ချမ်းချမ်း

ချမ်းမြငြိမ်း (၁၉၈၇-) သည် ချမ်းချမ်း အမည်ဖြင့် ကျော်ကြားသည့် မြန်မာ အဆိုတော်နှင့် သရုပ်ပြမယ် ဖြစ်သည်။

ချမ်းချမ်း
ပြင်ဦးလွင်၌ ဖျော်ဖြေနေသည့် ချမ်းချမ်း (မေ ၂၀၁၃)
ကိုယ်ရေး အချက်အလက်များ
အမည်ရင်း	ချမ်းမြငြိမ်း
မွေးဖွား	ရန်ကုန်
ဂီတဟန်	ပေါ့ပ်၊ ပေါ့ပ် ရော့ခ်၊ အာအမ်ဘီ
အလုပ်အကိုင်	တေးရေး၊ တေးဆို၊ သရုပ်ပြမယ်
တူရိယာ	အဆို၊ နောက်ခံ

ဂီတ လှုပ်ရှားမှု

မြဝတီ ရုပ်သံမှ ကျင်းပသည့် သံစဉ်များနဲ့ကမ္ဘာ (Melody World) အဆိုပြိုင်ပွဲတွင် နှစ်သိမ့်ဆု (ပထမ) ရခဲ့သည်။ ချမ်းချမ်း၏ ပြိုင်ပွဲဝင်သီချင်း "သီချင်းလက်ဆောင်" မှာ "၂၀၀၇ ခုနှစ် သံစဉ်များနဲ့ကမ္ဘာ၏ အကောင်းဆုံးတေးများ" စာရင်းဝင် ဖြစ်ခဲ့သည်။ ထိုသီချင်းသည် အဆိုပြိုင်ပွဲ၌ ပထမ မရသော်လည်း ပရိသတ်ရစေသည့် ပွဲဦးထွက်သီချင်း ဖြစ်ခဲ့သည်။

ပြိုင်ပွဲပြီးသည့်နောက် မကြာမီပင် ပထမဆုံးတေးစီးရီး "တကယ်ဆိုရင် အချစ်ပဲလိုတယ်" ထွက်လာသည်။ ထိုခွေမှာ ၂၀၁၀ ခုတွင် ချီးမြှင့်သည့် "စီးတီးအက်ဖမ် အရောင်းရဆုံး အမျိုးသမီးတေးစီးရီးဆု" ရသည်။ ထိုနှစ်၏ "အကျော်ကြားဆုံး အမျိုးသမီးအဆိုရှင်ဆု" လည်း ချမ်းချမ်းက ရသည်။

ပုဂ္ဂိုလ်ရေးရာ

၂၀၁၃ ခုတွင် ဘုဏ်းသိုက်နှင့် လက်ထပ်ရာ သမီးတစ်ယောက် ရသည်။ ၂၀၁၇ ခုတွင် ကွာရှင်းကြသည်။

တေးစီးရီးများ

ခေါင်းစဉ်	ထုတ်ဝေနှစ်	ထုတ်ဝေသူ	မှတ်ချက်
တကယ်ဆိုရင် အချစ်ပဲလိုတယ်	၂၀၁၀
သိပ်ချစ်တယ် အရမ်းမုန်းတယ်	၂၀၁၂
အိပ်မက်	၂၀၁၄
သို့ ... ချစ်နေတုန်းပဲ	၂၀၁၇

သိပ်ချစ်တယ် အရမ်းမုန်းတယ် (တေးစီးရီး)

သိပ်ချစ်တယ် အရမ်းမုန်းတယ် သည် အဆိုတော် ချမ်းချမ်း၏၂၀၁၁-ခုထွက် တေးစီးရီး ဖြစ်သည်။ တေးသရုပ်ဖော်ခွေကို ၂၀၁၂ ခုတွင် ဖြန့်သည်။ လေးဇီးကလပ် ဂီတဝိုင်းက တီးခတ်ပေးကာ ပရို စတူဒီယို၌ အသံသွင်းသည်။ နောက်ခံသီဆိုသည့်အဖွဲ့မှာ အဲဗားဂလိတ် (Ever Glade) ဖြစ်သည်။

ပါဝင်သော သီချင်းများ

ခေါင်းစဉ်	တေးဆို	တေးရေး	မှတ်ချက်
အချစ်ဦး	ချမ်းချမ်း	ချမ်းချမ်း
တကယ်ပဲလဲ နင်မချစ်ဘဲနဲ့	ချမ်းချမ်း	ဂျမန်း
အချိန်မီ ပြန်လာပါ	ချမ်းချမ်း	မြင့်မိုးအောင်
သိပ်ချစ်တယ် အရမ်းမုန်းတယ်	ချမ်းချမ်း	ဂျမန်း
ဒီတစ်ခါ နောက်ဆုံးပဲ	ချမ်းချမ်း	ဂျမန်း
ချစ်သူ (Soul Mate)	ချမ်းချမ်း	ရွှေဂျော်ဂျော်
မနေ့ကအချစ်	ချမ်းချမ်း	ဂျမန်း
သွေးထွက်ပါစေ	ချမ်းချမ်း	ရွှေဂျော်ဂျော်
အရင်လိုချစ်ဆဲ ... မင်းကို	ချမ်းချမ်း	ဂျမန်း
ဇာတ်သိမ်းသွားပြီ	ချမ်းချမ်း	ချမ်းချမ်း
မင်းမှမချစ်ဘဲ	ချမ်းချမ်း	ဂျမန်း
ရင်မှာ မင်းတစ်ယောက်	ချမ်းချမ်း	ဂျမန်း