ဦးစောမောင်(ပန်းချီ) သည် မန္တလေးမြို့မှ ထင်ရှားသော နိပါတ်တော်ရေး ပန်းချီဆရာကြီးဖြစ်သည်။ ၁၉၀၀ ပြည့်နှစ်၊ ဧပြီလတွင် မန္တလေးတွင် မွေးဖွားသည်။ ၁၄ နှစ်သားအရွယ်တွင် ပန်းချီပညာ သင်ကြားခဲ့ပြီး ၁၉၅၇ ခုနှစ်တွင် အမေရိကန်ပြည်ထောင်စု၊ အင်္ဂလန်၊ ၁၉၅၉-ခုနှစ်တွင် တရုတ်ပြည်သူ့ သမ္မတနိုင်ငံများသို့ လေ့လာရေး ခရီးထွက်ခဲ့သည်။ ၁၉၆၂ ခုနှစ်၊ အထက်မြန်မာပြည် ပန်းချီဆရာများ သမဂ္ဂဥက္ကဋ္ဌအဖြစ် ဆောင်ရွက်ခဲ့သည်။

အလင်္ကာကျော်စွာ ပန်းချီဦးစောမောင်
ဘုရင်ခံမင်းကြီး (ဆာဂျေအေမောင်ကြီး)ပုံ ရေးဆွဲစဉ်၊ အသက် ၃၀ ခန့်ကပုံ

၁၉၃၀ တွင် ဘုရင်ခံ ဆာဂျေအေမောင်ကြီး၏ ရွှေတံဆိပ်ဆု ချီးမြှင့်ခြင်းခံရသည်။ ၁၉၅၇ ခုနှစ်တွင် အလင်္ကာကျော်စွာဘွဲ့ ရရှိသည်။ ဇနီး ဒေါ်တင် နှင့် သားသမီးလေးယောက်ရှိခဲ့ပြီး ၁၉၆၉ ခုနှစ်တွင် မန္တလေးမြို့၌ ကွယ်လွန်ခဲ့သည်။ [၁]

အလင်္ကာကျော်စွာဘွဲ့တံဆိပ် (ရှေ့/နောက်)ပုံ

ကိုးကား ပြင်ဆင်ရန်

  1. နေထွတ် ၏ မန္တလေးအဘိဓာန်(၁၉၉၉)