇ္ဇာကို ဖျက်ဆီးလိုက်လျှင် အလုံးစုံသောအကုသိုလ်တရားတို့ ပျက်စီးနိုင်ပုံ၊ အဝိဇ္ဇာ မဖြစ်အောင် သတိဖြင့် နေကြရမည်-ဟု ဘုရားရှင် ဟောတော်မူသည့်သုတ်။

ဋီကာ၌-အဝိဇ္ဇာမဖြစ်တော့လျှင် မောက္ခ (နိဗ္ဗာန်)ဓမ္မကိုရကြောင်း၊ မောက္ခ ဓမ္မကိုရခြင်းကြောင့် ထိုမောက္ခဓမ္မအား လျော်သောတရားတို့ကိုရကြောင်းနှင့် မှတ်သားဖွယ် ဖွင့်ပြထားပါသည်။

---

ကူဋသုတ် သည် မြတ်စွာဘုရားဟောကြားတော်မူခဲ့သည့် သုတ္တန်တစ်ခု ဖြစ်သည်။ ဤသုတ္တန်တွင် မြတ်စွာဘုရားသည် ကျင့်ဆဲ ‘သေက္ခ’ ပုဂ္ဂိုလ်တို့၏ အားငါးမျိုးတို့ကို ဟောကြားတော်မူခဲ့သည်။