ခဏ္ဍနိမိတ္တသိမ်

ခဏ္ဍနိမိတ္တသိမ်ဟူသည် နိမိတ်လောက်သော နိမိတ်ချင်း မစပ်ပဲ သမုတ်အပ်သည့် ဝိပတ္တိ သိမ်ပျက်တလုံး ဖြစ်သည်။ ယင်းသိမ်သည် သိမ်၏ ပတ်ဝန်းကျင်တို့၌ ထားအပ်သော နိမိတ်များရှိရာ ရှေးဦးစွာ အရှေ့အရပ်၌ နိမိတ်ကြား၍ အစဉ်အတိုင်း နိမိတ်ကြားပြီးနောက် ရှေးဦးကြားခဲ့သော အရှေ့အရပ်၌ တဖန်ထပ်၍ နိမိတ်မကြားတော့ပဲ သမုတ်အပ်သောသိမ်၊ နိမိတ်လောက်သော နိမိတ်တို့၏ အကြား၌ နိမိတ်မလောက်သော နိမိတ်တို့တွင် တစ်ခုခုကို နိမိတ်ထား၍ သမုတ်အပ်သော သိမ်ဟု နှစ်မျိုးရှိသည်။ တို့၌မူ နိမိတ် ၃-ခုတို့၏ အကြား၌ နိမိတ်မလောက်သော အရာဝတ္ထုများကို နိမိတ်တစ်ခုပြု၍ သမုတ်အပ်သော သိမ်ကို ခဏ္ဍနိမိတ္တသိမ်ဟု ဆိုပြီးနောက် နိမိတ်လောက်သော နိမိတ်လေးခု ငါးခုတို့၏ အကြား၌ နိမိတ်မလောက်သော အရာဝတ္ထုများကို နိမိတ်ပြု၍ သမုတ်အပ်သောသိမ်သည် နိမိတ်လောက်သော နိမိတ် သုံးခု အနည်းဆုံးရှိသောကြောင့် ခဏ္ဍနိမိတ္တ သိမ်မဖြစ်(နိမိတ္တသမ္ပတ္တိသိမ်ဖြစ်၏)ဟု ဆိုသည်၊ ယင်းအဆိုကို ကင်္ခါ၊ ရေစကြို၊ သျ။ ၈၆ ၌ပယ်ထားသည်။)