တာ့တာစတန်

တာ့တာစတန်သမ္မတနိုင်ငံ၊ အလွယ်ခေါ် တာ့တာစတန်သည် ရုရှားပြည်ထောင်စုဝင် နိုင်ငံတခုဖြစ်ပြီး အရှေ့ဥရောပ၌ ရှိသည်။ ဘောလဂါဖက်ဒရယ်ဒိစတြိတ်ဝင်ဖြစ်ပြီး အကြီးဆုံးမြို့နှင့် မြို့တော်မှာ ကဇန်ဖြစ်သည်။ ယင်းမြို့၌ ရုရှား၏ အရေးပါသော ယဉ်ကျေးမှုစင်တာများ ရှိသည်။

ပတ်ဝန်းကျင်ပြည်ထောင်များမှာ ကီရော့၊ ယူလာနော့စကာ၊ ဆမာရာ၊ အိုရန်ဘာ့ အော့ဘလက်၊ မာရီအယ်၊ အူဒမွတ်၊ ချူဗါ့သမ္မတနိုင်ငံနှင့် ဘက်သျှကော့တိုစတန်သမ္မတနိုင်ငံတို့ ဖြစ်သည်။ နိုင်ငံမှာ ၆၈၀၀၀ စတုရန်းကီလိုမီတာ (၂၆၀၀၀ စတုရန်းမိုင်) ကျယ်သည်။ ၂၀၁၀ သန်းခေါင်စာရင်းအရ လူဦးရေ ၃၇၈၆၄၈၈ ယောက် ရှိသည်။

အရှေ့ဘက်ပြည်ထောင်ဖြစ်သော ဘက်သျှကော့တိုစတန်နှင့် ယဉ်ကျေးမှုချင်း အလွန်တူသည်။ နိုင်ငံသုံး ဘာသာစကားမှာ တာ့တာနှင့် ရုရှားဖြစ်သည်။