စာဆိုမှာကျန်စစ်သား

စာဆိုမှာကျန်စစ်သား ကဗျာကို မောင်းထောင်းဦးကျော်လှ ရေးသားခဲ့သည်။ သံချို ကဗျာအမျိုးအစားဖြစ်သည်။

အကြောင်းအရာ ပြင်ဆင်ရန်

၁၂၃၁ ခု၊ မြို့ဝန် ဦးသာအိုးဝင်းမှာ ဒီပဲယင်း၊ ပျော်ဘွယ် မင်းစာဝန်၊ ဉာဏ်ကျယ်တို့နှင့် လိုက်စဉ်က ဆိုသော သံချိုကဗျာ ဖြစ်သည်။

စာဆိုမှာကျန်စစ်သား ပြင်ဆင်ရန်

တိုင်တိုင်းမှာအလံထူလို့၊ သိုင်းဘွဲ့ဖြူ ရမထာနှင့်၊ တော်မဟာ စင်ညွန့်ပေါင်းတွင်ဖြင့်၊ ရွာမောင်းထောင်ဂါမော်က၊ ဆရာကျော်လူလွန်နှင့်၊ မင်းစာဝန်တသွယ်ပ၊ ယင်းပျော်ဘွယ် ဉာဏ်ကျယ်တွဲပါလို့၊ တနဲစီသံချိုလျှောက်ရ၊ ပေါင်းလေးယောက်ငယ်ကျွန်ယုံ။

မန်းမြို့ပိုင် ပြည်တော်ဝန်က၊ ရှိအလွန် ကြံရွယ်ဆောင်၍၊ လူ့ဘောင်ကြေညာလှိုင်းပါဘိ၊ တိုင်းသိမ့်သိမ့်တုန်။

ရိမဒ္ဒံ ပေါက္ကံတိုင်း၊ သမိုင်းစာတင်၍၊ ရာဇဝင်မတိမ်ကောနိုင်ဘူ့၊ မင်းစောနော်ရထာကဲ့သို့၊ မတ်မဟာ ထံတော်မှောက်၊ ဦးမြှောက်၍ ပဏာလှုံ၊ ဗိုလ်ပုံထုခယမ်း။

ငထွေရူးကဲ့သို့၊ ညောင်ဦးရွာတဆယ်က၊ ဉာဏ်ကျယ်ပမာညွှန်ခဲ့၊ မင်းစာဝန်ထောင် လက်ရုံးမှာတော့၊ ငလုံးလက်ဖယ်ဟု၊ ယင်းပျော်ဘွယ် ညောင်အုပ်ဖီးကဲ့သို့၊ ပြည်ကြီးလန် မိန့်တော်ချက်ကယ်နှင့်၊ ထမ်းရွက်သည့် မျက်နှာဟောင်းတွေကို၊ ရွာမောင်းထောင်ဂါမော်က၊ ဆရာကျော် ကာလသားမှာတော့၊ ပုပ္ပါးတောင်ခြေရင်းဆီက၊ နတ်မြင်းမိအောင် ဖမ်းသည့်နှယ်၊ လက်တန်းဉာဏ် ခေါင်ကဝိပေပ မဏိစန္ဒာက၊ စစ်သည်ပါပဏာခိုရ၊ စာဆိုမှာ ကျန်စစ်သားကဲ့သို့၊ သထုံဝင်ဂုဏ်ထင်ရှားပါလိမ့်၊ အားလုံးနောက်လမ်း။