ဆိုဖီယာ အဲဗားရက်စ်

သရုပ်ဆောင်

ဆိုဖီယာ အဲဗားရက်စ် (အင်္ဂလိပ်: Sophia Everest )(၁၉၉၂ ဧပြီ ၃၀ ဖွား) သည် မြန်မာအိုင်ဒေါ ရာသီ ၁မှ အောင်မြင်လာသော အဆိုတော်တစ်ယောက် ဖြစ်သည်။[၁][၂][၃]

ဆိုဖီယာ အဲဗားရက်စ်
Sophia Everest.jpg
ကိုယ်ရေး အချက်အလက်များ
အမည်ရင်းမြတ်ဆုခိုင်
မွေးဖွား (1992-04-30) ၃၀ ဧပြီ၊ ၁၉၉၂ (အသက် ၂၉)
ရန်ကုန်မြို့
ဂီတဟန်
အလုပ်အကိုင်
  • အဆိုတော်
  • သရုပ်ဆောင်
တူရိယာVocals
တက်ကြွသည့်နှစ်များ၂၀၁၅-လက်ရှိ

ဘဝအစနှင့် ပညာရေးပြင်ဆင်

မြတ်စုခိုင်ကို ၁၉၉၂ ခုနှစ် ဧပြီလ ၃၀ ရက်နေ့တွင် ရန်ကုန်မြို့၌ မွေးဖွားခဲ့သည်။ မွေးချင်း ၃ ယောက်အနက် ဒုတိယသမီး ဖြစ်ပြီး ဗုဒ္ဓဘာသာဝင်ဖြစ်သည်။ အစ်မတစ်ယောက်၊ မောင်တစ်ယောက် ရှိသည်။ ရန်ကုန်လေ့ကျင့်ရေးကျောင်းတွင် တက်ရောက်ခဲ့ပြီး စင်ကာပူနိုင်ငံ Republic Polytechnic ကျောင်းမှ ၂၀၁၄ ခုနှစ်တွင် ဇီဝနည်းပညာဘွဲ့ကို ရရှိခဲ့သည်။ ကလေးဘဝကပင် အဆိုဝါသနာပါခဲ့ပြီး City FM ပြိုင်ပွဲများတွင် ပါဝင်ခဲ့ပြီး အသက် ၁၁ နှစ်အရွယ်တွင် ပထမဆုရရှိခဲ့သည်။[၄][၅]

အလုပ်အကိုင်ပြင်ဆင်

အဆိုတော်ပြင်ဆင်

 
ဒုတိယမြောက် အခွေ ပရိုမိုရှင်းဖျော်ဖြေပွဲ

သူ၏ အဆိုတော်ဘဝကို မြန်မာအိုင်ဒေါ ပထမရာသီတွင် ယှဉ်ပြိုင်ရင်း စတင်ခဲ့သည်။ ပြိုင်ပွဲတွင် ဆိုဖီယာကိုပရိသတ်များသတိထားမိသည့်အပတ်မှာ မြစ်နှစ်စင်းရဲ့ပင်လယ် သီချင်းဖြင့် ယှဉ်ပြိုင်သောအပတ်တွင် Voting အနည်းဆုံးဖြစ်ခဲ့သော်လည်း ဒိုင်သုံးဦး၏ ကယ်တင်ခွင့် (ပြိုင်ပွဲရာသီတစ်ခုလုံးတွင် တစ်ကြိမ်သာအသုံးပြုခွင့်ရှိသည့် Save ) ဖြင့် ကယ်တင်ခဲ့သည့်အတွက် ဆက်လက်ယှဉ်ပြိုင်ခွင့်ရခဲ့သည်။ နောက်ဆုံးပွဲစဉ်မရောက်မီ ထိပ်ဆုံး ၄ ယောက်ယှဉ်ပြိုင်ရသည့် နွေရာသီ သီချင်းများ သီဆိုရသည့်အပတ်တွင် ဆောင်းဦးလှိုင်ရေးသားပြီး တင်ဇာမော်သီဆိာထားသည့် "အချစ်မရှိနေ့ရက်များ" သီချင်းဖြင့် ယှဉ်ပြိုင်ခဲ့ပြီး Voting အနည်းဆုံးဖြစ်ကာ ပြိုင်ပွဲမှ ထွက်ခွာခဲ့ရသည်။ မြန်မာအိုင်ဒေါပြီးသည်မှစ၍ ဖျော်ဖြေပွဲများစွာတွင် သီဆိုဖျော်ဖြေခဲ့သည်။ မြန်မာပြည်တွင်းတွင် သူမစံထားအားကျခဲ့ရသည့်အဆိုတော်မှာ တင်ဇာမော်ဖြစ်သည်။

ပထမဆုံးကျော်ကြားသည့်သီချင်းဖြစ်သည့် "Crush on You" ကို ၂၀၁၆ ခုနှစ် နိုဝင်လာ ၁ ရက်နေ့တွင် ထွက်ရှိခဲ့သည်။ ယင်းနောက် အဆိုတော် X Box ဖြင့်တွဲဖက်သီဆိုသည့် Snapshotသီချင်းသည် ပရိသတ်များကိုအထူးဆွဲဆောင်နိုင်ခဲ့သည်။

သူ၏ ပထမဆုံးပွဲဦးထွက် တစ်ကိုယ်တော်တေးစီးရီးဖြစ်သည့် Never Mind (NVM) ကို ၂၀၁၇ ခုနှစ် ဖေဖော်ဝါရီ ၂၆ ရက်တွင် ဖြန့်ချိခဲ့ပြီး ၂၀၁၇ ခုနှစ်၏ အရောင်းရဆုံးတေးစီးရီးတွင် နံပါတ် ၄ တွင် ရပ်တည်ခဲ့သည်။ ၂၀၁၈ ခုနှစ် မတ်လ ၁၈ ရက်နေ့တွင် ဒုတိယခွေဖြစ်သည့် နင့်ရဲ့ ကို ဖြန့်ချိခဲ့သည်။

