ကေဆာ အမ်မရာ
ကေဆာ အမ်မရာ သို့မဟုတ် ကူဆီ အမ်မရာ ( အဓိပ္ပာယ်အားဖြင့် အမ်မရာ၏ ရဲတိုက်ငယ်) အား အမ်မရာ ရဲတိုက် ဟုလည်း ခေါ်ဆိုလေ့ ရှိကြပြီး ယနေ့ခေတ် ဂျော်ဒန်နိုင်ငံ အရှေ့ပိုင်းတွင် တည်ရှိသော လူသိအများဆုံး သဲကန္တာရ ရဲတိုက် တစ်ခု ဖြစ်သည်။ ထိုရဲတိုက်အား အေဒီ ၇၂၃ နှင့် ၇၄၃ ခုနှစ်ကြားတွင် နောင်တစ်ချိန် အူမေယတ်ဒ်၏ ကာလစ်ဘုရင် ဒုတိယမြောက် ဝါလစ် ဖြစ်လာမည့် ဝါလစ် အီဘင် ယာဇစ် မှ တည်ဆောက်ခဲ့ခြင်း ဖြစ်သည်။ ဒေသအတွင်း သူ၏ လွှမ်းမိုးမှုမှာ ထိုအချိန်က မြင့်တက် နေပြီ ဖြစ်သည်။ ထိုနေရာအား အစောပိုင်း အစ္စလာမ် အနုပညာ နှင့် အစ္စလာမ် ဗိသုကာပညာအတွက် အရေးအပါဆုံး ဥပမာ တစ်ခု အဖြစ် မှတ်ယူကြသည်။
| ကူဆီ အမ်မရာ* | |
|---|---|
| UNESCO ကမ္ဘာ့အမွေအနှစ်နေရာများ | |
| |
| တည်ရှိသည့် နိုင်ငံ |  ဂျော်ဒန်
|
| အမျိုးအစား | ယဉ်ကျေးမှု |
| ရွေးချယ်သည့်စံနှုန်း | i,iii, iv |
| ကိုးကား | ၃၂၇ |
| ဒေသ** | အာရှနှင့် ပစိဖိတ် |
| သတ်မှတ်ခြင်း မှတ်တမ်း | |
| စတင်သတ်မှတ်ခြင်း | ၁၉၈၅ (နဝမအကြိမ်) |
| * ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည် ** ယူနက်စကိုမှ ခွဲခြားသတ်မှတ်ထားသောဒေသ | |
ထိုအဆောက်အဦးသည် တကယ်တမ်းတွင် ကြီးမားသော ရဲတိုက် ပါဝင်သည့် အဆောက်အဦး အစုအဝေးတစ်ခု၏ အကြွင်းအကျန် မျှသာ ဖြစ်ပြီး တော်ဝင်ဘုရင်၏ အပန်းဖြေရာ နေရာ ဖြစ်ကာ စစ်ရေးနှင့် ပတ်သက်သော အစီအမံများ မပါဝင်ပေ။ ယနေ့ခေတ်တွင် ကြွင်းကျန်ရစ်သည်မှာ ကျေးလက်အိမ် အသေးလေး တစ်ခုသာ ဖြစ်သည်။ ၎င်းသည် အတွင်းပိုင်း မျက်နှာကြက်တွင်သာ ကြွင်းကျန်ရစ်သော ဆေးရေးပန်းချီများကြောင့် ထင်ရှားပြီး ထိုသို့ ရေးဆွဲရာတွင် ပါဝင်သော အကြောင်းအရာများမှာ ဘုရင်အဖွဲ့တစ်ဖွဲ့၊ အမဲလိုက် မြင်ကွင်း၊ ဝစ်လစ်စလစ် မိန်းမများ ပါဝင်သော အက မြင်ကွင်း၊ အလုပ်လုပ်နေသော လက်မှုပညာသည် တို့ ဖြစ်သည်။
- ကေဆာ အမ်မရာ
-
-
-
-
-
-
