ကျောက်ပိရဟန္တာ

ကျောက်ပိရဟန္တာ သည် မွန်ပြည်နယ်၊ ဘီးလင်းမြို့နယ်ရှိ မဲလံဆံတော်ရှင်စေတီတော် တွင် တည်ရှိသည်။

သမိုင်းကြောင်း

ကျောက်ပိရဟန္တာသည် ရှေးဘဝဝဋ်ကြွေးကြောင့် ကျောက်တုံးအောက်တွင် ပရိနိဗ္ဗာန်စံဝင်ခဲ့ရသည့် ကုမာရကဿပရဟန္တာမြတ် ဖြစ်သည်။ ကျောက်ပိရဟန္တာပုံတော်ကို ကင်းရွာ၊ ကျောက်လုံးကြီး လေသာဂိုဏ်းချုပ်ဆရာတော် ဦးတရုတ်ဖြူသည် ၁၂၈၈ ခုနှစ်တွင် ပုံတော်ဖွင့် ပူဇော်ခဲ့သည်။ ထို့ကြောင့် သက်တမ်း ၉၁ နှစ် ဝန်းကျင် တည်ရှိသည်။ ယခုအခါတွင် ရဟန္တာပုံတော်အား ရွှေသင်္ကန်းကပ်ကာ ပူဇော်ထားသည်။

အတိုင်းအတာများ

ကျောက်ပိရဟန္တာရုပ်တုသည် မဲလံဆံတော်ရှင်စေတီတော်ကို ဦးခေါင်းပြုကာ တောင်ဘက်သို့ ခြေဆင်းကာ တည်ရှိသည်။ ရုပ်တုသည် ကျောက်သားအစစ်ဖြစ်ပြီး ဉာဏ်တော်သည် ၁၂ တောင်ခန့်ရှိ၍ အပေါ်ဘက်တွင် အရွယ်အစားကြီးမားသည့် ကျောက်တုံးကြီးသည် ခန္ဓာကိုယ်အောက်ပိုင်းကို ဖုံးလွှမ်းထားလျှက် တည်ရှိသည်။