Single Song အဖြစ် ၂၀၁၉ ခုနှစ် ဇန်နဝါရီလ ၂၄ ရက်နေ့တွင် တေးရေး Moe Htet B+ ရေးသားထားသော M E D U S A အမည်ရှိသီချင်းအား မိုးထက်နှင့်အတူ တွဲဖက်သီဆိုပြီး သူမ၏လူမှုကွန်ရက်စာမျက်နှာတွင်တင်ဆက်ပေးခဲ့ရာ ပရိသတ်များအထူးကြိုက်နှစ်သက်ခဲ့ကြသည်။ ထို့အပြင်ထိုသီချင်းသည် Major M ၏ Local Charts တွင်လည်း Top 1 နေရာသို့ အပိုင်ယူထားနိုင်ခဲ့ပြီး ရက်သတ္တပတ်အတော်ကြာ Top Chart တွင် တည်ရှိနေသော သီချင်းတစ်ပုဒ်ဖြစ်ခဲ့သည်။

နင့်ရဲ့ သီချင်း၏ Music Video ကို ၂၀၁၉ ခုနှစ် ဇွန်လ ၆ ရက်နေ့က သူမ၏လူမှုကွန်ရက်ပေါ်တွင် တင်ခဲ့သည်။ Music Video သည် sexy ဆန်ဆန်အကြမ်းစားရိုက်ကူးထားသောကြောင့် Video ၏အောက်တွင် လူအများ၏ မှတ်ချက်ပြုမှုမျိုးစုံကို ရရှိခဲ့သည်။ အဆိုပါ Music Video သည်လည်း နာရီပိုင်းအတွင်းကြည့်ရှုသူ တစ်သိန်းကျော် ရှိလာသည်အထိ အောင်မြင်ခဲ့သည်။

သီချင်းမတင်ဆက်ခင်ရက်ပိုင်းက သူမအနေဖြင့် တေးသရုပ်ဖော်ထဲမှ သရုပ်ဆောင်အမျိုးသားနှင့်အတူ ရိုက်ကူးထားသည့် အပေါ်ပိုင်းအဝတ်ဗလာဖြင့် သူမ၏ပုံကြောင့် လူမှုကွန်ရက်တစ်ခွင်နှင့် မီဒီယာများကြား ဂယက်ထသွားခဲ့သည်။

ဆိုဖီယာသည် ယနေ့အချိန်ထိ (၂၀၁၉ ဇွန်လ ၆ ရက်နေ့ထိ ) Major M ၏ Local top 30 charts တွင် No.1 သီချင်း ၂ ပုဒ်နှင့် Female Artist with Most No.1 ဖြစ်နေခဲ့သည်။

သရုပ်ဆောင်ပြင်ဆင်

ဆိုဖီယာ အဲဗားရက်စ်သည် သူ၏ပထမဆုံးရုပ်ရှင်ဖြစ်သော နောင်ဘယ်တော့မှမမုန်း ကို သရုပ်ဆောင် သူရိယ၊ ဆုအိမ့်စံတို့နှင့် တွဲဖက်သရုပ်ဆောင်ခဲ့ပြီး အောက်တိုဘာ ၂၀၁၇ တွင် ထွက်ရှိခဲ့သည်။ သူရိယနှင့်ပင် နောက်ကျောကဓား ရုပ်ရှင်ကို ရိုက်ကူးခဲ့ပြီး နိုဝင်ဘာလတွင် ထွက်ရှိခဲ့သည်။

ကြေညာပြင်ဆင်

တူးပို့ဘီယာ၏ ambassador အဖြစ် ၂၀၁၈ ဖေဖော်ဝါရီ ၂၆ ရက်တွင် ခန့်အပ်ခံခဲ့ရသည်။

ရုပ်ရှင်ပြင်ဆင်

  • နောင်ဘယ်တော့မှမမုန်း
  • နောက်ကျောကဓား

တေးစီးရီးပြင်ဆင်

တစ်ကိုယ်တော်ပြင်ဆင်

  • NVM (Never Mind) (၂၀၁၇)
  • နင့်ရဲ့ (၂၀၁၈)

သီးသန့်ပြင်ဆင်

  • Crush on You (၂၀၁၆)
  • M E D U S A (၂၀၁၉)(feat: Moe Htet B+)

ကိုးကားပြင်ဆင်

  1. Tun Lin။ "NVM နဲ့ တာထွက်လှခဲ့တဲ့ Sophia Everest" (in my)၊ MODA Magazine၊ 2 June 2017။ 
  2. Zwe Nyan။ "အမျိုးသမီးအဆိုတော်လေးဦး ဖျော်ဖြေပွဲအတွက် ပြင်ဆင်နေတဲ့ ဆိုဖီယာ" (in my)၊ 7Day News၊ 7 September 2017။ Archived from the original on 1 August 2018။ 
  3. "Myanmar Idol 2016"၊ Yangon Life Media၊ 11 February 2016။ Archived from the original on 12 June 2018။ 
  4. Pyone Thinzar Ye။ "Caeer of Sophia"၊ Digital Times၊ 6 May 2017။ 
  5. "ပရိသတ်ချစ်တဲ့ အဆိုတော်ကောင်လေးနဲ့ ပရိသတ်ကို Suprises လုပ်မယ့် ဆိုဖီယာ"၊ 16 June 2017။ Archived from the original on 12 June 2018။