တတိယနံမော်ဆရာတော်

ရှင်ဝိနန္ဒာသဘ (၁၁၃၈-၁၂xx) သည် သာယာဝတီမင်းလက်ထက်တွင် "တတိယနံမော်ဆရာတော်" ဟု ထင်ရှားခဲ့သည့် ကျမ်းပြုဆရာတော် ဖြစ်သည်။

ဘဝ

နံမော်ဆရာတော်ကို ၁၁၃၈ ခုနှစ်တွင် ဖွားမြင်ခဲ့သည်။ ငယ်စဉ်အခါကပင် သာမဏေဝတ်ခဲ့၍ ပျို့များစွာကို ရေးသားခဲ့သည်။ ထို့နောက်တွင် ဥဘတောဝိဘင်းပြန် အရှင်အာသဘာလောကကို ဥပဇ္ဈာယ်ပြု၍ ရဟန်းပြုခဲ့သည်။

ထို့နောက်တွင် မင်းကြီးမဟာသက်တော်ရှည်တိုက်တွင်လည်းကောင်၊ ဆင်တဲဆရာတော် အစရှိသည့် ကျမ်းတတ်ပုဂ္ဂိုလ်များထံတွင် ပိဋကတ်ကို သင်ယူခဲ့သည်။ ဆရာတော်သည် ဝိနည်းကို အထူးလေးစားတော်မူ၏။

ဆရာတော်သည် မန်းကျည်းချောင်းရွာကျောင်း၊ မြစ်သားမြို့နယ် ခြံကြီးကွေ့ရွာ အုတ်ပြာသာဒ်ကျောင်းများ၌ သီတင်းသုံးတော်မူခဲ့သည်။ ထို့ပြင် ရှမ်းပြည် ရပ်စောက်မြို့၊ ရွှေအင်တောင် အနောက်ခင်ရိုးရွာတိရွာ ပန်တင်ဂူ (ပဏ္ဍင်္ဂု) အနီး နံမော်ရွာကျောင်းတွင် သီတင်းသုံးတော်မူခဲ့သည်။

ဆရာတော်သည် ဒုတိယနံမော်ဆရာတော်၏ တပည့်လည်း ဖြစ်သည်။

ကျမ်းများပြုစုခြင်း

ဆရာတော်သည် အောက်ပါကျမ်းများကို ရေးသားပြုစုတော်မူခဲ့သည်။

1. သီလဝိသောဓနီ (၁၁၉၉)
2. ကထိနဝိနိစ္ဆယ
3. သီမဝိနိစ္ဆယ
4. ဒေသနာကံ၊ ဝုဋ္ဌာနကံအစီအရင်
5. လောကဓမ္မပျို့ (၁၁၅၃) (နာထာနာထချီ)
6. ပရာဘဝပျို့ (ဌာနဌာနချီ)
7. သာဓုစာရီပျို့ (နရာနရချီ)
8. သင်္ကပ္ပပျို့ (မဟာဝံသချီ)
9. မဃဒေဝပျို့ (အနောပမချီ)။