တိပုပ္ဖိယ

အရှင်တိပုပ္ဖိယထေရ် သည် မြတ်စွာဘုရား၏ သာသနာတော်ရှိ ရဟန်းတစ်ပါး ဖြစ်သည်။

ဘဝဇာတ်ကြောင်း

ဝိပဿီမြတ်စွာဘုရားလက်ထက်

အရှင်တိပုပ္ဖိယထေရ် သည် တော၌ မုဆိုးတစ်ဦး ဖြစ်၏။ ထိုမုဆိုးသည် ဝိပဿီမြတ်စွာဘုရား၏ သခွတ်ဗောဓိပင်ကို ဖူးမြင်ရ၍ ပန်းသုံးပွင့်တို့ဖြင့် ကြဲမြှောက်ကာ ပူဇော်ခဲ့၏။ ထို့နောက် ကြွေကျနေသော ဗောဓိရွက်တို့ကို ကောက်ယူကာ အပြင်၌ စွန့်ပစ်၏။ ထိုသို့ သခွတ်ဗောဓိပင်ကို ရှိခိုးပူဇော်မှု ပြုပြီးသောအခါ ထိုအပင်ရင်း၌ပင် သေဆုံးခဲ့၏။

အကျိုးခံစားရခြင်း

ဤဘဒ္ဒကမ္ဘာမှ ကိုးဆယ့်တစ်ကမ္ဘာထက်တွင် ဗောဓိပင်ကို ပူဇော်ခဲ့သည့် အချိန်မှစကာ အပါယ်လေးဘုံသို့ မကျရောက်ခဲ့ရပေ။ ထို့အပြင် သုံးဆယ့်သုံးကမ္ဘာထက်တွင်လည်း “သမန္တပါသာဒိက” အမည်ဖြင့် စကြဝတေးမင်း တစ်ဆယ့်သုံးကြိမ် ဖြစ်ခဲ့၏။

ဂေါတမမြတ်စွာဘုရားထက်ထက်

နောက်ဆုံးဘဝတွင် ဂေါတမမြတ်စွာဘုရား၏ သာသနာတော်တွင် အရှင်တိပုပ္ဖိယထေရ် အဖြစ်ဖြင့် အာသဝေါကုန်ခမ်း ရဟန္တာ ဖြစ်တော်မူ၏။