ချားလ် မက်ဆီယာ
ချားလ် မက်ဆီယာ (ပြင်သစ်: [ʃaʁl me.sje]; 26 June 1730 – 12 April 1817) သည် ပြင်သစ်လူမျိုး နက္ခတ္တဗေဒပညာရှင်ဖြစ်သည်။ သူသည် မက်ဆီယာ အရာဝတ္တုများ ဟု သိကြသည့် နက်ဗျူလာ ၁၁၀ ခု၊ ကြယ်အစုအဖွဲ့များပါဝင်သော နက္ခတ္တဗေဒဆိုင်ရာ စာရင်းတခုကို ထုတ်ဝေခဲ့သည်။ မက်ဆီယာသည် ကောင်းကင်ယံ၌ အမြဲတမ်းတည်ရှိသော အရာဝတ္ထုများနှင့် တခါတရံပေါ်လာတတ်သည့် အရာဝတ္ထုများကို နက္ခတ္တဗေဒ စောင့်ကြည့်လေ့လာသူများအား ကွဲပြားသိရှိစေရန် ရည်ရွယ်၍ ယင်းအရာဝတ္ထုများကို မှတ်တမ်းတင်ပြုစုခဲ့သည်။
| Charles Messier | |
|---|---|
 Charles | |
| မွေးဖွား | ၂၆ ဇွန်၊ ၁၇၃၀ Badonviller, France |
| ဆုံးပါး | ၁၂ ဧပြီ၊ ၁၈၁၇ (အသက် ၈၆) ပဲရစ်မြို့၊ ပြင်သစ်နိုင်ငံ |
| နယ်ပယ် | နက္ခတ္တဗေဒ |
| ကျော်ကြားမှုအရင်းခံ | en:Messier catalog |
| ထင်ပေါ်ကျော်ကြား ဆုတံဆိပ်များ | Cross of the Legion of Honor |
မွေးချင်း ၁၂ ယောက်တွင် မက်ဆီယာသည် ၁၀ ယောက်မြောက်သားဖြစ်ပြီး ပြင်သစ်နိုင်ငံ၊ လော်ရိန်းဒေသတွင် မွေးဖွားခဲ့သည်။ သူ၏ အကိုနှင့် အစ်မများ ၆ ယောက်သည် ငယ်ငယ်က ဆုံးပါးသွားခဲ့ပြီး သူ့ဖခင်မှာ ၁၇၄၁ ခုနှစ်တွင် ဆုံးပါးခဲ့သည်။ ချားလ် မက်ဆီယာ၏ နက္ခတ္တဗေဒအပေါ် စိတ်ဝင်စားမှုမှာ ၁၇၄၄ ခုနှစ်တွင် ပေါ်လာခဲ့သော ကြယ်တံခွန်ကြောင့် ဖြစ်သည်။ မက်ဆီယာသည် ကြယ်တံခွန်ပေါင်း ၁၃ ခုကို ရှာဖွေတွေ့ရှိခဲ့သည်။[၁] သူ၏ ရှာဖွေတွေ့ရှိမှုကို ယင်းအချိန်အခါက ပြင်သစ်ဘုရင် ၁၅ယောက်မြောက် လူးဝစ်က ဂုဏ်ပြုသောအားဖြင့် Ferret of Comets ဟူသော နာမည်ပြောင် သတ်မှတ်ပေးခဲ့သည်။[၂]
ကိုးကား
ပြင်ဆင်ရန်- ↑ Meyer၊ Maik။ Catalog of comet discoveries။ 16 July 2008 တွင် မူရင်းအား မော်ကွန်းတင်ပြီး။ 15 May 2008 တွင် ပြန်စစ်ပြီး။
- ↑ Jakiel၊ Richard (February 2017)။ "The Obsessive Comet Hunter"။ Astronomy။