ခင်စန်းဝင်း

ခင်စန်းဝင်း (၈ ဇွန် ၁၉၆၅ မွေးဖွား) သည် မြန်မာလူမျိုး မိတ်ကပ်ပညာရှင်၊ ဖက်ရှင်ဒီဇိုင်နာ၊ ဆံပင်ဖန်တီးရှင်နှင့် သရုပ်ဆောင်ဖြစ်သည်။ မကြီးစန်း ဟူ၍လည်း လူသိများသည်။

ခင်စန်းဝင်း
မွေးဖွား	(1965-06-08) ၈ ဇွန်၊ ၁၉၆၅ ရန်ကုန်မြို့၊ မြန်မာနိုင်ငံ
နိုင်ငံလူမျိုး	မြန်မာ
မိခင်ကျောင်း	ရန်ကုန်တက္ကသိုလ်
အလုပ်အကိုင်	မိတ်ကပ်ပညာရှင်၊ ဖက်ရှင်ဒီဇိုင်းနာ၊ သရုပ်ဆောင်
တက်ကြွလှုပ်ရှားနှစ်များ	၁၉၈၃–လက်ရှိ (မိတ်ကပ်) ၂၀၁၆–လက်ရှိ (သရုပ်ဆောင်)

ငယ်ဘဝနှင့် ပညာရေး

၁၉၆၅ ခု၊ ဇွန်လ ၈ ရက်တွင် ရန်ကုန်၌ မွေးသည်။ မွေးချင်းမှာ ယောက်ျားလေး ၃ ယောက်၊ မိန်းကလေး ၁ ယောက်ဖြစ်သည်။ ယောက်ျားအဖြစ် မွေးသော်လည်း မိန်းမဘဝကို ခင်တွယ်သဖြင့် ငယ်စဉ်ကပင် အသိုင်းအဝိုင်း၌ အနှိမ်ခံရသည်။

အခြေခံပညာကို ဒဂုံ (၂) ၌ လည်းကောင်း၊ အဆင့်မြင့်ပညာကို ရန်ကုန်တက္ကသိုလ်၌ လည်းကောင်း သင်ယူခဲ့သည်။

သက်မွေးဝမ်းကြောင်း

မိတ်ကပ်ပညာရှင်

၁၉၈၃ ဝန်းကျင်တွင် မိတ်ကပ်ပညာရှင် ကိုတိုးနှင့် စန္ဒီထံ၌ ပညာသင်ခဲ့သည်။ အသက် ၂၁ နှစ်တွင် ကိုယ်ပိုင် အလှပြင်ဆိုင်ကို ၃၄ လမ်းတွင် ဖွင့်နိုင်ခဲ့သည်။ သရုပ်ဆောင်များအား အလှပြင်ပေးရသည်။

ထက်ထက်မိုးဦး၊ ထူးမွန်၊ မျိုးသန္တာထွန်း အစရှိသော သရုပ်ဆောင်များအား ဆံပင်၊ မိတ်ကပ် အပြင်အဆင်များ စီစဉ်ဆောင်ရွက်ပေးရာမှ နာမည်ရလာခဲ့သည်။

အသက် ၂၆ နှစ်တွင် အဝတ်အစား ဆင်သည့် လုပ်ငန်းကို စတင်ခဲ့သည်။ သတို့သမီး ဝတ်စုံနှင့် အလှပြင်ဝန်ဆောင်မှု၊ မိတ်ကပ် သင်တန်းတို့ဖြင့် အလုပ်များသော်လည်း ဗုံမဟုတ်ပတ်မမည် အသိုင်းအဝိုင်း (LGBT Community) တွင် တက်ကြွစွာ လှုပ်ရှားသည်။

သရုပ်ဆောင်

သရုပ်ဆောင်ဘဝကို မကြီးစန်းနှင့် သူ၏ချစ်သူများ ဇာတ်ကားဖြင့် စတင်ခဲ့သည်။ ထိုဇာတ်ကားမှာ ထက်အောင်ရှိုင်း၊ ဇွဲပြည့်တို့ တွဲသရုပ်ဆောင်ပြီး မြတ်ခိုင် ရိုက်ကူးခဲ့ပြီး ၂၀၁၆ ခုတွင် ရုံတင်ပြသခဲ့သည်။

၂၀၁၈ ခုတွင် တနေ့မှာ မောင့်ကို ဒီအကြောင်းတွေ ပြောပြရဦးမယ် ကို အေးချမ်းမောင်နှင့်တွဲ၍ သရုပ်ဆောင်ခဲ့သည်။ နိုင်မျိုးထွန်း (ရန်ကုန်တက္ကသိုလ်) ရိုက်ပြီး ၂၀၁၈ ခုနှစ် ဖေဖော်ဝါရီ ၂၇ ရက် ရုံတင်ခဲ့သည်။ ၂၀၁၉ ခုနှစ်တွင်လည်း "ကျားကျား ကြိုက်ကြိုက်" ရုပ်ရှင်ဇာတ်ကားတွင် မိတ်ကပ်ပညာရှင်များဖြစ်သော (ညီညီမောင်) ( ထက်ထက်)တို့နှင့် ပါဝင်သရုပ်ဆောင်ခဲ့သည်။

ပါဝင်သရုပ်ဆောင်ထားသည်များ

ရုပ်ရှင်

• မကြီးစန်းနှင့် သူ၏ချစ်သူများ (၂၀၁၆)
• တစ်နေ့မှမောင့်ကို ဒီအကြောင်းတွေပြောပြရဦးမယ် (၂၀၁၈) *"ကျားကျားကြိုက်ကြိုက်"(၂၀၁၉)