ကျောက်မျက်ရတနာပြတိုက် (ရန်ကုန်)

ကျောက်မျက်ရတနာပြတိုက်သည် ရန်ကုန်မြို့၊ မြန်မာနိုင်ငံတွင် တည်ရှိပြီး မြန်မာနိုင်ငံမှ ထွက်ရှိသော တန်ဖိုးကြီး ကျောက်မျက်ရတနာများကို ခင်းကျင်းပြသရန် ရည်ရွယ်၍ ဖွင့်လှစ်ခဲ့ခြင်းဖြစ်သည်။ ပြတိုက်သည် လေးထပ်ရှိသော အဆောက်အဦ၏ တတိယမြောက်အထပ်တွင် တည်ရှိပြီး ကမ္ဘာအေးဘုရားအနီးတွင် တည်ရှိသည်။

ကျောက်မျက်ရတနာပြတိုက်တွင် ကျောက်မျက်ရတနာရောင်းချပွဲများအတွင် တတိယထပ်တွင် အခန်း ၈၂ ခန်းပါရှိပြီး အရည်အသွေးမြင့် ကျောက်ရိုင်းတုံးများနှင့် ကျောက်ချောထည်များဖြစ်သည့် ပတ္တမြား၊ နီလာ၊ ပုလဲ၊ ကျောက်စိမ်းနှင့် အခြားသော ကျောက်မျက်ရတနာများကို ခင်းကျင်းပြသထားသည်။ ကျောက်မျက်ရတနာဈေးကို နံနက် ၉ နာရီမှ ညနေ ၅ နာရီထိ အင်္ဂါနေ့မှ တနင်္ဂနွေနေ့ထိ ဖွင့်လှစ်ထားသည်။ ကျောက်မျက်ရတနာပြတိုက်တွင် ၆ လတစ်ကြိမ် ကျောက်မျက်ရတနာပြပွဲများ ကျင်းပလေ့ရှိပြီး ကမ္ဘာအရပ်ရပ်မှ ကျောက်မျက်ရတနာကုန်သည်များ လာရောက်လေ့ရှိသည်။