ကြည်ညိုပူဇော်မြတ်စွယ်တော်

ကြည်ညိုပူဇော်မြတ်စွယ်တော် ကဗျာကို မောင်းထောင်းဦးကျော်လှ ရေးသားခဲ့သည်။ သံချို ကဗျာအမျိုးအစားဖြစ်သည်။

အကြောင်းအရာ ပြင်ဆင်ရန်

သီဟိုဠ်ကျွန်း၌ရှိသော မြတ်စွယ်တော်သည် လက်ဝဲအောက်စွယ်တော်ဖြစ်ကြောင်းကို ဓာဌာဓာတုဝင် အဋ္ဌကထာကိုက်ညီသည်ဟု ဝဇီရာ ရာမ ဆရာတော် နှင့် မောင်းထောင်ဆရာတော်တို့ အမိန့်ရှိကြောင်းကို ဖွဲဆိုသော သီဟိုဠ်စွယ်တော်ဘွဲ့ သံချိုကဗျာ ဖြစ်သည်။

ကြည်ညိုပူဇော်မြတ်စွယ်တော် ပြင်ဆင်ရန်

အသမ္ဘိန် သမ္ဘိန္ဒေ နှင့်၊ လျှံထိန်ဝေစိန္တေမြတ်၏၊ မွေဓာတ်စုံအဆူဆူတို့၊ ပုဏ္ဏာဖြူဝေကာလက၊ ဇေယျသေနတဲ့၊ နဂါးရွာကိုးကွယ်ရက်ပ၊ စွယ်လက်ျာတဆူရှိသည်ဟု၊ မဟာဝါစာပါဠိငယ်နှင့်၊ နှိုင်းညှိုလျက်ဌကထာ။

ဝတိံ သာဣန္ဒာ သက်ကယ်က၊ ညာလက်ျာစိန်ပြောင်ညွှန်းတဲ့၊ ဆောင်ကွန်းယူ ပူဇာနံ နှင့်၊ စူဠာဆံစေတီတွင်း၊ မြုပ်သွင်းဌာပနာပ၊ ရဟန္တာသယ်ယူလို့၊ ဘယ်ကဆူစွယ်တော်သွားသထက်ကို၊ ရွှေလက်တော်ကိုင်ကာအပ်ခဲ့၊ တိုင်းရပ်ဂန္ဓာ။

ပညာဉာဏ်ဧတဒဂ်ကယ်နှင့်၊ ညာလက်ရံမထေရ်ကျော်၏၊ တပည့်ကျော်ရှင်ခေမာတဲ့၊ ငွေနံ့သာချွေကာမံ၍၊ သေလာယံတောင်လောက်နီးတဲ့၊ လောင်မီးလျှံ ထင်းပုံထဲက၊ ပုဂ္ဂလာနုတ်ကာဆွဲခဲ့၊ လက်ဝဲဘယ်အောက်စွယ်မြတ်ကိုဖြင့်၊ ဗြဟ္မဒတ် ရာဇိန္ဒ၏၊ ကာလိင်္ဂမြို့ပူရာ၊ ပို့ယူခါဆောင်ကြဉ်း

မင်းအဆက်ကယ်တို့၊ ဆင်းသက်ခါပူဇော်သကြ၊ ဂူဟသိဝါတဲ့၊ ထိုရာဇာဖြစ်လာဆိုက်တော့၊ စစ်တိုက်ဉာဏ်ရန်သူပေါ်လို့၊ စွယ်တော်ကိုဖျက်ခါဆီးမည်ကြောင့်၊ သ္မီးတော်ချစ်ခင်လှသည့်၊ ဟေမ မာလာနှင့်၊ စေတနာဂေဟာဆက်ကြတဲ့၊ သမက်တော် ဒန္ဓမင်းတို့၊ ကြုပ်တွင်းမှာလှောင်ကာသိုလို့၊ အမှီအခိုသီဟိုဠ်သို့ရောက်လာကြ၊ မင်းခြောက်ဆယ်နှစ်သွယ်ဆက်တွင်မှ၊ နန်းသက်ဝယ်အဌင်္ဂိနှင့်၊ ကိတ္တိတေဇော်ဟု သိရိကျော်မေဃမင်းတို့၊ အပ်နှင်းကာတူပူဇော်ကြ၊ ဤစွယ်တော်ဓာတ်တပါး၏၊ ရပ်နားရန်သင်ခံသတဲ့၊ ကာလရှည်ကြာညောင်းတော့၊ ပြည်ပြောင်းရန်နောင်အရေးကိုလ၊ ရှင်ခေမာရွှေဗျာကြွေးပါလို့၊ ဗြဟ္မဒတ်ထံအပ်နှံပေးခဲ့၊ ရှေးမူလရင်း။

ခက်ဆစ် ပြင်ဆင်ရန်

၁။ အသမ္ဘိန် = မကွဲ မပျက်သည့် ဓာတ်တော်။

၂။ သမ္ဘိန္ဒေ = ကွဲပျက်သည့် ဓာတ်တော်။

၃။ ဣန္ဒာ = သိကြားမင်း။

၄။ ပူဇာနံ = ပူဇော်သည်။

၅။ ဂန္ဓာ = ဂန္ဓာလရာဇ် တိုင်းပြည် (တရုပ်ပြည်)။

၆။ ဗြဟ္မဒတ် = ဗြဟ္မဒတ်မင်း။

၇။ ရာဇိန္ဒ = မင်း။

၈။ အဋ္ဌင်္ဂိ = ရှစ်နှစ်မြောက်။

၉။ ကိတ္တိတေဇော် = တန်ခိုးသတင်းကျော်စောခြင်း။

မှတ်ချက် ပြင်ဆင်ရန်

ဤကဗျာခေါင်းစဉ်သည် မောင်းထောင်းဦးကျော်လှ ကိုယ်တိုင် နာမည်ပေးခဲ့ခြင်း မဟုတ်ပါ။ သင့်တော်မည်ထင်သော နာမည်ကို ပေးထားခြင်း ဖြစ်သည်။

ကိုးကား ပြင်ဆင်ရန်

[၁]

  1. မောင်းထောင်းဦးကျော်လှ၏ သံချိုကဗျာပေါင်းချုပ်။ ယဉ်ကျေးမှုဝန်ကြီးဌာန၊ ယဉ်ကျေးမှုဗိမာန်ဌာန။ နိုဝင်ဘာ ၁၉၈၃။