ခုတင် (၅၀၀) ဆံ့အထူးကုဆေးရုံကြီး၊ ရန်ကုန်
ခုတင် (၅၀၀) ဆံ့အထူးကုဆေးရုံကြီး၊ ရန်ကုန် သည် ရန်ကုန်မြို့တွင် တည်ရှိသည့် အထူးကုဆေးရုံတစ်ခု ဖြစ်သည်။ ဆေးရုံကို ၂၀၁၄ ခုနှစ်၊ ဩဂုတ်လ ၂၅ ရက်နေ့တွင် ပထမဆုံး ဖွင့်လှစ်ခဲ့သည်။[၁] ဆေးရုံသည် လမ်းမတော်မြို့နယ်၊ မင်းရဲကျော်စွာလ်မးတွင် တည်ရှိသည်။ ရန်ကုန်ဆေးရုံကြီးမှ လမ်းလျှောက်သွားမည်ဆိုပါက ၂၀ မိနစ် ကြာမြင့်သည်။ ဤဆေးရုံသည် ယခင်က စွမ်းအင်ဝန်ကြီးဌာနအဖြစ် အသုံးပြုခဲ့သည့် အဆောက်အဦကို ပြုပြင်မွမ်းမံကာ ဖွင့်လှစ်ထားခြင်း ဖြစ်သည်။[၂] ဤဆေးရုံကို မြန်မာနိုင်ငံကျန်းမာရေးဝန်ကြီးဌာနနှင့်အတူ ပုဂ္ဂလိကကုမ္ပဏီများဖြစ်ကြသည့် Original Group, A1, Golden Flower and Shwe Taung Development တို့က တည်ဆောက်ခဲ့ခြင်း ဖြစ်သည်။ ကုမ္ပဏီများဘက်မှ အမေရိကန်ဒေါ်လာ ၇.၆ သန်းကျော် ထောက်ပံ့ပေးပြီး ကျန်းမာရေးဝန်ကြီးဌာနက အတွင်းပိုင်းအပြင်အဆင်၊ လိုအပ်သည့် ပစ္စည်းများနှင့် ဝန်ထမ်းများအတွက် တာဝန်ယူရသည်။ [၃]ဤဆေးရုံကို နောင်ကာလတွင် အသည်းနှင့် ကျောက်ကပ်အဓိကကုသပေးသည့် ဆေးရုံတစ်ခုအဖြစ် ရည်ရွယ်ထားသည်။[၂]
| ခုတင် (၅၀၀) ဆံ့အထူးကုဆေးရုံကြီး၊ ရန်ကုန် | |
|---|---|
 | |
 | |
| ပထဝီဝင်ဆိုင်ရာ | |
| တည်နေရာ | Lanmadaw 11131, Yangon, Yangon Region, Myanmar |
| ကိုဩဒိနိတ် | 16°46′59″N 96°08′33″E / 16.783100°N 96.142593°Eကိုဩဒိနိတ်: 16°46′59″N 96°08′33″E / 16.783100°N 96.142593°E |
| အဖွဲ့အစည်း | |
| ဆေးရုံအမျိုးအစား | သင်ကြားရေး |
| နှီးနွယ် တက္ကသိုလ် | University of Medicine 1, Yangon, University of Medicine 2, Yangon |
| ဝန်ဆောင်မှုများ | |
| အရေးပေါ်ကုသရေးဌာန | Yes |
| ကုတင်အရေအတွက် | 500[၁] |
| Speciality | Hepatology, rheumatology, urology |
| သမိုင်းကြောင်း | |
| တည်ထောင်ခဲ့ | 2014[၁] |
၂၀၁၄ ခုနှစ်၊ ဇန်နဝါရီလ ၁ ရက်နေ့တွင် ဆေးရုံနှင့် ကျန်းမာရေးဝန်ဆောင်မှုများကို စတင်ခဲ့သည်။ ခွဲစိတ်မှုနှင့် အထူးကုဌာနများသည် ၂၀၁၄ ခုနှစ်၊ ဇွန်လအကုန်တွင် စတင်ခဲ့သည်။[၃] အစိုးရ၏ ထောက်ပံ့မှုဖြင့် modular operation theater နှင့် air handing unit နှင့် အထူးကုဌာနတစ်ခုကို ၂၀၁၄ ခုနှစ်၊ ဇွန်လ ၃၀ ရက်ကတည်းက စတင်ခဲ့သည်။ ၂၀၁၄ ခုနှစ်၊ ဇူလိုင်လမှစတင်ကာ ဆေးရုံတွင် လူနာစုစုပေါင်း ၄၃၈၅ ဦးကို ကုသပေးခဲ့ပြီး ဆေးရုံကို လာရောက်ခဲ့သည့် လူနာအရေအတွက်သည် ၁၃၂၄၆ ဦး ရှိခဲ့သည်။[၁]
