စေတောခိလသုတ်
(၄)သုတ် ရှိပါသည်။
[၁] ဘုရားရှင်ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံးနေတော်မူစဉ် စေတောခိလတရားငါးပါးကို မပယ်ရသေးသောရဟန်း၊ စေတသောဝိနိဗန္ဓတရားငါးပါး မပယ်ဖြတ်နိုင် သေးသောရဟန်းသည် ဤဓမ္မဝိနယ သာသနာတော်၌ ကြီးပွားစည်ပင် ပြန့်ပွားခြင်းသို့ မရောက်နိုင်ပုံ ယင်းတရား(၁၀)ပါးကို ပယ်ဖြတ်ပြီး ဣဒ္ဓိပါဒ်လေးပါးနှင့် ဥဿောဠှီ-ဟူသော အင်္ဂါ(၁၅)ပါးတို့နှင့် ပြည့်စုံသောရဟန်းသည် အဘိနိဗ္ဗိဒ၊ သမ္ဗောဓိ၊ အနုတ္တရယောဂက္ခေမသို့ ရောက် ထိုက်၏။ ကြက်ငယ်ဥပမာဖြင့် ရဟန်းတို့အား ဘုရားရှင် အကျယ်ဟောတော်မူသည့်သုတ်။
အဋ္ဌကထာ, ဋီကာတို့၌ ပါဠိတော်ပုဒ်တို့ကို သိသင့်သိထိုက်သော အဓိပ္ပါယ်များဖြင့် ဖွင့်ဆိုပြီး၊ ဝုဒ္ဓိ၊ ဝိရုဠှီ၊ ဝေပုလ္လဖြစ်ပုံ၊ သုခသုံးပါး၊ ဤသုတ်၌ ပဋိသင်္ခါနပဟာန်၊ ဝိက္ခမ္ဘနပဟာန်၊ သမုစ္ဆေဒပဟာန်၊ ပဋိပ္ပဿဒ္ဓိပဟာန်တို့ကို ဟောတော်မူပုံ အစရှိသည်တို့ကို ဖွင့်ပြထားပါသည်။
[၂] ဘုရားရှင် စေခိလတရားငါးပါးကို အကျယ်ဟောတော်မူသည့်သုတ်။
[၃] စေတောခိလတရားငါးပါးတို့ကို ပယ်ခြင်းငှာ သတိပဋ္ဌာန်တရားလေးပါးတို့ကို ပွားများရမည်ဟု ရဟန်းတို့အား ဘုရားရှင် ဟောတော်မူသည့်သုတ်။
[၄] စေတောခိလတရားငါးပါး၊ စေတသောဝိနိဗန္ဓတရားငါးပါးတို့ကို မပယ်, မဖြတ်နိုင်သော ဘိက္ခု၊ ဘိက္ခုနီသည် ကုသိုလ်တရားတို့၌ ဆုတ်ယုတ်ခြင်းကိုသာ အလိုရှိအပ်၏၊ မကြီးပွားနိုင်ဟု လဆုတ်ပက္ခ လ-ဥပမာဖြင့် ရဟန်းတို့အား ဘုရားရှင် အကျယ်ဝေဖန်၍ ဟောတော်မူသည့်သုတ်။ [၅]
ကိုးကား ပြင်ဆင်ရန်
- ↑ -မ၊၁၊၁၄၅-၉။ မ၊မြန်၊၁၊၁၅၀-၄။ မ၊ဋ္ဌ၊၁၊၃၇၂-၅။ မ၊ဋီ၊၂၊၅၁-၆။ -မဇ္ဈိမနိကာယ၊ မူလပဏ္ဏာသ၊ ၂-သီဟနာဒဝဂ္ဂ၊ ဆဋ္ဌသုတ်။
- ↑ -အံ၊၂၊၂၁၇-၈။ အံ၊မြန်၊၂၊၂၇၃။ အံ၊ဋ္ဌ၊၃၊၇၇။ အံ၊ဋီ၊၃၊၇၆-၇။ (ဒီ၊၃၊၁၉၈)၊ -အင်္ဂုတ္တရနိကာယ၊ ပဉ္စကနိပါတ၊ ၅-ပဉ္စမပဏ္ဏာသ၊ (၂၁)၁-ကိမိလဝဂ္ဂ၊ ပဉ္စမသုတ်။
- ↑ -အံ၊၃၊၂၅၂။ အံ၊မြန်၊၃၊၂၅၂။ -အင်္ဂုတ္တရနိကာယ၊ နဝကနိပါတ၊ ဒုတိယပဏ္ဏာသက၊ (၇)၂-သတိပဋ္ဌာနဝဂ္ဂ၊ နဝမသုတ်။
- ↑ -အံ၊၃၊၂၇၀-၃။ အံ၊မြန်၊၃၊၂၇၁-၄။ -အင်္ဂုတ္တရနိကာယ၊ ဒသကနိပါတ၊ ပဌမပဏ္ဏာသက၊ ၂-နာထဝဂ္ဂ၊ စတုတ္ထသုတ်။
- ↑ ပခုက္ကူမြို့ မဟာဝိသုတာရာမတိုက်၊ သာသနဓဇ သိရီပဝရ ဓမ္မာစရိယ၊ B.A (ဝိဇ္ဇာဂုဏ်ထူး-သီရိလင်္ကာ)၊ အဂ္ဂမဟာပဏ္ဍိတ ဘဒ္ဒန္တ ကေလာသမဟာထေရ် တိပိဋကသူစိကျမ်း နှင့် နိုင်ငံတော်ပရိယတ္တိသာသနာ့ တက္ကသိုလ် (ရန်ကုန်) ဒုတိယပါမောက္ခချုပ်၊ အဂ္ဂမဟာပဏ္ဍိတ ဘဒ္ဒန္တကုမာရထေရ် တိပိဋက သုတ္တသူစိ ဝိဘာဝိနီ