ငှက်ပျောဖူးသုပ် ဆိုသည်မှာ ငှက်ပျောဖူးကို ပြုတ်ကာ အသုပ်ပြုလုပ်ခြင်း ဖြစ်သည်။

ငှက်ပျောဖူးသုပ်နည်းပြင်ဆင်

ငှက်ပျောဖူးကို နူးမြည့်လာသည်အထိ အဖူးလိုက် ရေလုံပြုတ်ပါသည်။ အိုးသေးလျှင် ငှက်ပျောဖူးကို ထက်ခြမ်းဝက်၍လည်း ပြုတ်နိုင်ပါသည်။ နူးမြည့်လာလျှင် အအေးခံကာ အရွက်ကြမ်းများကို ဖယ်ပစ်ပြီး အထဲမှ အဖူးလေးများကို သေးသေးနုပ်နုပ်လှီးပါသည်။ အဖူးအတွင်းက ဝတ်ဆံတံမှာ မာသောကြောင့် ဖယ်ပစ်ပါသည်။ ငှက်ပျောဖူးအတွင်းသားပိုင်းမှအရွက်များသည် နုသဖြင့် မဖယ်ပစ်ဘဲ ထည့်လှီးပါသည်။ လှီးပြီးသား ငှက်ပျောဖူးပြုတ်ကို ရေညှစ်ထုတ်ပါသည်။ ကြက်သွန်နီဆီချက်၊ ပုစွန်ခြောက်မှုန့် ( အသက်သတ်လွတ် စားသူများအတွက် မြေပဲကြော်ထောင်း) ၊ ဆား ထည့်ကာ သံပုရာသီးအရည်ညှစ်ပြီးနယ်ဖတ်ကာ သုပ်ပါသည်။ ငရုတ်သီးအစပ်ကြိုက်နှစ်သက်သူများက ငရုတ်သီးများထည့်ကာ စားသုံးနိုင်ပါသည်။