ကျိုက်မွတ်လအိစေတီတော်

ကျိုက်မွတ်လအိစေတီတော် သည် မော်လမြိုင်မြို့အထက် ကျိတ်မြို့အရှေ့ တာတစ်သောင်းအကွာတွင် တည်ရှိသည့် မွတ်လအိတောင်ထိပ်တွင် တည်ရှိသည့် စေတီတော် တစ်ဆူ ဖြစ်သည်။

သမိုင်းကြောင်း

မဟာသက္ကရာဇ် ၁၁၁ ခုနှစ်တွင် ဖြစ်၏။ မြတ်စွာဘုရားသည် သထုံပြည်သို့ ကြွလာ၏။ မြတ်စွာဘုရားသည်မွတ်လအိတောင်မှ ကပ္ပရှင်ရသေ့၊ မွတ်လအပ်တောင်မှ နာရဒရှင်ရသေနှင့် အခြားတိဿရသေ့၊ သီဟရသေ့တို့ကို ဆံတော်များ ပေးသနားခဲ့သည်။

ကပ္ပရသေ့သည် ကျိတ်တောင်ပို့မြို့ကို အုပ်ချုပ်သည့် ကုလာပုမင်းနှင့် တိုင်ပင်၍ ၁၁၄ ခုနှစ်၊ နတ်တော်လတွင် ပွဲလမ်းသဘင်ကြီး ပြုလုပ်ကာ တောင်ထိပ်တွင် ဆံတော်ကို ဌာပနာကာ စေတီတည်ခဲ့သည်။

အတိုင်းအတာများ

စေတီတော်သည် ဖိနပ်တော် ၁၀ တောင်၊ ဉာဏ်တော် ၁၅ တောင် ရှိသည်။ တောင်ထိပ်သည် အရှေ့နှင့် အနောက် အတောင် ၄၀ ကျယ်၍ တောင်နှင့်မြောက် ၂၅ တောင် ကျယ်သည်။

အမည်

စေတီတော်ကို "အမြဲထင်ပေါ်သောဘုရား" ဟူ၍ မွန်ဘာသာဖြင့် ကျိုက်မွတ်လအိဟု ခေါ်တွင်သည်။