ခိုးရောအနုပညာပြတိုက်
ခိုးရောအနုပညာပြတိုက် (高麗美術館, Kōrai Bijutsukan, Korean: 고려미술관) သည် ဂျပန်နိုင်ငံ၊ ကျိုတိုမြို့တွင် တည်ရှိသည့် ကိုရီးယားအနုပညာပြတိုက်တစ်ခု ဖြစ်သည်။ ပြတိုက်ကို ၁၉၈၈ ခုနှစ်၊ အောက်တိုဘာလ ၂၅ ရက်နေ့တွင် ဖွင့်လှစ်ခဲ့သည်။[၁]
| ခိုးရောအနုပညာပြတိုက် Koryo Museum of Art | |
|---|---|
| 高麗美術館 | |
 ပြတိုက်ကို အပြင်ဘက်မှ မြင်ရပုံ၊ ၂၀၁၈ ခုနှစ် | |
| တည်ထောင်ခြင်း | အောက်တိုဘာ ၂၅၊ ၁၉၈၈ |
| တည်နေရာ | 15 Shichiku, Kaminokishi-chō, Kita-ku, Japan |
| ကိုဩဒိနိတ် | 35°03′15″N 135°45′03″E / 35.054292°N 135.750807°Eကိုဩဒိနိတ်: 35°03′15″N 135°45′03″E / 35.054292°N 135.750807°E |
| အမျိုးအစား | Korean art museum |
| တည်ထောင်သူ | Jeong Jo-mun |
| ဝက်ဘ်ဆိုဒ် | koryomuseum.or.jp/index.php (in Japanese) |
ဖော်ပြချက်
ပြင်ဆင်ရန်ကိုရီးယားယဉ်ကျေးမှုစွယ်စုံကျမ်းတွင် ဖော်ပြထားချက်အရ ဤပြတိုက်သည် ကိုရီးယားနိုင်ငံ၏ ပြင်ပတွင် တည်ရှိသည့်တစ်ခုတည်းသော ပြတိုက်ဖြစ်သည်။ ပြတိုက်၏ ဧရိယာသည် ၄၀၀ စတုရန်းမီတာ (၄၃၀၀ စတုရန်းပေ) ရှိသည်။ ပြတိုက်အဆောက်အဦသည် မြေအောက်ထပ်တစ်လွှာနှင့် မြေပြင်အထပ် သုံးလွှာပါရှိသည်။[၁] ပြတိုက်တွင် စုစည်းပြသထားသည့် အရာများသည် စုစုပေါင်း ၁၇၀၀ ခန့် ရှိသည်။[၂][၃][၄][၅][၆][၁]
သမိုင်းကြောင်း
ပြင်ဆင်ရန်ပြတိုက်ကို ကိုရီးယားလူမျိုး Jeong Jo-mun (정조문; 鄭詔文 1918–1989) က တည်ထောင်ခဲ့သည်။ Jeong ၏ ဖခင်ဖြစ်သူသည် ကိုရီးယားနိုင်ငံကို ဂျပန်က ကိုလိုနီမပြုခင်က ကိုရီးယားအစိုးရ၏ အရာရှိဟောင်းတစ်ဦး ဖြစ်ခဲ့သည်။ Jeong သည် ၁၉၂၄ ခုနှစ်ပတ်ဝန်းကျင်ကာလ အသက်ခြောက်နှစ်အရွယ်တွင် မိသားစုသည် ဂျပန်သို့ ပြောင်းရွှေ့လာခဲ့ကြသည်။ ငယ်ရွယ်သည့်လူငယ်တစ်ယောက်အနေဖြင့် Jeong သည် အစတွင် ဆိပ်ကမ်းတွင် ကုန်တင်ကုန်ချအလုပ်ကို လုပ်ကိုင်ခဲ့သည်။[၁]
သူသည် ကျိုတိုမြို့တွင် ပချင်းခို (pachinko) လုပ်ငန်းကို လုပ်ကိုင်ပြီး ချမ်းသာသူတစ်ဦး ဖြစ်လာခဲ့သည်။ ထို့နောက်တွင် သူသည် ကိုရီးယားအနုပညာလက်ရာများကို စတင်စုဆောင်းလာခဲ့သည်။ ၁၉၆၉ ခုနှစ်တွင် သူသည် သုံးလတစ်ကြိမ်ထုတ် မဂ္ဂဇင်းကို စတင်ထုတ်ဝေခဲ့ကာ စုဆောင်းထားရှိသည့် အနုပညာလက်ရာများကို ထုတ်ဖော်ပြသရေးသားခဲ့သည်။ ၁၉၈၁ ခုနှစ်တွင် ထုတ်ဝေခဲ့သည့် အကြိမ် ၅၀ မြောက်မဂ္ဂဇင်းသည် နောက်ဆုံးထွက်မဂ္ဂဇင်း ဖြစ်ခဲ့သည်။[၁]
၁၉၇၂ ခုနှစ်တွင် Jeong နှင့် သမိုင်းပညာရှင်တစ်စုသည် ကိုရီးယားနှင့်သက်ဆိုင်သည့် ရှေးဟောင်းပစ္စည်းများကို ဂျပန်တစ်နိုင်ငံလုံးတွင် ရှာဖွေကြသည်။ လူပေါင်း ၅၀၀ ဝန်းကျင်သည် ဤရှာဖွေမှုတွင် ပါဝင်ခဲ့ကြသည်။ ဤပူးပေါင်းရှာဖွေမှု၏ ရလဒ်ကြောင့်ပင် ပြတိုက်သည် ဖြစ်တည်ပေါ်ပေါက်လာခဲ့သည်။ Jeong သည် သူ၏ ကိုယ်ပိုင်အိမ်ကို ပြတိုက်နေရာအဖြစ် ပြောင်းလဲခဲ့သည်။[၁]
ပြင်ပလင့်များ
ပြင်ဆင်ရန်- (in ဂျပန်) Collection Archived 13 April 2024 at the Wayback Machine.
ကိုးကား
ပြင်ဆင်ရန်- ↑ ၁.၀ ၁.၁ ၁.၂ ၁.၃ ၁.၄ ၁.၅ 고려미술관 (高麗美術館) (in ko)။ 2023-09-20 တွင် ပြန်စစ်ပြီး။
- ↑ You must specify title = and url = when using {{cite web}}. (in Japanese)။ Agency for Cultural Affairs။ 24 October 2015 တွင် ပြန်စစ်ပြီး။
- ↑ မော်ကွန်းတင်ပြီးမိတ္တူ (in Japanese)။ Koryo Museum of Art။ 13 April 2024 တွင် မူရင်းအား မော်ကွန်းတင်ပြီး။ 24 October 2015 တွင် ပြန်စစ်ပြီး။
- ↑ Akira Nakano။ "Once-deserted Korean art museum in Kyoto now center of international exchanges"၊ Asahi Shimbun၊ 24 November 2014။ 24 October 2015 တွင် ပြန်စစ်ပြီး။ Archived from the original on 4 March 2016။
- ↑ Jung Ji-sup။ "I Will Donate This Entire Museum to Unified Korea"၊ The Chosun Ilbo၊ 10 February 2015။ 24 October 2015 တွင် ပြန်စစ်ပြီး။ Archived from the original on 4 March 2016။
- ↑ You must specify title = and url = when using {{cite web}}. (in Japanese)။ Tobunken။ 24 October 2015 တွင် ပြန်စစ်ပြီး။