ဇာတိဓမ္မ ၁၀သုတ်

ပထမသုတ်မှ ဒသမသုတ်အထိ (၁၀)သုတ်။

အလုံးစုံသောအရာတို့သည် ဇာတိဓမ္မ, ဇရာဓမ္မ, ဗျာဓိဓမ္မ, မရဏဓမ္မ, သောကဓမ္မ, သံကိလေသဓမ္မ, ခယဓမ္မ, ဝယဓမ္မ, သမုဒယဓမ္မ, နိရောဓဓမ္မ ဖြစ်ကုန်၏။ အဇ္ဈတ္တိကာယတန(၆)ပါး၊ ဗဟိဒ္ဓါယတန(၆)ပါး၊ ဝိညာဉ်(၆)ပါး၊ ဖဿ(၆)ပါး၊ ဝေဒနာ(၁၈)ပါးတို့ကို ထိုဇာတိဓမ္မအစရှိသော (၁၀)မျိုးသော သဘော ရှိကုန်၏ဟု သိမြင်သော အရိယာသာဝကသည် ထိုအဇ္ဈတ္တိကာယတနအစရှိသော တရားတို့၌ နိဗ္ဗိန္ဒဉာဏ်, ဝိရာဂဉာဏ်, ဝိမုတ္တိဉာဏ်တို့ အဆင့်ဆင့်ဖြစ်ပေါ်လာပြီး ခီဏာ ဇာတိ အစရှိသော ပစ္စဝေက္ခဏာဉာဏ်ဖြင့် ဘဝအားလုံးမှ လွတ်မြောက်ပြီးပုံကို သိ၏ဟု တစ်ပါးစီ တစ်ပါးစီ အကျယ်အားဖြင့် ရဟန်းတို့အား ဘုရားရှင် ဟောတော်မူသည့်သုတ်များ။

အဋ္ဌကထာ, ဋီကာတို့၌ ဖွင့်ဆိုချက်များရှိပါသည်။