စိုးမင်းကြီးစေတီ
စိုးမင်းကြီးစေတီသည် မြန်မာနိုင်ငံ၊ မန္တလေးတိုင်းဒေသကြီး၊ ပုဂံတွင်ရှိပြီး အေဒီ(၁၁၇၅) ခုတွင် စိုးမင်းကြီး တည်ခဲ့သည်။ စိုးမင်းကြီးစေတီ တည်ရာတွင် အောက်ခြေတွင် ပစ္စယာအဆင့်ဆင့်ခံ၍ အပေါ်၌ စေတီတည်ထားခြင်း ဖြစ်သည်။ စိုးမင်းကြီးစေတီ၏ ပစ္စယာအဆင့်များတွင် မူလက အလွန်လှပသည့် စဉ့်ကွင်းများ အပြည့်ရှိခဲ့သော်လည်း ယခုအခါ အနည်းငယ်မျှသာ ကျန်ရှိတော့သည်။[၁] စေတီပုထိုးအမှတ်မှာ ၁၁၄၅/၄၉၁ ဖြစ်သည်။
.jpg)
ပစ္စယာအဆင့်ဆင့် အောက်ကခံပြီး အပေါ်က စေတီကြီးပေါက်ထားသော စိုးမင်းကြီးဘုရားကဲ့သို့ အမျိုးအစားမျိုးမှာ ပုဂံဒေသတွင် ဤတစ်ဆူတည်းသာ ရှိသည်။ ပစ္စယာအဆင့် ဘောင်တန်းများ၌ ပန်းနွယ်အခွေများအကြား နတ်လူ စသောပုံများ၊ ကုန်းသတ္တဝါ ရေသတ္တဝါတို့၏ ပုံများညှပ်၍ အလွန်လှပစွာပြုလုပ်ထားသော စဉ့်သုတ်ပုံချပ်ရှည်များဖြင့် တစ်လျှောက်လုံး ပတ်လည်အဆင့်ဆင့် စီကပ်ထားသည်မှာ ထူးခြားလှသောအမျိုးအစား ဖြစ်သည်။[၂]