ဆေးရုံတွင် ပါမောက္ခ ၅ ဦး၊ အကြီးတန်းဆရာဝန် ၈ ဦး၊ အငယ်တန်းဆရာဝန် ၂၂ ဦးနှင့် လက်ထောက်ခွဲစိတ်ဆရာဝန် ၂၅ ဦး၊ သူနာပြု ၁၃၀ ဦး ရှိသည်။[၂]
ဤဆေးရုံသည် ဆေးတက္ကသိုလ် (၁) ရန်ကုန်၊ ဆေးတက္ကသိုလ် (၂) ရန်ကုန် စသည့် တက္ကသိုလ်များနှင့် ပူးပေါင်းဆောင်ရွက်လျက်ရှိသည့် တတိယတန်းအဆင့်ရှိ သင်ကြားကုသရေးဆေးရုံတစ်ခုလည်း ဖြစ်သည်။[၃]
ဌာနများ
ပြင်ဆင်ရန်ဆေးရုံတွင် အထူးကုဌာန ၈ ခု နှင့် အကူဌာန ၁၂ ခု ရှိသည်။[၁] ရန်ကုန်ဆေးရုံကြီးနှင့် ရန်ကုန်ဆေးရုံသစ်ကြီးမှ hepatology နှင့် urology ဌာနများ၊ အထူးကုဌာန လေးခုတို့သည် ဤဆေးရုံသို့ ပြောင်းရွှေ့ခဲ့ကြသည်။ ဆေးရုံရှိ Rheumatology ဌာနသည် မြန်မာနိုင်ငံရှိ ပထမဆုံးသော Rheumatology ဌာန ဖြစ်သည်။[၂]
အထူးကုဌာနများ
ပြင်ဆင်ရန်- Department of Hepatology
- Department of Hepatobiliary Surgery
- Department of Nephrology
- Department of Respiratory Medicine
- Department of Rheumatology
- Department of Thoracic Surgery
- Department of Urology
- Physical Medicine & Rehabilitation Unit
ရောဂါစမ်းသပ်ရှာဖွေရေးဌာများ
ပြင်ဆင်ရန်သင်ကြားရေးအစီအစဉ်များ
ပြင်ဆင်ရန်ဤဆေးရုံသည် ဆေးတက္ကသိုလ် (၁) ရန်ကုန်နှင့် ဆေးတက္ကသိုလ် (၂) ရန်ကုန်တို့၏ ဘွဲ့ကြိုနှင့် ဘွဲ့လွန် အစီအစဉ်များနှင့် သင်တန်းများအတွက် သင်ကြားရေးဆေးရုံလည်း ဖြစ်သည်။[၃]
ကိုးကား
ပြင်ဆင်ရန်- ↑ ၁.၀ ၁.၁ ၁.၂ ၁.၃ ၁.၄ ခုတင်(၅၀၀)ဆံ့ အထူးကုဆေးရုံကြီး ရန်ကုန် ဖွင့်ပွဲအခမ်းအနား။ The President Office။ 2014-09-22 တွင် ပြန်စစ်ပြီး။
- ↑ ၂.၀ ၂.၁ ၂.၂ ၂.၃ New 500-bed hospital in Yangon to become national medical hub for liver, kidney transplants။ The New Light of Myanmar။ 2014-09-15 တွင် ပြန်စစ်ပြီး။
- ↑ ၃.၀ ၃.၁ ၃.၂ ၃.၃ New infirmary opens in Yangon။ The Myanmar International။ 2014-09-10 တွင် ပြန်စစ်ပြီး။[လင့်ခ်သေ]