ဆာမူရိုင်းခေတ်- ဂျပန်တိုက်ပွဲ
ဆာမူရိုင်းခေတ်- ဂျပန်တိုက်ပွဲသည် ကနေဒါ-အမေရိကန် မှတ်တမ်းရုပ်ရှင် ရုပ်သံဇာတ်လမ်းတွဲဖြစ်ပြီး နက်ဖလစ်စ် မှ ဖြန့်ချီပြီး ဖေဖော်ဝါရီ ၂၄ ရက် ၂၀၂၁ ခုနှစ်တွင် စတင်ထုတ်လွှင့်ခဲ့သည်။ [၁] [၂] [၃] [၄] ၎င်းသည် ၁၅၅၁ မှ ၁၆၁၆ ခုနှစ်အတွင်း ဂျပန်ပဒေသရာဇ် အချိန်ကာလ၏ ဆန်ဂိုကူ ခေတ်(စစ်ပွဲများခေတ်)၏ နောက်ဆုံးအဆင့်၊ အဓိကအားဖြင့် အာဇူချီ–မိုမိုယာမာ ခေတ်တွင် ဖြစ်ပျက်ခဲ့ခြင်းဖြစ်သည်။ ၎င်းတွင် အသံပညာရှင် ဟီရို ကာနာဂါဝါနှင့် သမိုင်းပညာရှင် စတီဗင် တမ်ဘူးလ်၊ ဒေးဗစ် စပတ်ဖို့ဒ်၊ တိုမိုကို ခိတဂါဝါ၊ အိုင်းဆက် မိုင်ယာ နှင့် အခြားပုဂ္ဂိုလ်များ၏ သမိုင်းဝင်ဖြစ်ရပ်များကို ပြန်ပြောင်းပြောပြခြင်းနှင့် မှတ်ချက်ပြုချက်များဖြင့် တန်ဆာဆင်ထားသည်။ ဇာတ်လမ်းသည် ဂျပန်နိုင်ငံကို ပေါင်းစည်းရန် တိုက်ပွဲဆင်နေကြသည့် များစွာသော အင်အားကြီး ဒိုင်မြိုများ (ပဒေသရာဇ်နယ်စားကြီးများ) အကြောင်းဖြစ်သည်။
| ဆာမူရိုင်းခေတ်- ဂျပန်တိုက်ပွဲ | |
|---|---|
| အမျိုးအစား |
|
| ဒါရိုက်တာ |
|
| သရုပ်ဆောင် |
|
| နောက်ခံစကားပြော |
|
| နိုင်ငံ | ကနေဒါ အမေရိကန်ပြည်ထောင်စု |
| ဘာသာစကား |
|
| အတွဲပေါင်း | ၁ |
| အပိုင်းပေါင်း | ၆ |
| ထုတ်လုပ်မှု | |
| ထုတ်လုပ်သူ |
|
| Camera setup | တစ်ခုတည်း-ကင်မရာ |
| ပြသချိန် | ၄၃–၄၅ မိနစ် |
| ထုတ်လုပ်သည့် ကုမ္ပဏီ |
|
| ထုတ်လွှင့်မှု | |
| မူရင်းရုပ်သံလိုင်း |
|
ကနေဒါနိုင်ငံရှိ ခရမ်မ် ထုတ်လုပ်ရေးနှင့် ပုရွက်ပြာ မီဒီယာတို့မှ ထုတ်လုပ်ခဲ့ပြီး ကနေဒါနိုင်ငံတွင် စမစ်စ်ဆိုးနီးယမ်း ရုပ်သံလိုင်းနှင့် နိုင်ငံတကာအတွက် နက်ဖလစ်စ်တို့တွင် ထုတ်လွှင့်ပြသခဲ့သည်။ [၅]
အိုဒါ နိုဘူနာဂါသည် သူ၏ဖခင်ကွယ်လွန်ပြီးနောက် အိုဒါ မျိုးနွယ်စု၏ အကြီးအကဲဖြစ်လာသော်လည်း အာဏာလွန်ဆွဲနေသော မိသားစုဝင်များနှင့် ပြဿနာများဖြစ်လာသည်။ နိုဘူနာဂါသည် ဂျပန်နိုင်ငံအလယ်ပိုင်းကို အောင်နိုင်ပြီးနောက် အင်အားကြီး ဒိုင်မြိုတစ်ဦးဖြစ်သော တာကေဒါ ရှင်းဂန်းနှင့် စစ်ဖြစ်ပွားခဲ့သည်။ နိုဘူနာဂါ၏ ရည်မှန်းချက်များ ကြီးထွားလာသည်နှင့်အမျှ ၎င်း၏ ရည်ရွယ်ချက်များကို သံသယ ဖြစ်လာသော သူ၏စစ်သူကြီးတစ်ဦးဖြစ်သူ အာကီချီ မစ်ဆူဟီဒေသည် သစ္စာဖောက်လေသည်။ ထို့နောက်တွင် တိုယိုတိုမီ ဟီဒေယိုရှီသည် ဂျပန်နိုင်ငံ၏ လက်တွေ့အုပ်ချုပ်သူဖြစ်လာသည်။ သို့ရာတွင် ငယ်ရွယ်သော ဒိုင်မြို ဒါတေး မာဆာမူနေက ကျိုးနွံရန် ငြင်းဆိုသည်။ ဟီဒေယိုရှီသည် ဂျပန်နိုင်ငံကို ပေါင်းစည်းပြီးနောက်တွင် သူ၏ အုပ်စိုးမှုကို တရုတ်နိုင်ငံသို့ပါ တိုးချဲ့ရန် ကြံစည်ခဲ့သည်။ ငွေကုန်ကြေးကျများသော ထောက်ပံ့ပို့ဆောင်ရေးဆိုင်ရာ ပြဿနာများနှင့် ပြင်းထန်သော ဆန့်ကျင်မှုများကြောင့် စစ်ဆင်ရေးသည် ကိုရီးယားတွင်ပိတ်မိနေပါသည်။ ဟီဒေယိုရှီ၏ဘဝနောက်ဆုံးလများအတွင်းတွင် သူ၏သားငယ် ဟီဒေယိုရီအသက်ပြည့်၍ ကိုယ်တိုင်အုပ်စိုးနိုင်သည်အထိ ရင်ခွင်ပိုက်အုပ်ချုပ်ရန် ဘုရင်ခံငါးဦးကို ခန့်အပ်ခဲ့သည်။ သို့ရာတွင် ဒိုင်မြို တိုကူဂါဝါ အီယဲယာဆုသည် လက်ရှိအနေအထားကို အန်တုပြီး ၎င်း၏ပြိုင်ဘက်များကို စစ်ဆင်ရေးများစွာဖြင့် အောင်ပွဲခံကာ ဂျပန်၏ ရှိုးဂန်း ဖြစ်လာခဲ့ပြီး နောင်နှစ်ပေါင်း ၂၅၀ ကျော်တည်တံ့သော တိုကူဂါဝါ ရှိုးဂန်းမင်းဆက်ကို အစပြုခဲ့သည်။
သရုပ်ဆောင် ပြင်ဆင်ရန်
ဇာတ်လမ်းတွဲအပိုင်းများ ပြင်ဆင်ရန်
ချီးမြှင့်ဆုများ ပြင်ဆင်ရန်
ဇာတ်လမ်းတွဲသည် ၂၀၂၁ ခုနှစ် ၉ကြိမ်မြောက် ကနေဒါ ပိတ်ကား ဆုချီးမြှင့်ပွဲတွင် အကောင်းဆုံးဖြစ်ရပ်မှန်ရုပ်သံအစီအစဉ် သို့မဟုတ် ဇာတ်လမ်းတွဲများ၊ စိတ်ကူးယဉ်မဟုတ်သောရုပ်သံအစီအစဉ် သို့မဟုတ် ဇာတ်လမ်းတွဲတွင် အကောင်းဆုံးထုတ်လုပ်ရေးဒီဇိုင်း/အနုပညာလမ်းညွှန်ချက် ("နိုဘူနာဂါ ထွန်းတောက်လာခြင်း"အပိုင်းအတွက် ဖလော်ရီယန် ရှုခ်) နှင့် ဖြစ်ရပ်မှန်ရုပ်သံအစီအစဉ် သို့မဟုတ် ဇာတ်လမ်းတွဲများတွင် အကောင်းဆုံး ဒါရိုက်တာ ("နိုဘူနာဂါ ထွန်းတောက်လာခြင်း"အပိုင်းအတွက် စတီဖင်စကော့)တို့အတွက် ကနေဒါ ပိတ်ကား ချီးမြှင့်ဆု ၃ဆု ပဏာမစာရင်းဝင်ခဲ့သည်။ [၆]
ကိုးကား ပြင်ဆင်ရန်
- ↑ "'Age of Samurai: Battle for Japan' Review: Feuding Lords and Their Fighters" (in en-US)၊ 2021-02-23။ Archived from the original on 2021-03-04။
You must specify archiveurl= and archivedate= when using {{cite news}}. Available parameters: တမ်းပလိတ်:Cite news/doc/parameterlist
- ↑ Age of Samurai: Battle for Japan Is a Netflix Docu-Drama Written in Blood and Ink (in en-US) (2021-02-24)။ 2021-03-19 တွင် မူရင်းအား မော်ကွန်းတင်ပြီး။ 2021-03-04 တွင် ပြန်စစ်ပြီး။
- ↑ Stream It Or Skip It: 'Age Of Samurai: Battle For Japan' on Netflix, A Bloodstained History Lesson Full of Conquest And Blood Feuds (in en-US) (2021-03-01)။ 2021-03-19 တွင် မူရင်းအား မော်ကွန်းတင်ပြီး။ 2021-03-04 တွင် ပြန်စစ်ပြီး။
- ↑ Showrunner Matthew Booi Interview: Age of Samurai: Battle for Japan (in en-US) (2021-02-24)။ 2021-03-19 တွင် မူရင်းအား မော်ကွန်းတင်ပြီး။ 2021-03-04 တွင် ပြန်စစ်ပြီး။
- ↑ Barry Walsh, "Cream to revisit “The Age of Samurai” for Netflix, Smithsonian Canada" Archived 2021-11-06 at the Wayback Machine.. RealScreen, June 16, 2019.
- ↑ Brent Furdyk, "Television Nominees Announced For 2021 Canadian Screen Awards, ‘Schitt’s Creek’ Leads The Pack With 21 Nominations" Archived 2021-04-01 at the Wayback Machine.. ET Canada, March 30, 2021.
