တာရာရုပ်ပွားတော်

တာရာရုပ်ပွားတော် သည် အေဒီ ၇-၈ ရာစုက ပြုလုပ်ခဲ့သည့် သီရိလင်္ကာနိုင်ငံရှိ ကြေးနီဖြင့်ပြုလုပ်ကာ ရွှေချထားသည့် တာရာရုပ်ပွားတော် ဖြစ်သည်။ ၁၉ ရာစုအစောပိုင်းတွင် ဗြိတိသျှတို့သည် ကန်ဒီ၏ နောက်ဆုံးမင်းကို တိုက်ခိုက်ကာ ကန်ဒီမြို့ကို သိမ်းပိုက်ခဲ့သည်။ ထို့နောက်တွင် ဗြိတိသျှသီရိလင်္ကာအစိုးရ Robert Brownrigg က ၁၈၃၀ ခုနှစ်တွင် ရုပ်ပွားတော်ကို ဗြိတိသျှပြတိုက်သို့ ဆောင်ယူသွားသည်။

တာရာရုပ်ပွားတော်
Material	Gilded Bronze
Size	143 cm high
Created	7th-8th century AD
Present location	British Museum, London
Identification	1830,0612.4

နောက်ခံသမိုင်း

ဘီစီ သုံးရာစုကတည်းက ဗုဒ္ဓဘာသာ၏ သမိုင်းကြောင်းသည် ရှည်လျားစွာပင် တည်ရှိခဲ့သည။ ဘီစီ ၃၇၇ အနုရာဒပူရဘုရင့်နိုင်ငံကို တည်ထောင်ခဲ့သည့် ဘုရင် Pandukabhaya လက်ထက်အချိန်ကာလကတည်းက ဗုဒ္ဓဘာသာသည် စတင်လာခဲ့သည်။ အနုရာဒပူရခေတ်ကာလ၌ ဗုဒ္ဓဘာသာသည် အရေးပါသည့် အခန်းကဏ္ဍမှ ပါဝင်ခဲ့သည်။ ဗုဒ္ဓဘာသာသည် ယဉ်ကျေးမှု၊ ဥပဒေနှင့် အစိုးရအုပ်ချုပ်ရေး စသည်များအပေါ် လွှမ်းမိုးခဲ့သည်။ တရရုပ်ပွားတော်သည် ဗုဒ္ဓဘာသာနှင့် ဟိန္ဒူဘာသာအကြားတွင် အပြန်အလှန် ယဉ်ကျေးမှု ကူးလူးဆက်သွယ်မှုရှိသည်ကို ဖော်ပြသည့် ပြယုဂ်တစ်ခု ဖြစ်သည်။ တရသည် ဟိန္ဒူမိခင်နတ်သမီးဖြစ်သော်လည်း ဗုဒ္ဓဘာသာတွင် ပြောင်းလဲကာ ပါဝင်လျက်ရှိသည်။ သီရိလင်္ကာနိုင်ငံသည် ယခုအချိန်တွင် ထေရဝါဒဗုဒ္ဓဘာသာထွန်းကားသည့် နိုင်ငံတစ်ခု ဖြစ်သည်။

ဤရုပ်ပွားတော်ကို အချိန်ကာလတစ်ခုက အစောင့်အရှောက်နတ် Pattini ဟု ယူဆကြသည်။ သို့သော် ယခုအခါတွင်မူ တရ၏ ရုပ်ပွားတောဖြစ်သည်ဟု သဘောတူညီခဲ့ကြသည်။